1 ಸ್ತ್ರಮ ಅಗಾಡಿ ಆವಾನು ಸ್ಛಾತೆ ಸ್ಛೂಕಾಮ್ನೂ ರೂಪ್ ಹುಯಿರೂಸ್ ಪಣ್ಕಿ ಇನೂಖ್ಹರೂ ಅಸಲಿ ರೂಪ್ ಕಾಹೆ ಇನಾವಾಖ್ಹ್‍ತೆ ಯೊ ಧರ್ಮಶಾಸ್ತ್ರ ವರಖ್ಹ್ ವರಖ್ಹ್ ಘಡಿ ಘಡಿ ಬಲಿದಾನ್ ಹುವಾತೆ ಎಕ್ಕಾಸ್ ಲಪಟ್ನಿ ಬಲಿದಾನ್ನಾ ಕರೀನ್ ದೇವ್ನಾ ಕನ್ಹೆ ಆವಾಳವ್ನಾ ಕದೇಬಿ ಬರಾಬರ್ ಕೊ ಕರಾನಿ 2 ಕರ್ಯೂತೋಬಿ ಯೊ ಬಳ್‍ನಿ ಬಲಿದಾನ್ ಉಭಿರಿಗಯೂ ಹೋತ್ನೀಷೇಕತೊ ದೇವ್‍ನಿ ಆರಾಧನೆ ಕರಾವಳು ಎಕ್ಕಾಸ್ ಹಲ್ಲಾ ಶುದ್ಧಕರಿ ಇನಾಪರ್ ಇವ್ಣಾ ಪಾಸ್ ಸ್ಛಾಕರಿ ಇವ್ಣೋ ಮನ್ ಅಸ್ಝೂಬಿ ಸಾಖ್ಷಿದೆವಾನು ಕಿಮ್? 3 ಯೊ ಬಲಿದಾನ್‍ಥಿ ಹರ್ ವರಖ್ಹ್‍ಮಾಬಿ ಪಾಪ್ನೂ ಹಿರ್ದೋಲ್ಯಾವಸ್; 4 ಕೆಲ್ಹಾವ್ನೂಬಿ ಅಸ್ಝೂ ಮೆಂಢಾವ್ನೂ ಲೊಹ್ಹೀಥಿ ಪಾಪ್ ಫಿಟಾನು ಕೊಹುವಾನಿನೀ 5 ಇನಾವಾಖ್ಹ್‍ತೆ ಕ್ರಿಸ್ತು ಧರ್ತಿಪರ್ ಆವಾನಿವ್ಖಹ್‍ತ್ಮಾ – ದೇವ್ ಬಲಿದಾನ್‍ಖ್ಹರೂ ತುನಾ ಪಶೆನ್ ಕೊ ಥೂನಿ ಮನಾ ಶರೀರ್ನಾ ಬಣಾವಿದಿಧೋ ತೂ; 6 ತನ್‍ಬದನ್ನಿ ಬಲಿದಾನ್ಮಾಬಿ ಪಾಪ್ನೀ ಸ್ಛುಟಿನಿ ಬಲಿದಾನ್ಮಾಬಿ ತೂ ಖ್ಹುಚಿಕೊಹುಯೋನಿ; 7 ತೆದೆ ಮೆ - ಹಂದೇಕ್‍ಲಾ, ದೇವ್, ತಾರಿ ಮರ್ಜಿನಾ ಪೂರಾ ಕರ್ವಾನ ಆಯಿರೊಃಸ್ ಗ್ರಂಥನಿ ಖಬರ್ಮಾ ಮಾರ ಭಣ್ತೂ ಲಿಖ್ಖಾಯಿರೂಃಸ್ ಕರಿ ಬೋಳ್ಯೊ 8 ಲಪಟ್ಮಾ ಸಮರ್ಪಣ್ ಹೋತು ಹುಯ್ಯಿನ್ ಉಳ್ಯಾವತೆ ಬಲಿದಾನ್ನಾಖ್ಹರೂ ಪೂರತನ್ ಬದನ್ನಿ ಬಲಿದಾನ್ ಪಾಪ್ ಪಿಟಾನು ಬಲಿದಾನ್‍ಖ್ಹರೂ ತುನಾ ಅಸ್ಝಕೋಲಾಗ್ಯೂನಿ. ತೂ ಇನಾಮಾ ಖ್ಹುಚಿಕೊ ಪಡಾನಿ ಕರಿ ಉಪ್ಪರ್ ಬೋಲಾಯ್ಯಿಜೀನ್ 9 ಹಂದೇಕ್, ತಾರಿ ಮರ್ಜೀನ ಪೂರ ಕರ್ವಾನ ಆಯ್ಯೀರೋಃಸ್ ಬೋಲಿರಾಖ್ಯೋಸ್ ಯೊ ಬೇಮನು ಘಟ್ ಕರ್ವಾನಕಾಜೆ ಆಗ್ಲ್ಯೂ ಕಾಡಿನಾಖಸ್ 10 ಯೇಸು ಕ್ರಿಸ್ತು ಎಕ್ಕಾಸ್ ಹಲ್ಲಾ ಶರೀರ್ನಾ ಸಮಪರ್ಣ್ ಕರೀನ್ ದೇವ್ನೀ ಮರ್ಜಿನಾ ಪೂರಕರ್ತಾಲೀನ್ ಅಪ್ಣೆ ಶುದ್ದ್ ಹುಯಿರಾಸ್ 11 ಕಾಹೇತೆ ಯೊ ಜಾಯಕಖ್ಹರಾ ಹರೋಸ್ಝ್ ಸೇವೆಕರ್ತಾ ಹುಯ್ಯಿನ್ ಪಾಪ್‍ಫಿಟಾನೊ ಕೊಯ್ನೀತೆ ಎಕ್ಕಾಸ್ ಲಪಟ್ಟನೀ ಬಲಿದಾನ್ನಾ ಘಡಿ ಘಡಿ ಸಮರ್ಪಣ್ ಕರ್ತಾ ಹುಯ್ಯಿನ್ ಉಭ್ಯಾರಾಃಸ್ 12 ಆ ಯಾಜಕ್ ಪಾಪ್ ಫಿಟಾನವಾಖ್ಹ್‍ತೆ ಹಮೇಶ ಉಭ್ಯೂರಾಃಯ್ತೆ ಎಕ್ಕಾಸ್ ಬಿಲಿದಾನ್ನಾ ಸಮರ್ಪಣ್ ಕರೀನ್ ದೇವ್ನಾ ಬವಾಹಾತ್ಭಾಣಿ ಬೇಷಿಗಯೊ 13 ದೇಥೂ ಇನಾ ವೈರೀಖ್ಹರಾ ಇನಾ ಪಗ್ನಾ ಪಿಠಾನಘೋಣಿ ಕರ್ವಾಲಗೂ ಯೊ ಸ್ಝಪೀನ್ ರಾಃಸ್ 14 ಹುಂಕಾರಾತೆ ಖ್ಹರಾನ ಎಕ್ಕಾಸ್ ಸಮರ್ಪಣ್‍ಥಿ ಹಮೇಶ ಬರಾಬರ್ ಕರ್ವಾಖ್ಯೊ 15 ಪವಿತ್ರಾತ್ಮಬಿ ತುಮ್ನಾ ಸಆಖ್ಷಿದೆವಾಳೊ ಹುಯೊನ್ ಯೊ ದನ್‍ಖ್ಹರೂ ಆಯೊ ತೆದೆ ಮೆ ಇವ್ಣೆ ಸ್ಝೋಡೆ ಕಲೇಂವ್ತೆ ಕರಾರ್ ಅಮ್ ರಾಃಸ್ –ಮಾರಿ ಹುಕುಂನಾ ಇವ್ಣಾ 16 ದಿಲ್ಮಾ ಮ್ಹೆಲೀಷ್, ಇವ್ಣೊ ಮನ್‍ನಾಪರ್ ಇನಾಖ್ಹರೂ ಲಿಖ್ಖೀಷ್ ಕರಿ ಖಹೊದಾ ಬೋಲೂಕರಾಸ್ ಇವ್ನೋ ಮನ್‍ನಾಪರ್ ಇನಾಖ್ಹರೂ ಲಿಖ್ಖೀಷ್ ಕರಿ ಖ್ಹೊದಾ ಬೋಲೂಕರಾಸ್ ಇಮ್‍ಕರಿ ಬೋಲಿಹುಯ್ಯಿಜೀನ್ ಅಸ್ಝು 17 ಪಾಪ್ನಾಖ್ಹರೂ ಇವ್ಣೂ ಖರಾಬ್ ಕಾಮ್ನಾಖ್ಹರೂ ಮಾರಿ ಖ್ಹಯಾಲ್ಮಾ ಕೆದೇಬಿ ಕೊ ಲ್ಯಾಷೆನಿ ಕರಿ ಬೋಲೂಕರಾಸ್ 18 ಫೀಟೀಗಯೂತೆ ಅಸ್ಝು ಇನಿ ಬಾರೇಮ ಸಮರ್ಪಣ್ ಕರ್ವಾನು ಸ್ಝರೂರ್ ಕೊಯ್ಯಿನಿ ಅಪ್ಣೆ ಲತಾಡ ಖ್ಹಮಾಳ್ಯಾತೋಬಿ ಪಾಸ್ಛಾನಾಹಟ್ನೂ 19 ರಹೈನ್ ಭಯ್ಯಿಬಂದೂ, ಯೇಸು ಅಪ್ಣಾಕಾಜೆ ಉಬ್‍ಸ್ಝಾಯ್ಯಿರಾಖ್ಯೊತೆ ಜಿವ್ತೋಬಿ 20 ಮರಗ್ಮಾ ಇನಾ ಲೊಹ್ಹೀ ಭಣ್ತೋ ಇನಿ ಶಿರೀರ್‍ನಿ ಪಡ್ಡಾ ಭಣ್ತೋ ದೇವ್ನಾ ಖ್ಹಾಮ್ಣೆ ಸ್ಛಾವಾನ ಅಪ್ಣಾ ಹಿಮ್ಮಾತ್ ಆಯೂ 21 ಘರ್‍ನಾಪರ್ ಹಕ್‍ದಾರ್ ಹುಯ್ಯಿರೋತೆ ಶ್ರೇಷ್ಟ ಯಾಜಕ ಅಪ್ಣಾಸ್ಛಾ 22 ವಾಖ್ಹ್‍ತೆ ತೂ ಪಾಪಿಕರಿ ಅಪ್ಣೋ ಮನ್ ಅಪ್ಣಾ ಸಾಕ್ಷಿ ನಾಬೋಲ್ನೂತೆ ಅಪ್ಣೆ ದಿಲ್‍ನಾ ಸ್ಛಾಟಿಲೀನ್ ಜಿವ್ದಾನಾ ಅಸ್ಛೂಪಾಣಿಥಿ ಧೊಯ್ಯಿಲೀನ್ ಪೂರ ಭರಾಖ್ಹೊವಾಳ ಹುಯ್ಯಿನ್ ಖ್ಹಾಚಿದಿಲ್‍ವಾಳಹುಯಿನ್ ದೇವ್‍ಕನಾ ಆಂಯೇ 23 ಭರಾಖ್ಹೋಭಣ್ತೂ ಅಪ್ಣೆ ಕರ್ಯಾತೆ ಖ್ಹೋಗಾತ್‍ನಾ ಘಬ್ರಾವ್ನೂನಾತೆ ಘಟ್‍ರಂಯೇ; ವಾಗ್ದಾನ್ ಕರ್ಯೊಹೋ ಭರಾಖ್ಹೊವಾಳೊ 24 ಏಕ್ನಾಯೇಕ್ ಅಸ್ಛಾಕರಾವಳ ಹುಯ್ಯಿನ್ ಪ್ರೇಮ್‍ಕರ್ನೂಕರಿ ಸ್ಛಾಕ್ರಿಕರಾವಳ ಕರ್ನೂಕರಿಬಿ ಏಕ್ನಾಯೇಕ್ ಅಕ್ಕಾಲ್ ದಿಂಯೆ. 25 ಹುಯಿನ್ ಎಕ್ಟಾಹುವಾನಕಾಜೆ ಥೋಡಸ್ಝಣ ರೂಢಿಹುಯಿನ್ ಮ್ಹೆಲಿದಿಧುತೆ ಲಪಟ್ ಅಪ್ಣೆ ನಾ ಕ್ಹೆಲ್ನೂತೆ ಏಕನಾಯೇಕ್ ಹೊಷಾರೆಎ ಕರಿಂಯೆ ಖ್ಹೊದಾ ನಸ್ಝ್‍ರಾವನೊ ದನ್ ಕನ್ಹೆಹೋತುಹುಯ್ಯಿ ಉಳ್ಯಾವಸ್ ಕರಿ ತುಮೆ ದೆಕ್ತಾಲಿ ಇನಾಖ್ಹರೂ ಅಸ್ಝೂಬಿ ಕರೊ 26 ಸತ್ಯನಿ ದಿಮಾಕ್ನಾ ಅಪ್ಣೆ ಲೀಲಿನ್ ಇನಾಪರ್ ಪಾಪ್ ಕರ್ಯಾತೊ ಪಾಪ್ ಫಿಟ್ವಾನಕಾಜೆ ಅಸ್ಝೂಕೆಹೂನಿ ಯಜ್ಞಬಿ ಕೊ ರಃಷೇಬಿ 27 ಡರ್‍ಥಿ ಖ್ಹಾಮ್ಣೆದೆಖಾನು ಸಛಾತೆ ನ್ಯಾವ್ನೀ ಸಜಾ ದೇವ್ನಾ ವೈರೀವ್ನಾ ಬಾಳಿನಾಖನಿ ಬಳೂಕರಾತೆ ಆಗ್ ಆಸ್ ಅಪ್ಣಾ ಖ್ಹಾಂಣೆ ಸಛಾ 28 ಹುಕುಂನಾ ಮಷ್ಕೇರಿ ಕರಾವಳನಾ ಬೆಸ್ಝಣ ಕೊಯ್ನೀಕತೊ ತೀನ್ ಸ್ಝಣಾವ್ನೀ ವಾತೆನಪರ್ ಗೋರ್‍ಕೊಯ್ನೀತೆಸ್ ಮರಣ್‍ನಿ ಸಜಾ ದೆವಾವಸ್ ಬಿ ದೇವ್ನಾ ಛಿಯ್ಯಾನ ಬುಂದ್ಲೀನ್ ಕರಾರ್ನಾ ಘಟ್ ಬಣಾಯುತೆ ಇನಾ ಪವಿತರ್ 29 ಕರ್ಯೂತೆ ಲೊಹ್ಹೀನ ಅಶುದ್ದ್‍ಕರಿ ಖ್ಹಯಾಲ್ ಕರೀನ್ ಖ್ಹರ್ನಾನಿ ವರಹುಯ್ಯಿರೂತೆ ಆತ್ಮನ ಟಡ್ಗಾರ್ಯೂತೊ ಯೊ ಅಸ್ಝು ಕೆತ್ರೇಕಿ ಮೋಟಿ ಸಜಾನ ಲೆವಾಳು ಹುಯ್ಯಿರೂಸ್ಕರಿ ಮಾಲುಂಕರ್ಲೇವೊ 30 ದಾವಾನ ದಾವೊ ಕಡಾನು ಕಾರುಕಾಮ್, ಮೇಸ್ ಫಳ್‍ನಾ ದೆಂವೂಸ್‍ಕರಿ ಬೋಲ್ಯಾಹುಯಾನ ಮಾಲುಂಕರಿರಾಖ್ಯಾಸ್; ಯೊ ಕಾಹೇತೆ ಪರ್ಮೇಶ್ವರ್ ಇನಾ ಅದ್ಮೀವ್ನಾ ನ್ಯಾವ್ನಾ ಪೂಸ್ಛಾಸ್ಕರಿ ಬೋಲಾವಿರಹ್ಯೂಸ್ 31 ಜೀವ್ಜಾನ್ನೊ ರೂಪ್ ಹುಯ್ಯಿರೋತೆ ದೇವ್ನಾ ಹಾತ್ಮಾ ಖ್ಹಪ್ಡಾನು ಭಯಾನಕ್ ಹುಯ್ಯಿರೂಃಸ್ 32 ರಹೈನ್ ದಿಮಾಕ್ನಾ ಉಸ್ಝಾಳಮ ಮಳೀನ್ ಲತಾಡನಬಿ ಘಣೂ ವೇಳ್ನಾ ಖ್ಹಮಾಳಿಲೀನ್ ಧಾತೆ ಪಾಸ್ಛಲ್ಯಾ ದನ್ನಾ ಖ್ಹಯಾಲ್ ಕರ್ಲೆವೊ; 33 ಹಲ್ಲಾ ತುಮೆ ಬಳಾಪೊನಭಿ ಖ್ಹತಾಫ್ಣಿನಾ ಖೈಯಿನ್ ಮಷ್ಕೇರಿನ ಖ್ಹಣದ್ ಹುಯ್ಯಿಗಾ; ಥಡಿಹಲ್ಲಾ ಎಲ್‍ಖಣ್ಣೂ ಖ್ಹರು ಖೈಯಿರಾಕ್ಯೂತೆ ಇವಿಣಿಸ್ಝೋಡೆ ರಹೈನ್ ಕಷ್ಟನ ಮಾಲುಂಕರ್ಯಾಹುಯಾ ಹುಯ್ಯೀರಾಸ್ 34 ಘಲಾಯಿರೂಃತೆ ಇವ್ಣೀ ಲತಾಡಾವ್ನಾ ದೇಖಿನ್ ಇವ್ಣಿಸ್ಝೋಡೆ ದುಃಖ ಖಯ್ಯಿನ್‍ಬಿ ಅಪ್ಣಾ ಪಶೆನ್‍ಥಿಬಿ ಘಟ್‍ರಹೈತೆ ಆಸ್ತಿ ಸ್ಛಾಕರಿ ಪಶೆನ್ನೀತರ ಮಾಲುಂಕರ್ಲಿನ್ ತುಮಾರು ಜಿನ್ಗಾನೀನಾ ಛಿನಾವಳವ್ನಾ ಖ್ಹುಚಿಥಿ ಮ್ಹೆಲಿದಿಧಾ 35 ಕತೊ ತುಮಾರಿ ಹಿಮ್ಮಾತ್ನಾ ನಕೊ ಮ್ಹೆಲಿದೆವೊ; ಇನಾ ಘಣೂ ಫಲ್‍ಸ್ಛಾ 36 ವ್ನೀ ಮರ್ಜಿನಾ ಪೂರ ಕರೀನ್ ಹುಕುಂನಿ ಫಲ್‍ನಾ ಲೇನುಕತೊ ತುಮ್ನಾಧೀಮೊ ಹೋಣೂ 37 ಳುಸ್ಛಾತೆ ಅಸ್ಝು ಥೋಡವಖ್ಹತ್ಮಾ ಆವ್ಷೇ ಢೇರಿ ಕೊ ಕರ್ಷೇನಿ; 38 ಮಾರವಾಳೊ ಹುಯ್ಯಿರೋತೆ ನಿಯ್ಯಾತ್ವಾಳೊ ಭರಾಖ್ಹೊಥೀಸ್ ಜಿವಾಸ್; ಯೊಶತ್ಕಿ ಪಾಸ್ಛೋ ಹುಯ್ಯಿಗಯೋತೊ ಇನಾಪರ್ ಮನಾ ಖ್ಹುಚಿ ಕೊ ರಹೈನಿ ಕರಿ ಲಿಖ್ಖಾಯಿರೂಃಸ್ 39 ಪಾಸ್ಛಹಟೀನ್ ನಾಶಹುವಾಳಕಾಹೇ, ಮಾನವಾಳ ಹುಯಿನ್ ಜಾನ್ನೀ ರಕ್ಷೇನಾ ಲೆವಾಳ ಹುಯಿರಾಸ್