1 ಹಮೆ ಹಂಕೆ ಬೋಲಿಯೆಂತೆ ಖಬರ್ಮಾ ಖಾಚಿ ವಾತ್ ಷಾತ್ಕತೊ - ಪರಲೋಕಮ ಮಹಿಮೆನೊ ದೇವ್ನೀ ಸಿಂಹಾಸನನಿ ಖವಹಾತ್‍ಭಣಿ ಬೆಠೂತೆ ಮೋಟೊ ಯಾಜಕ ಅಪ್ಣ 2 ಸ್ಛಾ ಯೊಶತ್ಕಿ ಪವರಿತ್ರಸ್ಝಗೋಮಾ ಕತೊ ಮನ್‍ಖ್ಯೂ ಕೊ ನಾಖಾನಿತೆ ಖ್ಹೊದಾಸ್ ನಾಖ್ಯೋತೆ ಖ್ಹಾಚಿ ದೇವ್ನೀ ದರ್ಶನ್ನಿ ಘರ್ಮಾ ಯಾಜಕನೂ ಕಾಂಕರಾವಳೊ ಹುಯಿರೋಸ್ 3 ಯೇಕ್ ಮೊಟೊ ಯಾಜಕರ ಕಾಣಿಕೆನಾ ಯಜ್ಞನಾನ ಅರ್ಪಣ್ ಕರ್ವಾನ ಖ್ಹಣಾದ್ ಹುಯಿನ್ ಸ್ಛಾ; ಇನಾವಾಖ್ಹ್‍ತೆ ಅರ್ಪಣ್ ಕರ್ವಾನಾ ಆ ಮೋ ಯಾಜಕನಬಿ ಷಾತ್ಬಿ ಹೋಣೂ 4 4. ಅಜ್ಹೂ ಸ್ಝಮಿನ್‍ಪರ್ ರಹ್ಯೋಹೊತ್ತೋ ಯಾಜಕ ಕೊ ಹುಯೊಹೊತ್ನೀ; ಷೇಕಕೊ ಧರ್ಮನಿಯಮ್ನೀ ಲಪಟ್ ಕಾಣಿಕೆವ್ನಾ ಸಮರ್ಪಣ್ ಕರಾವಳು ರಸಾಸ್ ರಃಸ್; 5 ಪರಮಮಾ ಸ್ಛಾತೆ ದೇವಳ್ನೀ ರೂಪ್‍ಬಿ ಸ್ಛಾಳೊ ಹುಯಿನ್ ಸ್ಛಾತೆ ದೇವಳ್ಮಾ ಯಾಜಕನು ಕಾಮ್ ಕರಾವಳು ಹುಯಿರೂಃಸ್. ಮೋಶೆ ದೇವ್‍ದರ್ಶನ್ನೂ ಘರ್ನಾ ಕರ್ವಾನು ರಾಹೈತೆದೆ ಪಹಾಡ್ಮಾ ಮೆ ತುಮ್ನಾ ವಪತಾಳ್ಯೋತೆ ಇನಿ ಲಪಟ್ಮಾಸ್ ಅಖ್ಖೂಸ್ನಾ ಕರ್ನೂ ಕರಿ ದೇವ್ನೀ ಬೋಲಿ ಇನಾ ಹುಯೂನಿ 6 ಯೇಸು ಇನಾಥೀಬಿ ಶ್ರೇಷ್ಠ ಯಾಜಕಕಾಮ್ನಾ ಲೀರಾಖ್ಯೋಸ್; ಅಚ್ಛಿ ವಾಗ್ದಾನ್ನಾಪರ್ ಭಂದಾಯಿನ್ ಅಚ್ಛಿ ಕರಾರ್ನಾ ಇಸ್ಛ್‍ಲ್ಯೋ ಹುಯಿರೋಸ್ 7 ಪೈಲ್ಹಿ ಕರಾರ್ ಬೋಟಿನಾಹುಯ್ಯಿರೂತೊ ಬೇಮನಿ ಕರಾರ್ ಸ್ಛಗೊ ಕೊ ಯಹೈಹಿತ್ನಿ 8 ದೇವ್ ಯೊಕರಾರ್ನಾ ಹುಯಾನಪರ್ ಗಲಾತ್ ಧರಾವಿನ್ ಅಮ್‍ಭೋಲ್ಯೊ, ಹಂದೇಕ್ ಮೆ ಇಸ್ರಾಯೇಲ್ ಖಾನ್ದಾವಳಥಿಬಿ ಯೊಹೂದ ಖಾನ್ದಾನ್‍ವಾಳಥಿಬಿ ನವೊಹುಯಿರೂತೆ ಏಕ್ ಕರಾರ್ ಕರ್ಲೆವನೊ ದನ್ ಆವ್ಷೇ ಕರಿ ಖ್ಹೋದ ಬೋಲುಕರಾಸ್; 9 ಕರಾರ್ ಮೆ ಅವ್ಣಾ ಪಿತಾಂಬರ್ನಾ ಹಾತ್ ಧರೀನ್ ಐಗುಪ್ತ ದೇಖ್ಹ್‍ಮಥೊ ಬುಲಾಯ್ಯಿಲ್ಯಾಯೋತೆ ಹಗಾಮ್ಮ ಇವ್ಣಿ ಸ್ಝೋಡೆ ಕರಿಲಿಧೋತೆ ಕರಾರ್ನಿಘೋಣಿ ಕಾಹೇ ಇವಣೆ ಮಾರ ಕರಾರ್ಮಾ ಘಟ್ ಕೊ ಉಭ್ಯಾರಹ್ಯಾನಿ ಇನಾವಾಖ್ಹ್‍ತೆ ಮೆ ಇವ್ಣಿ ಖ್ಯಾಲ್‍ನಾ ಮ್ಹೆಲಿದಿಧೊ ಕರಿ ಖ್ಹೊದಾ ಬೋಲೂಕರಾಸ್ 10 ದನ್‍ಖ್ಹರೊ ಆಯೊ ತೆದೆ ಮೆ ಇಸ್ರಾಯೇಲ್ ಖಾನ್ದಾನ್‍ಥೀ ಕರೀಷ್‍ತೆ ಕರಾರ್ ಅಮ್ ರಃಷೆ – ಮಾರಿ ಹುಕುಂವಾ ಇವ್ಣಾ ದಿಲ್‍ನಾಪರ್ ಲಿಖ್ಖೀಷ್ ಮೆ ಇವ್ಣೋ ದೇವ್ ಹುಯಿರೀಷ್, ಇವ್ಣೆ ಮಾರ ಪ್ರಜೆ ಹುಯ್ಯಿರಾಷೆ; 11 ಏಕ್ ಗಾಮ್‍ಳ ರಹಾನ ಭಯ್ಯಿ ಮೋಟಾಭಯ್ಯಿ ಏಕ್ನಾಯೇಕ್ ಖ್ಹೊದಾನಿ ಅಕ್ಕಾಲ್ ದ್ಯಾನ್‍ನಾ ಲೆವೊ ಕರಿ ಬೋಧನೆಕರಾನು ಕೊ ರಃಷೇನಿ; ನಹನಾಥಿ ಧರ್ಲಿನ್ ಷಾಣಾ ಲಗೂ ಅಖ್ಖೂಸ್ಝಣೂ ಮಾರಿ ಅಕ್ಕಾಲ್‍ದ್ಯಾನ್‍ನಾ ಲೀರಾಕ್ಷೇ; 12 ದಿವಾನಾ ಕಾಮ್ನಾ ಬಾರೇಮಾ ಮಾಪಿಕರಾವಳೊ ಹುಯ್ಯಿರೀಷ್, ಇವ್ಣಾ ಪಾಪ್ನಾಖ್ಹರೂ ಮಾರಿ ಖ್ಹಯಾಲ್ಮಾ ಕೆದೇಬಿ ಕೋ ಲ್ಯಾಷ್ನೀ ಕರಿ ಖ್ಹೋದಾ ಬೋಲೂಕರಾಸ್ 13 ಢಾಬಿ ಕೆಲ್ದಾವ್ನೂ ಲೊಹ್ಹೀ ಅಪವಿತರ್ ಹುಯ್ಯಿರೂತೆ ಇವ್ಣಾಪರ್ ಛಿಡ್ಕಾನಿ ರಾಕ್‍ಶರೀರ್ನೂ ಪಾಪ್‍ನಾ ಕಾಡಿನಾಖನ್ ಪವಿತರ್ ಕರಾನು ರಹೈತೊ