1 ವಾತೆಷಾತ್ಕತೊ ಮಾರ ಭಂಯೆ, ಖ್ಹೊದಾಮ ಖ್ಹಚಿಪಡೊ, ಅಗಾಡಿ ಮಾಲುಂಕರಾಯೊತೆ ವಾತೆವ್ನಾ ಫರಿನ್ ತುಮ್ನಾ ಲಿಖ್ಖಾಮಾ ಮನಷಾತ್ಬಿ ನರಾಸ್ಝ್‍ಕೊಯನಿ ತುಮ್ನಾತೋಬಿ ಯೊವಾತೆ ಘಟ್ ಕರಾಸ್ 2 ಕುತ್ರ್ಯಾವ್ನಾ ಹೊಷಾರ್‍ರಃವೊ; ಖರಾಬ್‍ದಿಲ್‍ಥಿ ಕಾಮ್ ಕರಾವಳನ ಹೊಷಾರ್ ರಃವೊ ಸುನ್ನತಿಕರಿ ಬೋಲ್ತಾಹುಯಿನ್ ತನ್‍ನಾ ವ್ಹಾಡವಾಳನ ಹೊಷಾರ್ ರಃವೊ 3 ಚಾಸ್ಕರಿ ಸುನ್ನತಿವಾಲ ಕೋಣ್‍ಕತೊ – ದೇವ್ನಾ ಆತ್ಮಥಿ ಭರಾವಿನ ಆರಾಧನೆ ಕರಾವಳ ಕ್ರಿಸ್ತಯೇಸುಮಾ ಖ್ಹುಚಿಪಡಾವಳ ಶರೀರ್ನಿ ಸಂಭಂಧಮ ರಹೈತೆ ಇನಾಮ ಭರಾಕ್ಹೊಕೊರಹೈನ್ತೇ ಸಛಾತೆ ಅಪ್ಣೇಸ್ 4 ತೋಬಿ ಶರೀರ್ನಿ ಸಂಬಂಧಹುಯಿರಾಯ್ತೇ ಇನಾಮ ಭರಾಖ್ಹೊ ರಾಖ್ಯೋತೊ ರಾಖಾಸ್ಝಾಯ್, ಅಲಾದು ಕೋಣ್ತೋಬಿ ಶರೀರ್ನಿ ಸಂಬಂಧಮಾ ರಹೈತೆ ಇನಾಮಾ ಭರಾಖ್ಹೊ ರಾಖಸ್ಝಾಯಿಕರಿ ಖ್ಹೂಸ್ಝ್‍ಕಾರಾನು ರಹೈತೊ ಮೆ ಇನೇಥಿಬಿ ಸ್ಝಾಖ್ಹತ್ ಇಮ್ಮಾಸ್ ಖ್ಹೂಸ್ಝ್‍ಕರಾಸ್ಝಾಯ್ 5 ಪೈಧಾಹುಯಿನ್ ಆಟ್‍ದನ್ಮಾ ಮನಾ ಸುನ್ನತಿ ಹುಯಿ; ಮೆ ಇಸ್ರಾಯೇಲ್‍ನಿ ಖಾನ್ದಾನ್‍ವಾಳೊ, ಬೆನ್ಯಾಮೀನ್‍ನಿ ಸಝಾತ್‍ವಾಲೊ, ಇಬ್ರಿಯವಳಾಮಥೊ ಪೈಧಾಹುಯೋತೆ ಇಬ್ರಿಯಾಮೆ; ಸ್ಛಾಲ್‍ಸ್ಛಲಾಣ್‍ನಾ ದೇಖ್ಯಾತೊ ಮೆ ಫರಿಸಾಯವಳೊ, ಸ್ಝಾತ್ನೀ ಬಾಲ್‍ದೇ 6 ಮೆ ಕ್ರೈಸ್ತ ಸಭೆನೊ ಖ್ಹತಾಪ್ಣೀದೆವಾಳೊ, ಧರ್ಮಶಾಸ್ತ್ರಮಾ ಬೋಲಿರಾಕ್ಯೋತೆ ನಿಯ್ಯಾತ್ನಾ ದೇಖ್ಯೋತೊ ಮೆ ನೊರ್ಧೋಷಿ 7 ಕ ನಪ್ಪೋಹುಯಿರೂತೆ ಇನಾಖ್ಹರೂ ಕ್ರಿಸ್ತುಭಣ್ತೊ ನಷ್ಟಕರಿ ಗಣ್ತೀಕರಿರಾಖ್ಯೋಸ್ 8 ಎ ಕಾಹೇತೆ, ಮಾರೊ ಖ್ಹೋದಾಹಯಿರೋತೆ ಕ್ರಿಸ್ತುಯೇಸುನ ಮಾಲುಂಕರಾನಸ್ ಭಾರಿ ಶ್ರೇಷ್ಟಕರಿ ಮಾಲುಂ ಕರ್ಲೀನ್ ಮೆ ಅಖ್ಖಾಸ್ನಾ ನಷ್ಟಕರಿ ಗಣ್ತಿಕರೂಸ್, ಇನಾ ಭಣ್ತೊ ಮೆ ಅಖ್ಖೂಸ್ನಾ ಗಮಾವಿಲೀನ್ ಇನಾಖ್ಹರು ಕಸ್ಛ್‍ರೂಕರಿ ಗಣ್ತೀಕರೂಸ್ 9 ಮಾರಿ ಖ್ಹಯಾಲ್ ಶಾತ್ಕತೊ – ಮೆ ಕ್ರಿಸ್ತುನಾ ಕಮಾಯಿಲೀನ್ ಸ್ಛಾಲ್ ಸಛಾಲಾಣ್ಣೆ ಫಲ ಹುಯೂರೂತೆ ಮಾರಿ ನಿಯ್ಯಾತ್ನಾನಾ ಮಾನ್ನೂತೆ ಕ್ರಿಸ್ತುನ ಮಾಣ್ಯತೊ ಮಫ್ಷೆತೆ ಕತೊ ಕ್ರಿಸ್ತುನ ಉಪ್ಪರ್ಲಿ ಭರಾಃಖ್ಹೊನಿ ಆಧಾರ್‍ಥಿ ದೇವ್‍ದೇಯ್ತೆ ನಿಯ್ಯಾತ್ನಾಸ್ ಲೀನ್ ಕ್ರಿಸ್ತುಮಾ ಸ್ಛೋಂತೆ ನಸ್ಝ್‍ರಾವ್ನೂಕರಿ 10 ಕ್ರಿಸ್ತುನಾ ಇನಿ ಪುನರುತ್ಥಾನಮಾ ಸಛಾತೆ ತಾಖತ್ನಾ ಇನಿ ಲತಾಡಾಮ ವಾಟೊ ಹುಯಿರೋತೆ ಯೊ ಹಕ್‍ನಾ ಮಾಲುಂಕರ್ಲೀನ್ ಕ್ರಿಸ್ತುನಿ ಮರಣ್ಣೀ ವಿಚಾರ್ಮಾ ಇನಿ ರೂಪ್‍ಹೋಣುಕರಿ ಮಾರಿ ಆಖ್ಹ್ ಹುಯಿರೀಃಸ್ 11 ಅಮ್‍ರಹೈತೊ ಮರ್ಯಾಹುಯಾ ಥೋಡಾಮಾ ಹುಷೇತೆ ಪುನರುತ್ಥಾನ ಮನಾಬಿ ಮಳಿಆವ್ಷೇ 12 ಅತ್ರಾಮಾಸ್ ಮೆ ನಾಂ ಕಮಾಯಿಲೀನ್ ತಯಾರ್ಮಾ ಆಯಿಷ್‍ಕರಿ ಕೋಬೊಲೂನಿ; ಮೆ ಕೆಬೂ ಲೆವಾನಕಾಜೆ ಕ್ರಿಸ್ತುಯೇಸು ಮನಾ ಧರಿಲಿಧೋಕಿ ಇನಾ ಧರ್‍ಲೆವಾನ ಕಾಜೆ ನಾಖ್ಹೂಕರೂಸ್ 13 ಭಯ್ಯಿ ಬಂದೊ, ಮೇತೊಬಿ ಧರಿಲಿಧೋಕರಿ ಮನಾ ಅಸ್ಝ್‍ಗಾಲಗು ಗಣ್ತೆ ಕೋಕರಿರಾಖ್ಯೋನಿ; ಕತೊ ಏಕ್ ಮೆ ಪಾಸ್ಛಲಿ ಸಂಗತಿನಾ ಬೈಕಿಜೀನ್ ಅಗ್ಲೀನಾ ಧರ್ವಾನಕಾಜೆ ಸ್ಝುಕಿನ್ 14 ದೇವ್ ಕ್ರಿಸ್ತುನಿ ಸ್ಝೋಡೆ ಅಪ್ಣಾ ಉಪ್ಪರ್ ಬುಲಾವಿನ್ ಅಪ್ಣಖ್ಹಾಮೆ ಕ್ಹೆಲಿರಾಖ್ಯೋತೆ ರೆಕ್ಕೋನ ಶಿಷೆತ್‍ರಾಬಿಲೀನ್ ನಾಖ್ಹುಕರೂಸ್ 15 ಅಪಣ್ಣಾಮ ಅಕ್ಕಾಳ್‍ಬಂದಿಯೆ ಆಸ್ ಕ್ಹಯಾಲ್‍ಪರ್ ರಂಯೆ. ಕೆಹುತೊಬಿ ಏಕ್ ವಿಚಾರ್ಮಾ ತುಮೆ ಅಲಾದಿ ಖ್ಹಯಾಲ್‍ವಾಳ ಹುಯಿರಯಾಹುಸ್ತೋ ಇನಾ ದೇವ್ ತುಮ್ನಾ ವತಾಳ್ಷೇ 16 ಕತೊ ಅಪ್ಣೆ ಕೆವ್ಹಿ ಸೂತ್ರನ ್ರ್ಲಿನ್ ಅಸ್ಝ್‍ಗಾಲಗೂ ಆಯಾಕಿ ಇನಾಸ್ ಧರ್ಲಿನ್ ಸ್ಛಾಲಿಂಯೆ 17 ಬಂದೊ, ತುಮೆಖ್ಹರಾ ಮರಾಕೇಡೆ ಆವಾಳಹುಯಿರಃವೊ; ಅಸ್ಝು ಅಪ್ಣೆ ತುಮ್ನಾ ವೊತಾಳ್ಯೊತೆ ಲಪಟ್ನೀ ಘೋಣಿ ಸ್ಛಾಲವಾಳನ ಖ್ಹಯಾಲ್ ಕರ್ಲೇವೊ 18 ಕಿ ಸ್ಝಣೂ ಶಿಲುಬೆನ ವಿರೋದಿ ಹುಯಿನ್ ಸಛಾಲಸ್; ಇವ್ಣಿ ಬಾರೇಮಾ; ತುಮ್ನಾ ಕೆತ್ರಿಕಿಹಲ್ಲಾ ಬೋಲ್ಯೊ. ಹಂಕೆಬಿ ರೊಯ್ಯಿನ್ ಬೋಲುಸ್ 19 ಇವ್ಣಿ ಕಡಾನಿಹಾಲ್, ಪೇಟಸ್ ಇವ್ಣೋ ದೇವ್, ಷರಮ್ನೂ ಕಾಮಆಸ್ ಇವ್ಣಾ ಇಸ್ಝಾತ್, ಇವ್ಣೆ ಜಗತ್ನು ಕಾಂನಾ ಪರ್ ದಿಲ್‍ರಾಖಸ್, ಅಪ್ಣೆ ತೋಬಿ ಪರಲೋಕನ ಇಲಾಖೋವಾಳ; 20 ಖ್ಹೊದಾಯೇಸುಕ್ರಿಸ್ತು ಇಸ್ಝ್‍ಗಾಥೊಸ್ ಬಸ್ಛಾಣ್‍ನ್ಹಾರ್ ಹುಯಿನ್ ಆವಾತೆನ ಸ್ಝಪಿ ದೇಖುಕರಿಯೇಸ್ 21 ಕ್ರಿಸ್ತು ಅಖ್ಖೂಸ್ನಾ ಅಪ್ಣೋ ಶರೀರ್ನಾ ರೂಪ್‍ಥಿ ಬದಲಾಯಿನ್ ತಾಖತ್ನೂ ಹುಯಿರೂತೆ ಇನಾ ಶರೀರ್ನೂ ರೂಪ್ ಹುವಾನಿತರರ ಕರ್ಷೇ