1 ಕ್ರಿಸ್ತುಥಿ ಭಾಲ್, ಪ್ರೆಯ್ನೀಖ್ಹೂಸ್ಝ್, ಪವಿತ್ರಾತ್ಮನಿ ತೋಡ್, ಜಾನ್‍ನಿ ದಯಾ ಹುವಾನು ರಹೈತೊ 2 ಎಕ್ಟಾರಹೈನ್ ಮಾರಿ ಖ್ಹುಚಿನಾ ಪೂರಕರೊ. ತುಮಾರ ಅಖ್ಖಾವ್ಮಾ ಎಕ್ಕಾಸ್ ಪ್ರೇಮ್ ರಃವಾದೆ; ಎಕ್ನಾಯೇಕ್ ಮಳಿರಃವಾನೊ ಮನ್‍ವಾಳ ಎಕ್ಕಾಸ್ ಶಿಷೇತ್ ರಾಖವಳಾ ಹುಯಿರವೊ 3 ಯೇಕ್ ಬಳಾಪೂರಾಖವಳನಿತರ ರಹೈನ್ ಖಾಲಿಬಡಾಯ್ಯಿಥಿ ರಹೈಸ್ಝವೊ ಕೆಹೂಬಿ ನಾಕರ್ನೂತೆ ಹರ್‍ಯೇಕ್‍ಸ್ಝಣೂ ಅಸ್ಛಾಮನ್‍ಥಿ ಬುಜೇಕ್‍ಸ್ಝಣಾನ ಮಾರೆಥೀಬಿ ಷಾಣೊಕರಿ ಬೋಲಾದೆ 4 ತುಮಾರಮ ಹರ್‍ಯೇಕ್ಜಾಣು ಇನಾಕಾಜೆ ಅರಾಮ್ ನಾದೆಖ್ನೂತೆ ಅಲಾದಾವ್ನಾಬಿ ದೇಖಾದೆ. 5 ಕ್ರಿಸ್ತು ಯೇಸುಮ ಸ್ಛಾತೆ ಮನ್ ತುಮಾರಮಾಬಿ ರಃವಾದೆ 6 ಕ್ರಿಸ್ತು ದೇವ್ನೋ ರೂಪ್‍ಹುಯಿರೋತೋಬಿ ದೇವ್ನಾ ಸಮಾಸ್ಛಾತೆಕರಿ ಅಮೂಲ್ಯ 7 ಪದವಿನಾ ಕೊ ಮ್ಹೆಲಿಷ್ನೀಕರಿ ಖ್ಹಯಾಲ್ ನಾಕರ್ನೂತೆ ಇನಾ ಖಾಲಿ ಕರ್ಲಿನ್ ದಾಸನೊ ರೂಪ್‍ನಾ ಲಿಲೀನ್ ಮನ್‍ಖ್ಯಾವ್ನಾ ನಸ್ಝ್‍ರಾಯೊಕೊಯ್ನಿ 8 ಅಮ್ ಕ್ರಿಸ್ತು ಅವ್ತಾರ್ಮಾ ಮನ್‍ಖ್ಯೂಹುಯಿನ್ ನಸ್ಝ್‍ರಾಯೊತೆದೆ ಇನಾ ಕಂಕರ್ಲಿನ್ ಮರಣ್‍ನಾ ಕತೊ ಶಿಲುಬೆನಿ ಮರಣ್ಣಾನಾತೋಬಿ ಲೆವಾಣ ತಯಾರ್‍ಹುಯೊ 9 ಆ ಕಾರಣ್‍ಥಿ ದೇವ್ ಕ್ರಿಸ್ತುನಾ ಮೋಟಿ ಊಚಿ ಸ್ಝಗೊನಪರ್ ಬೆಖ್ಹಾಡಿನ್ ಅಖ್ಖಾ ನಾಮ್‍ಥಿ ಉತ್ತಮ್ ನಾಮ್ ಇನಾ ದಿಧೋ 10 ಇನಾಟೇಕೆ ಸ್ವರ್ಗ ಮೋತ್ ಪಾತಳ್ಮಾಸ್ಛಾತೆಖ್ಹರಾ ಯೇಸುನ ನಾಂಪರ್ ಆಡಾಪಡಿನ್ 11 ಯೇಸು ಕ್ರಿಸ್ತುನಾ ಮಾಲಿಕ್‍ಕರಿ ಕಬೂಲಿಲೀನ್ ಪಿತಾಹುಯಿರೋತೆ ದೇವ್ನಾ ಮಹಿಮೆ ಕರಾಸ್ 12 ರಹೈನ್ ಮಾರ ಪ್ರೇಮ್ನಾ ಭಂಯೇ, ತುಮೆ ಮಾರಿ ವಾತೆನ ಕೆದೇಬಿ ಕ್ಹಂಸ್ಝೋ ಮೆ ತುಮಾರಕನ ರಹಂವ್‍ತೆದೆ ಕಾಹೇತೆ ಮೆ ಕೊರ್ಹಂವ್ ತೆದೆಬಿ ಘಣು ಸ್ಝಾಖ್ಹತ್ ದಿಲ್‍ನೊ ಡರ್‍ಥಿ ಕಾಪವಾಳಹುಯಿನ್ ತುಂಆರಿ ಬಸ್ಛಾಣ್‍ನಾ ಲೀಲೆವೊ 13 ಷೇಕತೊ ದೇವಸ್ ಇನಿ ಮರ್ಜಿನಾ ಪೂರಕರ್ನೂಕರಿ ತುಮಾರಮ ಖ್ಹೂಸ್ಝ್‍ನಾಬಿ ಕೋಶಿಷ್‍ನಾ ಪೈಧಾಕರಾವಳೊ ಹುಯಿರೋಸ್ 14 ಭಣಕ್ನೂನಾತೆ ಛೇಡಾನು ನಾತೆ ಅಖ್ಖೂಸ್ ಕರೊ 15 ಅಮ್ ತುಮೆ ನೊಧೋಷಿಖ್ಹರಾಬಿ ಅಪ್ಛಾ ಮನ್‍ರಃವಾಳ ಹುಯಿರೀನ್ ಖರಾಬ್ ಅಕ್ಕಾಲ್ ರಹೈತೆ ಮೂರ್ಖಜಾತ್ನಾ ಅಧಾಕ್ಮಾ ದೇವ್ನಾ ಖೋಟ್‍ಕೊಯ್ನೀತೆ ಲಡ್ಕಾಹುಯಿರಾಷು 16 ಅವ್ಣಾಮ ತುಮೆ ಹರ್‍ಯೇಕ್ನಾ ಜೀವ್ಜಾನ್ನೀ ವಾಖ್ಯನಾ ವೊತಾಳವಳ ಹುಯಿರೀನ್ ಜಗತ್ಮಾ ಉಸ್ಝಾಖ್ಹ್ ಹುವಾತೆ ಜ್ಯೋತಿನಿ ಮಂಡಲ್‍ನಿತರ ನಸ್ಝ್‍ರಾವವಳ ಹುಯಿರಾಃಸ್ನೀ ತುಮೆ ಅಮ್ ಸ್ಛಾಲ್ಯಾತೊ ಮೆ ಕಾಂ ಜೀತ್ಯೋತೆ ವ್ಯರ್ಥಕಾಹೇಮೆ ಮ್ಹಿನತ್ ಕರ್ಯೊತೆ ವ್ಯರ್ಥಕಾಹೇಕರಿ ಖ್ಹುಚಿ ಕ್ರಿಸ್ತುನ ದನ್ಮಾ ಮನಾ ಹುಷೆ 17 ತುಮಾರೊ ಭರಾಃಖ್ಹೊಕರಿ ಯಜ್ಞನಾ ದೇವ್ನಾಅರ್ಪಣ್ ಕರಾತೆ ಸೇವೆಮಾ ಮೇಸ್ ಪಾನದ್ರವ್ಯಹುಯಿನ್ ಸ್ಛಡ್ನೂಕತೋಬಿ ಮನ ಖ್ಹುಚಿಸ್ 18 ತುಮಾರ ಅಖ್ಖಾವ್ನೀ ಸ್ಝೊಡೆ ಖ್ಹುಚಿ ಇಮ್ಮಾಸ್ ತುಮೆಬಿ ಖ್ಹುಚಿಹುವೊ, ಮಾರಿಸ್ಝೋಡೆಬಿ ಖ್ಹುಚಿರಃವೊ ಪೌಲನಬಿ ಎಪಕ್ರೋದೀತನ ಫಿಲಿಪ್ಪಿಲಗೂ ಮೋಕ್ಲೀನ್ ತಿಮೋಥೆಯನ ಅಗಾಡಿ ಮೋಕ್ಲೂಸ್‍ಕರಿ 19 ಕತು ಖ್ಹೋದಾ ಯೇಸುನಿ ಮರ್ಜಿಹುಯಿತೊ ಮೆ ತಿಮೋಥೆಯನ ಎಗ್ಗೀಸ್ ತುಮಾರಕನ ಮೋಕಲ್ನೂಕರಿ ಖ್ಹಯಾಲ್‍ಕರೂಸ್. ಇನಾ ಭಣ್ತೂ ತುಮಾರಿ ಸಂಗತಿನ ಮಾಲುಂ ಕರ್ಲಿನ್ ಮೆಹಿಮ್ಮಾತ್ ಲೀಲಿಧೊ 20 ಇನಿನಿತರಸ್ ತುಮಾರು ಕಾಂನಾಭಣ್ತೊ ಬರಾಬರ್‍ಥಿ ಕ್ಹೂಸ್ಝ್‍ಕರಾವಳು ಮಾರಕನ ಅಲಾದು ಕೋಣಸ್ ಕೊಯ್ನೀ. 21 ಅಖ್ಖೂಸ್ಝಣು ಇವ್ಣೂಕಾಮ್‍ನಪರ್ ದಿಲ್‍ರಾಖಸ್ ಪಣ್ಕಿ ಯೇಸುಕ್ರಿಸ್ತುನ ಕಾಂನಾಪರ್ ದಿಲ್ ಕೋರಾಖನಿ 22 ಥೆಯನೊ ಗುಣನಾ ದೇಖಿನ್ ತುಮೆ ಮಾಲುಂ ಕರ್ಲಿಧಥಾ; ಛಿಯ್ಯೋಬಾನ ಕಿಮ್ಮ್‍ಕಿ ಇಮ್ಮಾಸ್ ಯೊ ಮಾರಿ ಸ್ಜೋಡ್ಮಾ ಅಚ್ಛಿಖಬರ್ನಿ ಪ್ರಚಾರ್ನಾಕಾಜೆ ಮಿನ್ಹತ್‍ಪಡಿನ್ ಕಾಂ ಕರ್ಯೊಕರಿ ತುಮ್ನಾ ಮಾಲುಂ ಸ್ಛಾ 23 ಇನಾ ವಾಖ್ಹ್‍ತೆ ಮಾರಿ ಸಂಗತಿಬಿ ಕಿಮ್ ಹುಷೆಕಿ ಇನಾ ಮಾಲುಂಹುಯೂ ತೆದೆಸ್ ಇನಾಸ್ ಮೋಕ್ಲಾನಾ ಖ್ಹೂಸ್ಝ್ ಕರೂಸ್. 24 ಯೋ ಕಾಹೆತೆ ಮೇಬಿ ಎಗ್ಗೀಸ್ ಆಯಿಷ್ ಕರಿ ಖೀಹೊದಾಮ ಘಟ್ ಮಾನಿರಾಖ್ಯೊ 25 ಮಾರೊಕಾಳ್‍ದುಕಾಳ್ ಹಟ್ನೂಕತೊ ತುಮೆ ಮೋಕ್ಲಾತೆ, ಮಾರೊ ಭಯ್ಯಬಿ ಸ್ಝೋಡ್ಮಾ ಕಾಂವಾಳೊಹುಯಿರೋತೆ ಸಿಪಾಯಿನಿತರ ಹುಯಿರೋತೆ ಎಪಪ್ರೊದೀತನ ತುಮಾರಕನ ಮೋಕ್ಲಾನು ಜರೂರ್‍ಕರಿ ಮಾಲುಂಕರಿರಾಖ್ಯೊಸ್ 26 ತುಮಾರ ಅಖ್ಖಾವ್ನಾ ಭಣ್ತೊ ಆಖ್ಹ್‍ಕರೂಕರ್ತೋಥೊ ಅಸ್ಝು ಯೊ ರೋಗ್ಮಾಪಡ್ಯೊಥೊತೆ ಖಬರ್ನಾ, ತುಮೆ ಖ್ಹಮಸ್ಝ್‍ತಾಲೀನ್ ನರಾಸ್ಝ್‍ಹುಯೊ 27 ರೋಗ್ಮಾ ಪಡೀನ್ ಮರ್ವಾನಿಘೋಣಿ ಥೊಕರಿ ಖ್ಹಾಚಿರಹೈತೊ ದೇವ್ ಇನಾ ದಯಾ ಕರ್ಯೊ; ಇನಾಸ್‍ಕಾಹೇತೆ ಮನಾ ದುಃಖ್‍ಪರ್ ದುಃಖ್ ನಾ ಆವ್ನೂಕರಿ ಮನಾ ದಯಾಕರೊ 28 ಇನಾಕಾಜೆ ತುಮೆ ಇನಾ ದೇಖಿನ್ ಖ್ಹುಚಿಹೋಣುಕರಿ ಮನಾಬಿ ದುಃಖ್ ಕಮ್ ಹೋಣುಕರಿ ಮೆ ಇನಾ ಸ್ಝಾಖತ್ ಘಚ್‍ರಾಟಿಥಿ ಮೋಕ್ಲಿರಾಖ್ಯೋಸ್. 29 ಇಮ್ ರಹೈನ್ ತುಮೆಸ್ ಮನಾ ಕರ್ನೂಕರಿ ಸ್ಛಾತೆ ಕರ್ನಿಮಾ ಕವರ್‍ಹುಯಿಗೂತೆ ಪೂರಕರ್ವಾನಕಾಜೆ ಎಪಪ್ರೊದೀತ ಜಾನ್ನೀ ಆಖ್ಹ್‍ನಾ ಖ್ಹಯಾಲ್ ನಾ 30 ಕರ್ನೂತೆ ಕ್ರಿಸ್ತುನ ಕಾಮ್‍ಭಣ್ತೋ ಮರ್ನೂಕರಿ ಥೊಕರಿ ತುಮೆ ವರಾಲುಂ ಕರ್ಲಿನ್ ಇನಾ ಪೂರ ಖ್ಹುಚಿಥಿ ಖ್ಹೊದಾನ ನಾಮ್‍ಪರ್ ಬುಲಾಯಿಲೆವೊ ಎಲ್‍ಖಣ್ಣಾವ್ನಾ ಷಾಣಕರಿ ಮಾನಿಲೆವೊ