^{1 2} 1.ಓದಾಡುಮಾ ಏಕ್ ದಾಡ್ ಉ ದೇವಳೆಮಾ ಜನೋನ್ ಬೋದ್ ಕರ್ತ್ತೋ ಅಚ್ ಖಬರೆನ ಪ್ರಾಚಾರ್ ಕರ್ತ್ತೋ ರಜನಾ ಮೋಟೋ ಯೋಜಕಾನ್ ಶಾಸ್ರಿಯೋ ಮೊಟೆತಿ ಸದಾ ಓರ್ ಡಾoಯಿ ಆನ್ - 2.ತು ಕುಣಿಸ್ ಹಕ್ಮೆತಿ ಈ ಕಾಂ ಕರರೋಚಿ ?ಈ ಹಮಕ್ ತೋನ ಕುಣ್ ದಿನೆಕೋ ಹಮೆನ್ ಕ ಕೇನ ಓನ್ ಪೂಚೆ . ^{3 4} 3.ಜನಾ ಉ -ಮಸದಾ ತಮೇನ ಏಕ್ ವಾತ್ ಪೂಚುಚು ,ಉ ಮನ್ ಕೋ. 4.ಯೋಹಾನ್ ದಿನೋಜಕೋ ಬಾಪ್ತಿಸಂ ಸ್ವರ್ಗಲೋಕೆತಿ ಆಯಿ?ಕೋನಿ ಮನಕ್ಯಾತಿ ಆಯಿಕ ?ಕನ್ ಪೂಚೋ. ^{5 6} 5.ಜನಾ ಓ -ಸ್ವರ್ಗ ಲೋಕೇತಿ ಆಯಿ ಕನ್ ಅಪಣ್ ಕಿಂಯಾತೋ ತಮ್ ಕಸೇನ್ ಓನ್ ವಿಶ್ವಾಸ್ ಕಿದೆಕೋನಿ ಕನ್ ಉ ಅಪಣೆನ್ ಪೂಚ ಛ; 6.ಆದ್ಮಿತಿ ಆಯಿಕನ್ ಕಿಂಯಾತೋ ಜನಾ ಸೇ ಅಪಣನೆ ಭಾಟತಿ ಮಾರಚ ಕಸೆನಕತೋ ಯೋಹಾನ್ ಭಕ್ತಿದಾರ್ ಕನ್ ಸೇ ಕಾಟೋ ವಿಶ್ವಾಸ್ ಕರ್ರೆಚ ಕನ್ ಉನೇಮಾ ಓ ಮತ್ರೋ ಕರನ್, ^{7 8} 7.ಉ ಕತೆತಿ ಆಯಿಜಕೋ ಹಮೇನ ಮಾಲಂ ಚೆನಿಕನ್ ಓನ ಜವಾಬ್ ದೀನೇ . 8.ಜೆರ್ವಾಸ್ ಯೇಸು -ಕುಣಸ್ ಹರಮೆ ತಿ ಈ ಕಾಂ ಕರ್ ರೋಚು ಕೋ ಮಸದಾ ತಮೇನ ಕುನಿ ಕನ್ ಉನೇನ್ ಕೋ. ^{9 10} 9.ಜನಾ ಉ ಜನೂನ್ ಈ ಸಾಟುವಾ ಕೇನ್ ಸರೋಕಿದೋ .ಎಕ್ ಆದ್ಮಿ ಆಂಗುರೆರ್ ಬಾಗೆನ್ ಗಾಡನ್ ಗುತ್ತಾ ಕರೆವಾಳುನ್ ಪಾಲೆನ್ ದೆನ್ ಉಜ್ಜೇಕ್ ಮಲ್ಕೆನ್ ಜಾನ್ ಘಣ್ ದಾಡ್ ರೋ . 10.ಫಳೆರ್ ದಾಡುಮಾ ಓ ಅಂಗುರೆರ್ ಫಳೆಮಾ ಅವಜಕೋ ಓರ್ ಹಾಂಸೋ ಓನ್ ದ ಕನ್ ಓ ಗುತ್ತಾಕರೆವಾಳೆಕನ್ನ ಏಕ್ ಬಾಂಯನ್ ಮೇಲೋ ಪಣ್ ಓ ಗುತ್ತಾ ಕರೆವಾಳ್ ಓನ್ ಮಾರನ್ ಠಾಲ್ ಹಾತೇತಿ ಮೇಲ್ ದಿನೆ. ^{11 12} 11.ಫರನ್ ಉ ಉಜ್ಜೇಕ್ ಬಾಂಯಾನ್ ಮೆಲೋಜನಾ ಓನ್ ಮಾರನ್ ಹಿಜ್ಜಿತ್ ಕಾಡನ್ ಠಲೋ ಹಾತೇತಿ ಮೇಲ್ದಿನೆ. 12.ಫರನ್ ಉ ತಿನ್ ಆದ್ಮಿನ್ ಮೇಲೋಜನಾ ಓನ್ ಘಾವ್ ಕರನ್ ಭಾರ್ ಧಕಲ್ ದಿನೇ. ^{13 14} 13.ಜನಾ ಓ ಅoಗೂರೇರ್ ಬಾಗೇರ್ ಮಾಲಿಕ್ -ಮ ಕಾಂಯಿಕರು?ಮಾರ್ ಪ್ರೇಮೆರೆ ಬೇಟಾನ್ ಮೇಲುಚು ,ಎಕಾದ್ವಳಾ ಓ ಓನ್ ಮಾನ್ ಕರಿಯೇಕನ್ ಕೆಲೇನ್ ಮೇಲೋ , 14.ಪಣ್ ಓ ಗುತ್ತಾ ಕರೆವಾಳ್ ಓನ್ ದೇಕನ್ -ಈ ಹಕ್ದಾರ್ ,ಈ ಬಾಗ್ ಅಪಣ್ ವೇಜಾಣು ಕತೋ ಏನ್ ಮಾರಾ ಆವೋ ಕನ್ ಎಕೇನ್ ಎಕ್ ವಾತೆಕರ್ಲಿದೆ. ^{15 16} 15.ಓನ ಅಂಗೂರೇರ್ ಬಾಗೇರ್ ಭಾರ ಧಕಲನ್ ಮಾರ್ ನಾಕೇ ,ಹನುವತೋ ಓ ಅಂಗೂರೇರ್ ಬಾಗೇರ್ ಮಾಲಿಕ್ ಉನೇನ್ ಕಾಂಯಿ ಕರಚ? 16.ಉ ಆನ್ ಓ ಗುತ್ತಾ ಕರೆವಾಳುನ್ ಮಾರ್ನಾಕನ್ ಓರ್ ಆನ್ಗುರೆರ್ ಬಾಗೇನಾ ದುಸ್ರೆನ್ ದಚಕನ್ ಕೊ. ^{17 18} 17.ಎನ್ ಜನ್ ಸಾಮಳನ್ -ಹನೂ ನವೇಣು ಕನ್ ಕೆ ,ಪಣ್ ಉ ಉನೇಸೇನ್ ದೇಕನ್ -ಹನುವತೋ ಘರ್ ಬಾಂದೇವಾಳ್ ಬಗಾದಿನೆಜಕೋ ಭಾಟಾ ಮೂಲಾರ್ ಬಾಟಾ ವೆಗೋಕನ್ ಲಕ್ಮೇಲೆಜಕೋ ವಾತ್ ಕಾಂಯಿ. 18.ಎ ಭಾಟಾ ಉಪರ್ ಪಡಜಕೋ ಹರ್ಯೇಕ್ ಆದ್ಮಿ ತುಕ್ ಡಾ ವೆಜಾವಚ ,ಉಕೇರ್ ಉಪರ್ ಪಡಚಕೋ ಚುರೋ ಕರ್ ನಾಕ್ಯೇ ತಾಶಿಲೆರ್ ನೇವ್ ^{19 20} 19.ಮೋಟೋ ಯಾಜಕನ್ ,ಪಂಡಿತನ್ ಉನೇರ್ ಕಾಣ್ ಉ ಏ ಸಾಟುವಾನ ಕೊ ಕನ ಮಾಲಂ ಕರ್ಲೆನ್ ಓ ಘಡಿಮಾ ಓನ ಪಕಡೆನ್ ದಿಟೆ ಪಣ್ ಜನುತಿ ಚಮಕ್ ಗೇ . 20.ಜೆರ್ವಾಸ್ ಓ ಚಜಕೋ ವಗತೆಲಗುದೆಕ್ತೆರೆ ಓ ತೋಡಾಸೇಕೆನ್ ಪಿಸಾದೇನ್ ಆಚೇರ್ ನೈ ಭೇದ ಘಾಲಲೆನ್ ಯೇಸುನ್ ವಾತೇಮಾ ಪಸಾಮಾ ಕನ್ ಓರ್ ಡಾoಯಿ ಉನೇನ್ ಮೇಲೆ . ^{21 22} 21.ಉ ಚುಕೇಮಾ ಪಸತೋ ಓನ್ ನೆವ್ಕರೆನ್ ಹವಾಲ್ ಕರ್ ಣೂ ಕನ್ ಓ ಮತ್ರೋಕಿದೆ ಓ ಆನ್ -ಬೋದಾಕರೆವಾಳೋ ತು ಕೆರೋಜಕೋ ಸಿಕರೋಜಕೋ ಸೇ ಸಾಸಿಜ್ ಕನ್ ಹಮೇನ್ ಮಾಲಂ ,ತು ಕೆರೀ ಮುಂದೊದೆಕೆನಿಜು ದೇವೇರ್ ವಾತ್ ಸತ್ತೆತಿ ಬೋದಾ ಕರೋಚಿಕನ್ ಹಮೇನ ಮಾಲಂ. 22.ಅಪಣ್ ಕೈಸರೆನ್ ಸುಂಕ ದೇರ್ ಅಪಣ್ ಶಾಸ್ತ್ರೆರ್ ನೈ ಧರಂ ಕ್ ಕೋನಿ ?ಕನ್ ಓನ್ ಪೂಚೇ. ^{23 24} 23.ಉ ಉನೇರ್ ಬಲ್ಲಾಗುಣ್ ಮಾಲಂ ಕರ್ಲೆನ್ಉನೆನ -ಎಕ್ ದಿನಾರ್ ಮನ್ ದಕಾಳೋ 24.ಏರ್ ಉಪರ ಚಜಕೋ ರೂಪನ್ ಮೂದ್ರಾ ಕೇರ್ ಕನ್ ಕೊಜನಾ ಓ -ಕೈಸರೆನ್ ಕನ್ ಕೇ . ^{25 26} 25.ಜನಾ ಉ -ಹನುವತೋ ಕೈಸರೆರ್ ದೇದೋ ದೇವೆರ್ ದೇವೆನ್ 26.ದೋಕನ್ ಕೊ ಓ ಜನೇರ ಮುಂಡಾಗ್ ಎ ವಾತೇಮಾ ಚುಕ್ ನಮಳಜು ಓರ್ ಜವಾಬೇನ್ ವಿಚಿತ್ತರ್ ಪಡನ್ ಗಚ್ಚಬ್ ರೇಗೆ. ^{27 28} 27.ಮರ್ಗೆಜಕೋ ಉಟೆನಿ ಕನ್ ಕೆಜಕೋ ಜನ್ ಸದ್ದೂಕಾಯುಲ್ ಥೋಡ್ಸೇರ್ ಓರ್ ಡಾoಯಿ ಆನ್ ಒನ್ ಹನು ಪೂಚೇ. 28.ಬೋದಾಕರೆವಾಳೋ ಗೋನ್ನಿ ಬಂಚನ್ ರಜನಾ ಎಕೇರ ಭೀಯ್ಯಾಚಚ್ಯಾಬರ್ ಚೆನಿಜು ಮರ ಜಾವತೋ ಓರ್ ಭಾಯಿ ಓನ್ ವಾಯ ಕರ್ಲೆನ್ ಓರ್ ಭಿಯಾರ್ ವೆಲ್ ವಲಾದ ಚಾವನುಕನ್ ಮೋಶೆ ಅಪಣೆನ ಲಕ್ದಿನೋ . ^{29 30 31 32 33} 29.ಸಾತ್ ಭಾಯಿವೆತ್ತೆ ಪೆಲೋ ಏಕ್ ಚೋರಿನ ವಾಯಾ ಕರ್ಲೆನ್ ವಲಾದ ಚೆನಿಜು ಮರ್ಗೋ. 30.ದೂ ತಿಸ್ರೋ ಸದಾ ಒನ್ ವಾಯಾಕರ್ ಲಿದೇ ಹನೂಜ್ ಸಾತಿ ಭಾಯಿ ಓನ್ ವಾಯಕರನ್ ವಲಾದ್ ಚೇನಿ ಜೂಜ್ ಮರ್ಗೆ. 31.ಪಚ್ಚ ಉ ಬೀರ್ ಸದಾ ಮರ್ಗಿ. 32.ಜೆರ್ವಾಸ್ ಮರ್ಗಿಜಕೋ ಉಟ ಜನಾ ಉ ಉನೇಮಾ ಕೇರ್ ಗೋನ್ನಿ ರಚ್ಚ ? 33.ಓ ಸಾತಿರ್ ಸದಾ ಉ ಗೋನ್ನಿ ವೇನ್ ವೇತ್ತಿ ಕೋನಿಕಾಂಯಿ ?ಕನ್ ಕೆ . ^{34 35 36} 34.ಜನಾ ಯೇಸು -ಏ ಜಗೆರ್ ಜನ್ ವಾಯ ಕರ್ಲಚ ವಾಯ ಕರಾವಚ ಪಣ್. 35.ಮರ್ಗೆ ಜೆಮಾಯಿತಿ ಉಟನ್ ಸ್ವರ್ಗ ಲೋಕೇಮಾ ಬಂಚೆನ್ ಚಾಜಜಕೋ ಆದ್ಮಿ ವಾಯಕರೆನಿ ವಾಯ ಕರಾಯೇನಿ. 36.ಮರ್ಗೆ ಜೆಮಾಯಿತಿ ಉಟಜಕೋ ದೇವೇರ್ ಸೋಜಾರ ಬರೋಬರ್ ದೇವೇರ ಬೇಟಾವೆನ್ ರಚ ಜೆರ್ವಾಸ್ ಓ ಉಜ್ಜಿ ಮರ್ಜಾಯೇನಿ . ^{37 38} 37.ಬೋಚ್ಕಾರ್ ಖಬರೆಮಾ ಪ್ರಭು ಅಬ್ರಾಹಾಮೆರ್ ದೇವ್ ಇಸ್ಸಾಕೇರ್ ದೇವ್ ಯಾಕೊಬೇರ್ ದೇವ್ ಕನ್ ಕೆತೋ , 38.ಮರ್ಗೆಜಕೋ ಉಟಚ್ ಕೆನ್ ಮೋಶೆ ಮಾಲಂಕಿದೋ ಉ ಬಂಚ್ರೆಜೆರ್ ಜ್ ದೇವ್ ಛ ಪಣ್ ಮರ್ಗೆಜೆರ್ ದೇವ್ ಕೋನಿ ,ಓರ್ ನಂಜರೆಮಾ ಸೇ ಬಂಚರೆಚ ಕನ್ ಜವಾಬ್ ದಿನೋ. ^{39 40} 39.ಪಚ್ಚ ಓ ಓನ್ ಉಜ್ಜಿಕಾಂಯಿ ಪುಚೇನ್ ಹೀಮ್ಮತ್ ಕಿದೆ ಕೋನಿ ; 40.ವಜ್ಜಿ ಶಾಶ್ರೀವೂಮಾ ತೋಡಾಸೇಕ್ -ಭೋದಾಕರೆವಾಳೋ ,ತು ಸಮೊರಜ್ ಕೊ ಕನ್ ಕೆ . ^{41 42 43 44} 41.ಉ ಉನೇನ್ ಕ್ರಿಸ್ತು ದಾವಿದೇರ್ ಬೆಟಾಕನ್ ಜನ್ ಕು ಕೆರೆಛ ? 42.ಮ ತಾರ್ ದುಸ್ಮನುನ್ ,ತಾರ್ ಟಾoಗೇರ್ ಪಿಟಾ ನೈ ರಕಾಡುಜೇಲಗು ಮಾರ್ ಜಮಣ್ ಪಾಕ್ ತಿಮಾ ಬೆಸ್ಕನ್ , 43.ಪ್ರಭು ಮಾರ್ ಪ್ರಭುತಿಕೋ ಕನ್ ಕಿರ್ತನ್ ಪುಸ್ತಕೆಮೆಮಾ ದಾವಿದಜ್ ಕೋಚ . 44.ದಾವಿದ್ ಓನ್ ಪ್ರಭುಕನ್ ಕತ್ತೋ ಉ ಕು ಓರ್ ಬೇಟಾ ವೇಜಾ ಕನ್ , ^{45 46 47} 45.ಜನ್ ಸೇ ಸಾಮಳರೆಜನಾ ಉ ಹನೂಕೂ -ಶಾಶ್ರೀವೂರ್ ಬಾರೆಮಾ ಜತನೆತಿರೋ ಓಲಾಂಭೋಝಾಗ್ಲಾನ್ ಪೆರ್ಲೇನ್ ಫರೇನ್ ಆಸಾಕರಚ್ . 46.ಬಜಾವೆಮಾ ನಮಣೆನ್ ನಸಾಬೇರ್ ದೇವಳೆಮಾ ಮೋಟೋ ಪಿಟಾನ್ ದಾವತೆಮಾ ಅಗಡಿಯಾರ್ ಜಾಗೇನ್ ಆಸಾಕರಚ. 47.ಓ ರಾಂಡ್ ಬಿರೆರ್ ಘರೆನ್ ಗಲನ್ ಮಾಯಾರ್ ವೆಸೇತಿ ಲಾಂಬೋ ಅರಜ್ ಕರಚ ಓ ಉಜ್ಜಿ ಜಾದಾ ಸಜಾಲಚ ಕನ್ ಕೋ.