1 ಮ್‍ರಹೈನ್ ಪ್ರೇಮ್ನಾ ಭಂಯೇ ಪಸಂದ್ ಹುಯಿರಾತೆ ಮಾರ ಭಂಯೆ ಮರಾ ಖ್ಹುಚಿ ಜೀತ್ನೂ ಮಾಳೊ ಹುಯಿರವಳಾಮೆ ಬೊಲೂತೆ ಇಮ್ ಖ್ಹೊದಾಮ ಘಟ್ ಉಭರವಳಾ; ಪ್ರೇಮ್ನಾ ಭಂಯೆ ಂಸ್ಝಣೀ ಕ್ರಯಸ್ತ ಭೆನೇವ್ಮಾ ರಹೈತೆ ಬಳಾಪೊನಿ ಬಾರೇಮಾ 2 ದಾಮ ಎಕ್ಕಾಸ್ ಮನ್‍ವಾಳ ಹುಯಿರವೊಕರಿ ಯುವೋದ್ಯನಬಿ ಸಂತುಕೆನಾ ಬೋಲು ಕರೂಸ್ 3 ಸಯುಜಸ, ಇವ್ಣಾ ಮದತ್ವಾಳೊ ಹುಯಿರಾಃನುಕರಿ ತುನಾ ಬೋಲುಕರೂಸ್. ಇವ್ಣೆ ಕ್ಲೇಮೆನ್ಸ್ ಕೆತ್ರಾಕಿಸ್ಝಣ ಸ್ಝೋಡ್ಮಾಕಾಮ್‍ಕರಾತೆ ಇವ್ಣಿ ಸಾತ್‍ಥಿ ಮಾರಿ ಸೋಡೆ ಅಚ್ಚಿಖಬರ್ ಬೋಲಾನ ವಾಖ್‍ತೆ ಮಿನತ್ ಪಡಾತೆ ಇವ್ಣಾ ನಾಂಖ್ಹರಾ ಚಿವ್ಜಾನ್ನಿ ಪಟ್ಟಿಮಾ ಲಿಖ್ಖಾಯಿರೂಃಸ್ ಕ್ರೈಸ್ತರ್ಮಾ ವೊತಾಳ್ನುತೆ ಅಚ್ಛಿ ಗುಣ 4 ಕೆದೇಬಿ ಖ್ಹೊದಾಮ ಕ್ಹುಚಿರಃವೊ, ಖ್ಹುಚಿರಃವೊಕರಿ ಫರಿನ್ ಬೋಲುಕರೂಸ್. 5 ತುಮಾರಿ ಸ್ಛಾಲ್ ಸ್ಛಲಾಣ್ ಅಕ್ಖಾ ಅದ್ಮೀವ್ನಾ ಮಾಲುಂಹುವಾದೆ; ಖ್ಹೊದಾ ಕನ್ಹೆಹುಯಿರೋಸ್ 6 ಕವ್ಚಿಬಿ ಸಂಬಂದ್‍ಥಿ ಖ್ಹೂಸ್ಝ್‍ನಾ ಕರ್ನೂತೆ ಹರ್ ವಿಚಾರ್ಮಾ ದೇವ್ನಾ ಖ್ಹಾಂಮ್ಣೆ ಕೃತಜ್ಞತ ಸ್ತುತಿನಾ ಪ್ರಾರ್ಥನೆ ಅರಸ್ಝ್‍ನಾ ಕರ್ತಾಹುಯಿನ್ ತುಮ್ನಾ ಹೋಣುತೆ ಇನಾ ಮಾಲುಂ ಕರಾವೊ 7 ತೆದೆ ಅಖ್ಖಿ ಸ್ಝಾಣಿಲೆವಾನ ಸ್ಝಾದಾ ದೇವ್ನೀ ಶಾಂತಿ ತುಮಾರ ದಿಲ್‍ನಾಬಿ ಸೋಸ್ಛಾನಾ ಕ್ರಿಸ್ತು ಯೇಸುಮಾ ಸ್ಝತನ್ ರರಾಸ್ 8 ಷಾತ್ಕತೊ, ಭಯ್ಯೀ ಬಂದೊ, ಕೆಹೂ ಸತ್ಯಕಿ, ಅಶೆಲ್‍ಕಿ ಶುದ್ಧಕಿ ಪ್ರೇಮ್ನೂಕಿ ಪಶೆನ್ ಹುಯಿರೂಸ್ಕಿ, ಕೆಹು ಅಚ್ಛಿಗುಣಹುಯಿರೂಸ್ಕಿ, ಕೆವ್ಹೂ ಕೀರ್ತಿನಾ ಪಶೆನ್‍ಕಿ ಇನಾಖ್ಹರೂ ಖ್ಹಯಾಲ್ಮಾ ಕಲೇವೊ. 9 ತು ಕೆಹು ಮಾರೇಥಿ ಷಿಕಿನ್ ಲೀರಾಖ್ಯಾಸ್ಕಿ ಅಜ್ಹು ಕೆಹೂ ಮಾರಕನ ಖ್ಹಂಜೀನ್ ದೇಖ್ಯಾಕಿ ಯೋಸ್ ಕರ್ತಾ ಹುಯಿನ್ ಆವೊ. ಅಮ್ ಕರ್ಯಾತೊ ದೆವ್ ತುಮಜಾರ ಕೇಡೆ ರಃಸ್. ಫಿಲಿಪ್ಪಿ ಸಭೆವಾಳ ಪಛಲನ ವೊತಾಳ್ಯತೆ ಇಮಾನ್ 10 ವಿಚಾರ್ ಹುಯಿರೀತೆ ತುಮಾರಿ ಖ್ಹೂಸ್ಝ್‍ನೂ ಯೇಲೊ ಅತ್ರಾದನ್ನಾಬಾದ್ ಫರಿನ್ ಚಿಗೂರ್ ಮ್ಹೆಲ್ಯೂತೆ ಮೆ ಖ್ಹೊದಮಾ ಘಣೂ ಖ್ಹುಚಿಪಡೂಸ್. ಅಲ್‍ಖ್ಹಣ್ಣೀ ಖ್ಹೂಸ್ಝ್ ತುಮಾರಮ ಖ್ಹಚಾಸ್ಕರಿ ರಹ್ಯೊಹೊತ್ತೊ ಅಸ್ಝ್‍ಗಾಲಗೂ ಇನಿನಿ ಘೋಣಿ ಕರ್ವಾನ ವಖ್ಹತ್ ಕೋಮಳೀವಿ ಹೋಣು 11 ಮಾ ಸ್ಛೂಂಕರಿ ನಸ್ಝ್‍ರಾವನಕಾಜೆ ಮೆ ಆ ವಾತೆನ ಕೊಬೋಲುನಿ; ಮೇತೋಬಿ ಸ್ಛೋಂತೆ ಹಾಲ್‍ಮಾಸ್ ಭರ್‍ಪೂರ್‍ರಃವಾನ ಷಿಕಿರಾಖ್ಯೊ 12 ಗರೀಬ್ ಹುಯಿನ್ ರಃವಾನಬಿ ಮಾಲುಂ, ಭರ್‍ಪೂರ್ ಹುಯಿರಃವಾಳೊ ರಹ್ಯೊತೋಬಿ ಖ್ಹುಗಾಳ್‍ರಹ್ಯೂತೊಬಿ, ಕೆವ್ಹಿ ಲಪಟ್ನೀ ಹಾಲ್ಮಾ ರಹ್ಯೋತೋಬಿ ಇನಿ ಮತ್ಲಾಬ್ ಮನಾ ಮಾಲುಂ. 13 ತಾಖತ್‍ದೆವಾಳಮ ರಹೈನ್ ಅಕ್ಖಾಮಾ ತಾಖತ್‍ವಾಳೊ ಹುಯಿರೂಃಸ್ 14 ಅಮ್‍ರಹೈತೊಬಿ ತುಮೆ ಮಾರ ಲತಾಡಮ ವಾಟೊ ಹುಯಿನ್ ಅಸ್ಛೂಹುಯೂ 15 ಇಮ್‍ಕಾಹೇತೆ ಫಿಲಿಪ್ಪಿವಾಳ, ಮೆ ಅಗಾಡಿ ತುಮಾರಮ ಅಚ್ಛೀಖಬರ್ನಾ ಬೊಲಿಸ್ ಮಕೆದೋನ್ಯಥೊ ನಿಕ್ಳೀಗಯೋತೆದೆ ಎಕ್ಜಾಹುವಾನಿ ವಿಚಾರ್ಮಾ ತುಮಾರಿ ಮ್ಹೆಲಿನ್ ಅಲಾದಿ ಕೆವ್ಹಿಬಿ ಸಭೆನಾ ಮನಾ ಸಂಬಂಧ ಕೊಯ್ನೀಕರಿ ತುಮೆ ಮಾಲುಂ ಕರಿರಾಖ್ಯಾಸ್ 16 ಮೆ ಥೆಸಲೋನಿಕಮ ರಹ್ಯೋತೆದೆ ತುಮೆ ಏಕ್‍ಬೇಹಲ್ಲಾ ಮಾರಿ ದುಕಾಳ್ನಾ ಹಟಾವನಕಾಜೆ ದೀಮೋಕ್ಲ್ಯಾನಿ; 17 ಮೆ ತುಮಾರಕಂಥೂ ಧರಮ್ನಾ ಆಖ್ಹ್‍ಕೊಕರೂನಿ ತುಮಾರ ಆತ್ಮನ ಪಾಯ್ಯಿದೊ ಹುವಾನ ಪ್ರತಿಫಲ್‍ನಾ ಆಖ್ಹ್‍ಕರೂಸ್, ಹೋಣೂತೆ ಖ್ಹಾರೂಸ್ ಮನಾ ಸ್ಛಾಭರ್‍ಪೂರ್ ಹುಯಿಗೂ 18 ಪ್ರೊದೀತನ ಹಾತೆಥಿ ತುಮೆ ದೀನ್ ಕೋಕ್ಲ್ಯಾತೆ ಮನಾ ಆಯೂ ಇನಾಕಾಜೆ ಮೆ ಭರಾಯಿನ್ ಸ್ಝಲ್ಕಾವಳೊ ಹುಯಿರೋಸ್. ಯೊ ದೇವ್ನಾ ಪಸಂದ್ ಹುಯಿರೂತೆ, ಸ್ಛಂಧಣ್ಣೂ ವಾಂಖ್ಹ್‍ನಾ, ಪಸಂದ್‍ಹುವಾನಿ ಯಜ್ಞನಾ. 19 ದೇವ್ ಕ್ರಿಸ್ತುಯೇಸುನ ಭಣ್ತೊ ಇನಿ ಪ್ರಭಾವನಿ ದೌಲತ್ನಾ ಬರಾಬರ್ ಇಮ್ 20 ಪ್ಣೋ ಪಿತಾಹುಯಿರೋತೆ ದೇವ್ನಾ ಜಗ್‍ಗ್ಮಾಬಿ ಮಹಿಮೆ, ಆಯೇನ್ ತೋಬಖ್ಹರಿ 21 ದೇ ಅದ್ಮೀವ್ಮಾ ಹರ್‍ಯೇಕ್‍ಸ್ಝಣಾನ ಸೋಡ್ಮಾನ ಕ್ರೈಸ್ತರ್‍ನಾ ಕೆದೇಬಿ ಮಾರಿ ತೋಬಕರಿ ಬೋಲೊ. ಮಾರಿ ಸ್ಝೋಡ್ಮಾ ಸಛಾತೆ ಭಂಯೇ ತುಮ್ನಾ ತೋಬಕರೂಕರಾಸ್. 22 ಅಸಝ್‍ಗಾ ಸಛಾತೆ ದೇವ್ನಾ ಅದ್ಮಿಖ್ಹರಾ ತುಮ್ನಾ ತೋಬಕರೂಕರಾಸ್ ಚಕ್ರವರ್ತಿನಾ ಅರಮನೆಮಾ ಮಳ್ಯಾಹುಯಾ ವಿಶೇಷ್‍ಥಿ ತೋಬಕರೂಕರಾಸ್ 23 ಖ್ಹೊದಾ ಹುಯಿರೋತೆ ಯೇಸು ಕ್ರಿಸ್ತುನೊ ಖ್ಹರ್ನೊ ತುಮಾರ ಆತ್ಮನಿಸ್ಝೋಡೆ ರಃವಾದೆ