1 ಅಮ್ ರಹೈತೋಬಿ ಪೈಲ್ಹೆನಿ ಕರಾರ್ಮಾ ದೇವ್ನೀ ಆರಾಧನೆನಿ ನಿಯಮ್‍ಥೀ; ಅಸ್ಝು ದೇವಳ್‍ಥಿ, ಯೊ ಜಗತ್ನೀ ಸಂಭಂದ್ ಹುಯಿರೋಸ್ 2 ಷಾತ್ಕತೊ ಏಕ್ ಘರ್ ಭಂದಾಯೂ; ಇನೂ ಪೈಲ್ಹೇನಿ ಭಾಗ್ಮಾ ದಿವ್ವಾನೊ ಖಂಬಾ ಮೇಜ್, ಸಮರ್ಪಣ್ ಕರ್ಯೂತೆ ರೋಟೊ ಆ ಖ್ಹರೂಥೂ ಇನಾ ಪವಿತ್ರ ಸ್ಝಗೋಕರಿ ನಾಮ್ 3 ಮನಿ ಪಡ್ದಾನ್ ಪಾರ್ ಘಣೂ ಪವಿತ್ರ ಸ್ಝಗೋಕರಿ ಬೋಲಾವತೆ ಬುಜೇಕ್ ಭಾಗ್ ಥೂ 4 ಇನಾಮ ಖ್ಹೊನ್ನಾನಿ ಗೂಗಳ್ನೂ ಢಾಕ್ಣೀ, ಮಹೈಬಿ ಬಹಾರ್‍ಬಿ ಖ್ಹೊನ್ನಾನು ತಗಡ್ ಮಡ್ಛಾಯ್ಯಿಹುಯೂ ಕರಾರ್ನಿ ಮಂಝೂಷ ಆಖ್ಹರೂ ಥೂ; ಯೊ ಮಂಝೂಷನಮಹೈ ಮನ್ನಾ ಘಾಲಿರಾಖ್ಯೂತೆ ಖ್ಹೊನ್ನಾನೂ ಚೆಪ್ಪೂಟಿ ಆರೋನನಿ ಚಿಗುರ್ಯೂ ಹುಯೂ ಲಠ್ಠೋ ಕರಾರ್ ಲಿಖ್ಖಾಯಿರಹ್ಯೂತೆ ಬಂಡಾನು ಪಲ್ಕಾಖ್ಹರಾಥೂ 5 ಇನಾಪರ್ ದೇವ್ನೀ ಮಹಿಮೆನಾ ವೊರಾಳತೆ ಕರೂಬಿಖ್ಹರೂ ಯೊ ಖ್ಹರ್ನಾನಿ ಪೀಠನಾ ಮೂಚಿರಾಕ್ಯೂಥು ಥೋಡು ಆ ವಾತೇವ್ನಾ ಏಕೇಕ್‍ಥಿ ಸ್ಛೋಡಿಬೋಲಾನ ಕೊ ಹೊಯ್ಯಿ 6 ಅಮ್ ತಯಾರ್ ಕರಿರಾಖ್ಯೂತೆ ಇನಾಪರ್ ಯಾಜಕಖ್ಹರಾ ಕೆದೇಬಿಡೇರಾವ್ನಾ ಖ್ಹಾಮ್ಣೆ ಸ್ಝಯ್ಯಿನ್ ದೇವ್ನೀ ಆರಾಧನೆ ಸ್ಛಲಾವಸ್ 7 ಕ ಬೇಮನ ಭಾಗ್ಮಾ ಮೊಟೊಯಾಜರ್ ಎಕ್ಕಾಸ್ಝಣೋ ವರಖ್ಹ್‍ನಾ ಎಕ್ಕಾಸ್ ಹಲ್ಲಾಸ್ಝಾಸ್. ಯೊ ಲೊಹ್ಹಿನಾ ಕೋಲೆಯ್ನೀತೆ ಕೊ ಸ್ಝಾಯ್ನೀ; ಯೊ ಲೊಹ್ಹೀನಾ ಇನಾಕಾಜೆಬಿ ಅದ್ಮಿನೂ ಗಲಾತ್ನಾಕಾಜೆಬಿ ಸಮರ್ಪಣ್ ಕರಾಸ್ 8 ಏರ್ಪಾಟ್‍ಥಿ ಡೇರಾಮ ಪೈಹ್ಲೂ ಭಾಗ್ ರಃವಾಲಗೂ ದೇವ್ನಾ ಖ್ಹಾಮ್ಣೇಸ್ಝವಾನೊ ಮಾರಗ್ ಹಂಕೆಲಗೂಬಿ ಕೊ ಮಾಲುಂಹುಯೂನಿ ಕರಿ ಪವಿತ್ರಾರತ್ಮ ಮಾಲುಂಕರಾವಸ್. 9 ಡೇರೊ ಹಂಕೇನ ಹಗಾಮ್‍ವಾಳಕಾಜೆ ಏಕ್ ಮಹೈಲಿ ಮತ್ಲಾಬ್ನೀದ್ ಹುವಾಸ್; ಷಾತ್ಕತೊ ಏಕ್‍ಕಢ್ತೂ ಏಕ್ ಸಮರ್ಪಣ್‍ಹುವಾತೆ ಕಾಣಿಕೆಖ್ಹರಿಬಿ ಯಜ್ಞಖ್ಹರೂ ದೇವ್ನೀ ಆಋಆಧನೆ ಕರಾವಳನೂ ಮನ್‍ನಿ ಸಆಕ್ಷಿ ಮಾನಾನಿಘೋಣಿ ತಯಾರ್ಮಾ ಕೊಲ್ಯಾವನ್ತೇ 10 ಪಾಣೀನಖ್ಹರೂ ರಖಂರಖಂನೊ ನ್ಹೊವಾನ ಸಝೋಡೆ ಶರೀರ್ನಾಪಣ್ಕಿ ಸಂಬಂಧ ಹುಯಿರೂತೆ ನಿಯಮ ಹುಯಿರೀನ್ ಬದ್ಲಾವನ ಹಾಗಾಮ್‍ಲಗೂಸ್ ನೇಮಕ್ ಹುಯ್ಯಿರೀಸ್ ಕರಿ 11 ಹಂಕೆ ಮಳ್ಯೂರಃಯೂತೆ ಅಶೆಲ್‍ನಾ ಭಣ್ತೂ ಮೊಟೊ ಯಾಜಕ್ ಹುಯ್ಯಿ ಆಯಿನ್ ಹಾಥೇತಿ ಬಂದಾವಕೊಯ್ನೀತೆ ಷಾತ್ಕತೊ ಕತೊ ಸೃಷ್ಟಿನಾ ಸಂಭಂಧ್ ಕೊ ಹುಯಿರೂನಿತೆ ಮೋಟು ಅಸ್ಝು ತಯಾರ್ ಹುಯ್ಯಿರೂತೆ ತಂಭೂ ಮಾ ಸೇವೆ ಕರಾವಳೊ ಹುಯಿನ್ 12 ಬಿ ಕೆಳ್ಹಾವ್ನೂ ಲೊಹ್ಹೀ ನಾಲೀಸ್ಝಾನುತೆ ಇನೂಸ್ ಲೊಹ್ಹೀನಾ ಲೀಲಿನ್ ಅಪ್ಣಾಕಾಜೆ ಹಮೇಶ ಸ್ಛೂಡ್ಕಾರನ ಕಮಾಯ್ಯಿಲೀನ್ ಎಕ್ಕಾಸ್ ಹಲ್ಲಾ ದೇವ್ನೀ ಸ್ಝಗೋಮಾ ಸ್ಛಲೆಗೋ 13 ಢಾಬಿ ಕೆಲ್ದಾವ್ನೂ ಲೊಹ್ಹೀ ಅಪವಿತರ್ ಹುಯ್ಯಿರೂತೆ ಇವ್ಣಾಪರ್ ಛಿಡ್ಕಾನಿ ರಾಕ್‍ಶರೀರ್ನೂ ಪಾಪ್ನಾ ಕಾಡಿನಾಖನ್ ಪವಿತರ್ ಕರಾನು ರಹೈತೊ 14 ನೊ ಆತ್ಮಥಿ ಇನೂಯೋಸ್ ಬಿಣ್‍ದೋಷ್ ಹುಯಿನ್ ದೇವ್ನಾ ಸಮರ್ಪಣ್ ಕರ್ಲಿಥೋತೆ ಕ್ರಿಸ್ತುನು ಲೊಹ್ಹೀ ಕೆತ್ರೇಕಿ ಸ್ಝಾಖ್ಹತ್ ಅಪ್ಣಾ ಮರಿಹುಯೂ ಕಾಂಥಿ ಸ್ಛೋಡಾವಿನ್ ಅಪ್ಣೆ ಜಾನ್‍ಸ್ಛಾತೆ ದೇವ್ನಾ ಆರಾಧನೆ ಕರ್ವಾನಕಾಜೆ ಅಪ್ಣಾ ಮನ್ನಾ ಶುದ್ದ ಕರ್ಯೊನಿ 15 ಆ ಕಾರಣ್‍ಥೀ ಇನೆ ಏಕ್ ನವಿ ಕರಾರ್ನಾ ಇಸ್ಛ್‍ಮಾರಃವಾಳೊ ಹುಯಿರೋಸ್. ಪೈಲ್ಹೂ ಕಾರಾರ್ನಾ ಹಗಾಮ್ಮಾ ಸ್ಛಾಲ್ಯೂತೆ ಗಲತ್ ಕಾಮ್ನಾ ಫಿಟ್‍ವಾಡಿನಟೇಕೆ ಇನಿಎ ಮರಣ್‍ನಾ ಲಿಧೋ ಇನಾ ವಾಖ್ಹ್‍ತೆ ದೇವ್‍ಥಿ ಪುಕಾರಾಯ್ಯಿ ಹುಯಾ ವಾಗ್ದಾನ್ ಹುಯ್ಯಿರೀತೆ ಹಮೇಶ ಸ್ಛೂಮ್ಮೋನಾ ಲೆವಾನವಾಖ್ಹ್‍ತೆ ಇನಾಭಣ್ತೂ ವಾಟ್‍ಹುಯ್ಯಿ 16 ಮೋತ್ನೀಶಾಸನ್ ಸ್ಛಾತೆ ಇನಾ ಲಿಖ್ಖಾಯಿಹುಯಾನಿ ಮೋತ್ ಮಾಲುಂಹುಯ್ಯಿರಾಹನು ಎತ್ರೇಸ್ ಮೊತ್ನೀ ಶಾಸನ್ ಮೋತ್ 17 ಹುಯಿಗೂತೊ ಇನಾಪರ್ ಸಛಾಲಿಸ್ ಪಣ್ಕಿ ಲಿಖ್ಖಾಯ ಹುಯೂ ಜಿವ್ತೋ ರಾಹೈತೆದೆ ಕದೇಬಿ ಕೊ ಸ್ಛಾಲಾನಿ 18 ರಹೈತೆ ಪೈಲ್ಹಿ ಕರಾರ್ ತೋಬಿ ಲಹ್ಹೀ ಕೊಯ್ನೀತೆ ತಯಾರ್ ಕೊ ಹುಯ್ಯೀನಿ 19 ದೇವ್ನೀ ಹುಕುಂನಾ ಧರ್ಮಶಾಸ್ತ್ರನ ಪ್ರಕಾರ್ ಲಪಟ್ ಅದ್ಮೀವ್ನಾಖ್ಹರೂ ಬೋಲಿ ಇನಾಪರ್ ಪಾಣಿ ಲಾಲ್‍ಖ್ಹುತ್ತಾರ್ ಹಿಸ್ಸೋಪ್ನೀ ಲಕ್ಟೀ ಅನಿಸ್ಝೋಡ್ಮಾ ಕೊಲ್ಡಾನು ಅಸ್ಜು ಮೆಂಢಾವ್ನೂ ಲೊಹ್ಹೀನಾ ಪಾಡಿಲೀನ್ 20 ದೇವ್ ತುಮಾರಕಾಜೆ ದಿಧೋತೆ ಕರಾರ್ನಾ ಘಟಕರ್ವಾನು ಲೊಹ್ಹೀ ಹುಯಿರೋಸ್ ಕರಿ ಬೋಲಿನ್ ಇನಾ ಗ್ರಂಥ್ ಉಪ್ಫಾರ್‍ಬಿ ಅಖ್ಕಾ ಅದ್ಮೀವ್ನಾ ಉಪ್ಫಾರ್ ಛಿಡ್‍ಕ್ಯೊ 21 ಆ ಕಾಹೇತೆ ಡೇರಾನ ಉಸ್ಪಾಂಬಿ ದೇವ್ನೀ ಸೇವೆನಾ ಹೋಣೂತೆ ಅಕ್ಖಾ ರಾಸ್ಛಾವ್ನಾಪರ್‍ಬಿ ಯೋಸ್ ಲಪಟ್ ಲೊಹ್ಹೀನಾ ಛಿಡ್‍ಕ್ಯೊ. 22 ಧರ್ಮಶಾಸ್ತ್ರನಿ ಲಪಟ್ ಸ್ಝರ್ರೇಕಮ್ ಅಖ್ಖೂ ರಾಸ್ಛೂ ಲೊಹ್ಹೀಥೀಸ್ ಶದ್ಧಿಕರಾಯಿಸ್ಝಾಸ್; ಲೊಹ್ಹೀನು ರೆಡಾಯೂಕೊಯ್ನೀತೆ ಪಾಸ್ ಕೊ ಪಿಠಾನಿ 23 ರಾಸ್ಛಾವ್ನಾ ರೂಪ್‍ಹುಯಿರೂತೆ ರಾಸ್ಛಾವ್ನಾ ಶುದ್ದೀ ಹುವಾನುವಾಖ್ಹ್‍ತೆ ಅಲ್‍ಖಣ್ಣೂ ಉಜ್ಞಾ ಹೋಣುತೋಬಿ ಸಾಕ್ಷತ್ ಪರಾಮನುಹುಯಿರೂತೆ ಇನೇಥಿಬಿ ಅಸ್ಛೂ ಯಜ್ಞಾಖ್ಹರೂ ಹೋಣೂ 24 ಕ್ರಿಸ್ತು ಖ್ಹಾಚಿ ದೇವಾಳ್ನಾ ನಮೊನಿ ಖಲಿ ಹುಯ್ಯಿರಹ್ಯೂತೋಬಿ ಹಾತೆ ಭಾಂದಿಹುಯೂ ಎಲ್‍ಖಣ್ಣೂ ರಹೈತೆ ಸ್ಥಾನ್ಮಾ ನಾಸ್ಝಾನುತೆ ದೇವ್ನಾ ಖ್ಹಾಂನೇ ಅಪ್ಣಾಕಾಜೆ ಹಂಕೆ ನಸ್ಝ್‍ರಾವನ ವಾಖ್ಹ್‍ತೆ ಪರಮನ ವಹೈಸ್ ಸ್ಛಲಿಗಯೊ 25 ಕಾಹೇತೆ ಮೋಟೊಯಾಜಕ್ ವರಖ್ಹ್ ವರಖ್ಹ್‍ನಾಬಿ ಅಲಾದು ಲೊಹ್ಹೀನಾ ಪಾಡಿಲೀನ್ ಪವಿತ್ರಾಸ್ಥಾನ್ಮಾ ಸ್ಛವಾನುಘೋಣಿ ಯೊ ಇನೂಯೋಸ್ ಕೆತ್ರಿಕಿ ಹಲ್ಲಾ ಸಮರ್ಪಣ್ ಕರಾನಕಾಜೆ ಪರಮಾಮಾ ಕೋ ಗಯೋನಿ 26 ಇಮ್ ಸಮರ್ಪಪಣ್ ಕನೂಕರಿ ರಹಯೋತೊ ಯೊ ಜಗತ್ ಉಭ್‍ಜ್ಯೂತೆ ಕಂತೂ ಧರೀನ್ ಕೆತ್ರೀಕಿಹಲ್ಲಾ ಲತಾಡ ಖಯ್ಯೀನ್ ಮರ್ನೂಥೂ ಕತೊ ಏಕ್ಕಾಸ್ ಹಲ್ಲಾ ಜಗ್ನೂ ಆಖ್ರೀಮಾ ಯೊ ಪಾಪ್ನಾ ಪೇಡ್ಣೂಕರಿ ಇನೂಯೋಸ್ ಬಿಲಿದಾನ್ ಕರ್ಲೆವಾನ ಕಾಜೆ ದೆಖಾಯೊ. 27 ಹಲ್ಲಾ ಮರಾನು ಇನಾಪರ್ ನ್ಯಾವ್‍ಹುವಾನ ಕಿಮ್ ಖ್ಹಣಾದ್ ಹುಯಿರೂಸ್ಕೀ ಇಮ್ಮಾಸ್ ಕ್ರಿಸ್ತುಬಿ ಘಣಾ ಅ ದ್ಮೀನು ಪಾಪ್ನಾ ಪಾಡಿಲೆವಾ 28 ಖ್ಹ್‍ತೆ ಎಕ್ಕಾಸ್ ಹಲ್ಲಾ ಬಲಿದಾನ್ ಹುಯ್ಯಗೊ, ಅಸ್ಝು ಇನಾಪರ್ ತರಕಾಕರೀನ್ ರಹೈತೆ ಇವ್ಣಾಖ್ಹರೂ ರಕ್ಷಣೆನ ಪೈಧಾಕರ್ವಾನ ವಾಖ್ಹ್‍ತೆ ಪಾಪ್ ಕೊಯ್ನೀತೆ ಬೇಮಹಲ್ಲಾ ನಸ್ಝ್‍ರಾವಳೊ ಸ್ಛಾ