1 ಶಕ್ತಿ ಅಪ್ಣೆ ತರಕ್ಷಕರ್ವಾನಿ ವಿಚಾರ್ಮಾ ಭರಾಖ್ಹೊಥಿರಃವಾನು ಡೋಳಾಮ ಕೊ ನಸ್ಝ್‍ರಾವನಿತೆ ಇನಾಖ್ಹರೂ ಖ್ಹಾಚೀಸ್‍ಕರಿ ಮಾಲುಂಕರ್ಲೆವಾನು ಹುಯಿರೂಸ್ 2 ಷಾಣಾಖ್ಹರಾ ಭರಾಖ್ಹೊವಳ ಹುಯ್ಯಿರಾಥ ಇನಾವಾಖ್ಹ್‍ತೇಸ್ ಅಸ್ಝೂನಾಮ್‍ನಾಲಿಧಾ 3 ದೇವ್ನೀ ವಾಥೇತಿ ಉಬ್ಜ್ಯೂಕರಿ ಭರಾಖ್ಹೊಥೀಸ್ ಅಪ್ಣೆ ಮಾಲುಂಕರ್ಲಿನ್ ನಸ್ಝ್ರಾವತೆ ಆ ಜಗತ್ ನಸ್ಝರ್ಯಾ ರಾಸ್ಛಥಿ ಕೊ ಉಭ್‍ಜ್ಯೂನಿಕರಿ ಖ್ಹಯಾಲ್ ಕರಿಯಂಸ್ 4 ಹೇಬೆಲನೆ ಕಾಯಿನನಿ ಬಲಿದಾನ್‍ಥೀಬಿ ಶ್ರೇಷ್ಟ ಬಲಿದಾನ್‍ನಾ ದೇವ್ನಾ ಸಮರ್ಪಣ್ ಕರ್ಯೊ. ಇನೇಥಿ ಯೊ ನಿಯ್ಯಾತ್ವಾಳೊಕರಿ ಸಾಕ್ಷಿಲಿಧೂ ದೇವ್ ಇನಿ ಕಾಣಿಕೆ ಮಾನಿಲಿಧೋತೇಸ್ ಯೊ ಸಾಕ್ಷಿ ಯೊ ಮರಿಗಯೋತೋಬಿ ಇನೊ ಭರಾಖ್ಹೊಥೀಸ್ ಅಸ್ಝೂಬಿ ವಾತೆಕರೂಕರಾಸ್ 5 ಮರಣ್ ನಾ ಲೇನೂತೆಸ್ ಉಡಿಗಯೋತೆ ಭರಾಖ್ಹೊಥೀಸ್; ಇನಾ ದೇವ್ ಕಾಡಿಲೀನ್ ಲೀ ಸ್ಝಾತಾಲೀನ್ ಯೊ ಕಿನಾಬಿ ಕೊ ಮಳ್ಯೂನಿ; ಯೊ ಉಡಿಸ್ಝವಾನ ಪೈಲ್ಹೆ ದೇವ್ನೊ ಮೆಚ್ಚಿಹುಯೊಹೊಕರಿ ಸಾಕ್ಷಿ ಸ್ಛಾ. 6 ಭರಾಖ್ಹೊ ಕೊಯ್ನೀತೆ ದೇವ್ನಾ ಮೆಚ್ಚಾವನು ಕೊಯೋಯ್ನೀ; ದೇವ್‍ಕನ ಆವಾವಳು ದೇವ್‍ಸ್ಛಾಕರಿ, ಅಸ್ಝು ಇನಾ ಢೂಂಡಾವಳನ ಫಲ್ ದೇಸ್ ಕರಿ ಮಾನಾನು ಸ್ಝರೂರ್ ಸ್ಛಾ 7 ನೋಹ ತೆದೆಲತೂಬಿ ಕೋದೆಖ್ಯೋನಿ ಸಂಗತಿನಿ ಬಾರೇಮಾ ದೇವ್ನೀ ಬೋಲಿನಾ ಮಾನಿನ್ ಡರ್‍ನಿ ಭಕ್ತಿಮಾ ರಹೈನ್ ಇನಾ ಘರ್‍ವಾಳನ ಚಸ್ಛಾಯಿಲೆವಾನಕಾಜೆ ಸ್ಝಹಾಸ್ಝ್‍ನಾ ಭಾಂದೀನ್ ತಯಾರ್ ಕರೀನ್. ಇನೇಥಿ ಇನೆ ಜಗತ್ವಾಳನ ಸಜಾನ ಲೀಲೆವಾಳಕರಿ ಮಾಲುಂಕರ್ಲಿನ್ ಭರಾಖ್ಹೋನೊ ಫಲ್ ಹುಯಿರೂತೆ ನಿಯ್ಯಾತ್ನಾ ಸಝುಮ್ಮೋದಾರ್ ಹುಯಿರೋಸ್ 8 ಖ್ಹೊಥಿಸ್ ಅಬ್ರಹಾಮನೆ ಪುಕಾರ್ ಹುವಾದಿನ್ ತೆದೇಸ್ ಪುಕಾರ್ಯಾಹುಯಾನಿ ವಾತೆ ಖ್ಹಂಜೀನ್ ಯೊ ಸ್ಝೂಮ್ಮೋಥಿ ಲೇನುಕರಿಸ್ಛಾತೆ ಸ್ಝಗೋಕನ ನಿಕ್ಳೀಗಯೊ, ಯೋ ಸ್ಝವಾನು ಸ್ಛಾತೆ ಸ್ಝಗೊ ಕೆಹುಕರಿ ಮಾಲುಂಕೊಯ್ನೀತೆ ನಿಕ್‍ಳ್ಯೋ 9 ಭ ಥಿಸ್ ಹುಕುಂ ಹುಯೂತೆ ದೇಖ್ಹ್‍ಮಾ ಆಯೋತೆದೆ ಇಸ್ಝಾಗಾ ಅಲ್ಲಾಕ್ ದೇಖ್ಹ್‍ಮಾ ರವಾನಿತರ ಡೇರಮಾ ರಹೈನ್ ಪರದೇಶಿಹುಯಿನ್ ಜಿಜ್ಯೋ. ಯೋಸ್ ಹುಕುಂನಾ ಬರಾಬರ್ ಸಮ್ಮೋದಾರ್ ಯುಯಿರೋತೆ ಇಸಾಕಬಿ ಯಾಕೋಬಬಿ ಇನೀನಿತರಸ್ ಡೇರಾಮ ಬಿವ್ಯಾ 10 ಕತೆ ಯೋಶತ್ಕಿ ಹಮೇಶಹುಯಿರೂತೆ ಪಾಂಯಾಸ್ಛಾತೆ ಖ್ಹಯೇರ್ನಾ ಕತೊ ದೇವ್ ಸೋಚಿನ್ ಬಣಾಯೋತೆ ಖ್ಹಯೇರ್ನಾ ಸ್ಝಪಿದೇಖೂಕತೋಥೊ 11 ಸಾ ಹುಕುಂ ಕರ್ಯಾಹುಯಾನ ಮಾನಸ್ಝಾಯಿಕರಿ ಬೋಲಲೀನ್ ಯೊ ಉಮರ್ ಸ್ಛಲಿಗಯ್ಯಿತೋಬಿ ಭರಾಖ್ಹೊಥೀಸ್ ಬೆಜಿವ್ನೀ ಹುವಾನಕಾಜೆ ತಾಖತ್ ಲಿಧೀ 12 ವಾಖ್ಹ್‍ತೆ ಮೋತ್ನೀ ರೇತ್ನೀತರಬಿ ಗಣತೇಕೊಯ್ಯಿನೀತೆ ಲಡ್ಕಾ ಪೈಧಾಹುಯಾ 13 ಹುಕುಂ ಫಲ್ ನಾ ಲೇನೂತೆ ಇನಾಖ್ಹರೂ ದೂರ್‍ಥಿ ದೇಖಿನ್ ಖ್ಹುಚಿಥಿ ಖ್ಹಲಾಂಕರೀನ್ ಭರಾಕ್ಹೊವಾಳ ಹುಯ್ಯಿನ್ ಮರಿಗಯಾ. ಇವ್ಣೆ ಧರ್ನಿಪರ್ ಪರದೇಶಿನಾ ಫರಾವಾಳ ಹುಯ್ಯಿರಾಸ್ಕರಿ ಮಾನಿಲಿಧಾ 14 ವಾತೆಬೋಲಾವಳಾ ಇವ್ಣೆ ಖ್ಹಾಚಿ ದೇಖ್‍ನಾ ಢೂಂಡುಕರಿಂಯೇಸ್‍ಕರಿ ಮತ್ಲಾಬ್ನಾ ವತಾಳಿಸ್ 15 ಆಯಾತೆ ದೇಖ್ಹಹನಾಪರ್ ಮನ್ ರಾಖ್ಯಾಹುಯಾಹುಯ್ಯಿರಾಸ್ ಫರೀನ್ ಇಸ್ಝ್‍ಗಾ ಸಝವಾನಕಾಜೆ ಇವ್ಣಾ ಕೆದೇಬಿ ವಖ್ಹ್‍ತ್‍ಥಿ 16 ಪರಮಾನೊ ದೇಖ್ಹ್‍ನಾ ಪಶೆನ್ನೋ ದೇಖ್ಹ್ ಕರಿ ಬೋಲಾವಳ ಹುಯಿರಾಸ್.; ಇನಾವಾಖ್ಹ್‍ತೆ ದೇವ್ ಇವ್ಣೋ ದೇನ್‍ಕರಿ ಬೋಲಾಯ್ಯಿಲೆವಾನ ಶಂರ್ಆವ್ನೂನಾತೆ ಇವ್ಣಾಕಾಜೆ ಖ್ಹಯೇರ್ನಾ ತಾಯರ್ ಕರಿರಾಖ್ಯೋಸ್ 17 ಅಬ್ರಹಾಮ್ ಪರ್‍ಖಾನಿವಖ್ಹತ್ಮಾ ಖ್ಹೋಥಿಸ್ ಇಸಾಖನ ಬಲಿದಾನ್ ಸ್ಝಡಾಯೊ. ಇಸಾಕಶತ್ಕಿ ಇನೊ ಎಕೇಲೊ ಛಿಯ್ಯೋ ರಹ್ಯೋತೋಬಿ ಅಸ್ಝು ಇಸಾಕಥೀಸ್ 18 ಹುವಾಳ ತಾರಿ ಖಾನ್ದಾನ್‍ಕ ಬೋಲಾವ್ಷೇಕರಿ ದೇವ್ ಇನಾ ಬೋಲ್ಯೋತೊಬಿ ಯೊ ಹುಕುಂನಾ ಲಿಧೋತೆ ಇನೆ ಯೊ ಎಕ್ಕಸ್ ಛಿಯ್ಯಾನ ಬಲಿದಾನ್ ಕರ್ವಾನ ಥೋ 19 ಛಿಯ್ಯೊ ಮರಿಗಯೊ ತೋಬಿ ದೇವ್ ಇನಾ ಜಿವ್ತೋ ಕರಾನ ತಾಖತ್‍ವಾಳೊ ಹುಯ್ಯಿರೋಸ್ಕರಿ ಮಾಲುಂ ಕರ್ಲಿಥೋ. ಅಸ್ಝು ಮರ್ಯಾಹುಯಾಮಸ್ ಜಿವೋಹುಯಿನ್ ಆವಾನಿತರಸ್ ಇನಾ ಲೀಲಿಧೋ 20 ಖ್ಹೋಥಿಸ್ ಇಸಾಕನೆ ಯಾಕೋಬನಬಿ ಏಸಾವನ ಆರ್ಶೀವಾದ್ ಕರ್ಯೊತೇದೆ ಆಗಾಡಿ ಸ್ಛಾಲ್ಷೇತೆ ಖಬರ್ನಾ ಬೊಲ್ಯೊ 21 ಕೋಬ ಯೊ ಮಾರ್ವಾನಿವಖ್ಹತ್ ಭರಾಖ್ಹೋಥೀಸ್ ಯೋಸೇಫ್ನ ಬೇಸ್ಝಣಾ ಛಿಯ್ಯಾವ್ನಾ ಆಶೀರ್ವದ್ ಕರ್ಯೋ; ಇನಾ ಲಠ್ಠಾನ ಉಪ್ಪರ್ ಸ್ಝುಕೀನ್ ದೇವ್ನಾ ಖ್ಹಲಾಂಕರ್ಯೊ 22 ಮರಿಸ್ಝವಾನಿ ವಖಹ್‍ತ್ ಇಸ್ರಾಯೇಲ್‍ಖ್ಹರಾ ಐಗುಪ್ತದೇಖ್ಹ್‍ಮಡಾ ನಿಖ್ಳಾನುಭಣ್ತೂ ಭರಾಖ್ಹೊಥೀಸ್ ವಾತೆ ಬೋಲಿನ್ ಇನ ಮುರ್ದಾಪಾಡಿಲೀನ್ ಲೀಸ್ಝಾವಾನಿ ಖಬರ್ಮಾ ಹುಕುಂದಿಧೊ. 23 ಪೈಧಾಹಯೊತೆದೆ ಇನಾ ಆಯಾಭಾಖ್ಹರಾ ಬಾಳಕ್ ಸುಂದರ್‍ಸ್ಛಾಕರಿ ದೇಖಿನ್ ರಾಸ್ಝನಿ ಹುಕುಂನಾ ನಾ ಡರ್ನೂತೆ ಭರಾಖ್ಹೋಥೀಸ್ ಇನಾ ತೀನ್ ಮಹೈನಾ ಲಪಾಡಿರಾಖ್ಯಾ. 24 24. ಷಾಣೊ ಹುಯ್ಯಿನ್ ಷರೋಹನ ಸ್ಛೊರೀನೊ ಛಿಯ್ಯೊ ಕರಿ ಬೋಲಾವನು ನಕೊಕರಿ ಬೋಲ್ಯೋತೆ ಭರಾಖ್ಹೊಥೀಸ್ 25 ಡದನ್ ಪಾಪನಿ ಆಖ್ಹ್‍ಮಾ ಖ್ಹಚಿನಾರವಾನುಥೀಬಿ ದೇವ್ನಾ ಅದ್ಮಿವ್ನಾ ಸಝೊಡೆ ಲತಾಡಖವಾನು ಅಶೇಲ್‍ಕರಿ ತೀರ್ಮಾನಕರಿಲಿಧೋ 26 ದೇಖ್ಹ್‍ನಿ ಧನ್‍ದೌಲತ್‍ಥೀಬಿ ಕ್ರಿಸ್ತುನ ಭಣ್ತೂ ಹುವಾತೆ ಲತಾಡಸ್ ಅಚ್ಛಿನಶೀಬ್‍ಕರಿ ಗಣ್ತೀಕರ್ಲಿಧೊ. ಷೇಕತೊ ಆವ್ಷೇಫಲ್‍ನಾಪರ್ ಡೋಳ ರಾಖಿಮ್ಹೆಲ್ಯೋಥೊ 27 ರಾಸ್ಝ್‍ನಾ ಸ್ಛಂಢಾಳ್‍ನಾ ನಾಡರ್ನೂತೆ ಐಗುಪ್ತ ದೇಖ್ಹ್‍ನಾ ಮ್ಹೆಲಿಗಯೋತೆ ಭರಾಖ್ಹೋಥೀಸ್ ಯೊ ದೆಖಾವಕೋಯ್ನೀತೆ ಇನಾ ದೇಖೂಕರಾಸ್ ಕರಿ ಘಟ್ ಹುಯಿರೋಥೊ 28 ಲಡ್ಕಾವ್ನಾ ಮಾರ್ನಾಖವಾಳು ಇಸ್ರಾಯೇಲ್‍ನಾಖ್ಹರೂ ನಾ ಛೀಮ್ನೂತೆ ಯೊ ಪಸ್ಕರಿ ಖಾಣಾನ ಲೊಹ್ಹೀಸ್ಛಡಾವನು ರೂಢಿನಾ ಭಣಾಯೋತೆ ಭರಾಖ್ಹೊ 29 ಭರಾಖ್ಹೊಥೀಸ್ ಇಸ್ರಾಯೇಲ್‍ಖ್ಹರಾ ಲಾಲ್ ದರ್ಯಾವ್ನಾ ಖ್ಹುಕ್ಕೀಸ್ಝಮೀನ್ನಾ ಡಾಟಾನಿತರ ಡಾಟಿಗಯಾ; ಊಗುಪ್ತ ದೇಖ್ಹ್‍ವಾಳ ಇನಾ ಡಾಟಾನ ಕೋಶಿಷ್ ಕರೀನ್ ಡುಬೀಗಯಾ 30 ಖ್ಹೋಥಿಸ್ ಇವ್ಣೆ ಖ್ಹಾತ್ ದನ್‍ಲಗೂ ಎರಿಕೋಖ್ಹಯೇರ್ನಿ ಭೀತ್ನಾ ಫರ್ವಾಧಿನ್ ಇನಾಪರ್ ಯೊ ಭೀತ್ ರಡ್ಡೀಗಯಿ 31 ರಹಾಬಳ್‍ಕರಿ ಛಿನಾಲ್ ಮುಲಕ್ನಾ ಖಬರ್ ಲೆವಾಳನ ಸಮಾಧಾನ್‍ಥಿ ಮಳಾಯಿಲೀನ್ ಮಾನಕೊಯ್ನೀತೆ ಇವ್ಣಿಸ್ಝೋಡೆ ನಾಶಕೊಹುಯ್ಯಿನಿ 32 ಷಾತ್ ಬೋಲುಊ? ಗಿಡಿಯೋನ್, ಬಾರಕ್ ಸಂಶೋನ್ ಎಪ್‍ಥ ದಾವೀದ್ ಸಮುವೇಲ್ ಇವ್ಣಾಖ್ಹರಾವ್ನೀ ಖಬರ್ನಾಕ್ಹರೂ ಪ್ರಾದೀವ್ನೀ ಖಬರ್ನಾಬಿ ಪಶೇನ್ನಿತರ ಬೋಲ್ನೂಕತೊ ಮನಾ ವಖ್ಹ್‍ತ್ ಬಷ್‍ಕೊಯ್ನೀ 33 ಭರಾಖ್ಹೊಭಣ್ತಾ ಇವ್ಣೆ ಮುಲೂಕ್ನಾ ಕಬ್ಜಾಕರ್ಲಿಧ; ನಿಯ್ಯಾತ್ನಾ ಸ್ಛಲಾಯಾ; ವಾಗದಾನ್‍ನಾ ಲೀಲಿಧಾ; 34 ಮ್ಹೊಡಾನ ಭಾಂದ್ಯಾ; ಆಗ್ನೀ ತಾಖತ್ನಾ ಸುಸ್ಝಾಯಾ; ತರ್‍ವಾರ್ನಾಮ್ಹೊಡಾಮಥೂ ಸ್ಛೂಕಾಯಿಲಿಧಾ, ಬಿಣ್‍ತಾಖತ್ವಾಳ ಹುಯಿರೀನ್ ತಾಖತ್ವಾಳ ಹುಯಾ; ಜಂಗ್ಮಾ ಜೀತಾನ ಹಿಮ್ಮಾತ್ವಾಳಹುಯಿಗಾ; ದುಸ್ರಾವ್ನೀ ಪೋ ಪೋಸ್ಝನಾ ಹಟಾವಿದಿಧಾ 35 ತ್ರಿಯಾಖ್ಹ್‍ರಿ ಮರಿಗಯೂತೆ ಇವ್ಣಾವಾಳಾವ್ನಾ ಜಿವ್ತೂಹುವಾನುಥಿ ಫರಿನ್‍ಲಿಧಿಂಯೆ ಅಸ್ಝೂಥೋಡಸ್ಝಣ ಇವ್ಣಿ ಲತಾಡಾವ್ನಿ ಷಾಣಾವ್ನಾ ಭಂದಾಯ್ಯಿಗಯಾತೆದೆ ಶ್ರೇಷ್ಟ ಜಿವ್ತೂಹುವಾನಕಾಜೆ ಸ್ಛುಟ್ಕಾರೊ ನಕೊಕರೊ ಬೋಲಿನ್ ತೋಡಾಯಿಲೀನ್ ಮರಿಗಯಾ 36 ಅಲ್ಲಕ್ ಥೋಡಸ್ಝಣಾ ಮಷ್ಕೇರಿ ಕೊಲ್ಡಾನಾಮಾರ್ ಖ್ಹಂಕಳ್ ಬಂಧಿಖಾನು ಅನಾಖ್ಹರೂ ಖಾದಾ 37 ಥೋಡಾಸ್ಝಣಾವ್ನಾ ಅದ್ಮೀಖ್ಹರಾ ಬಂಡಾಫೇಕಿನ್ ಕೂನಿಕರೀನ್ ಮಾರಿನಾಖ್ಯಾ; ಥೋಡಸ್ಝಣಾವ್ನಾ ರಂಪ್ಪಾಂಥಿ ವ್ಹಾಡಿನ್ ಖ್ಹೂನಿಕರಿನ್ ಮಾರ್ಯಾ; ದೇವ್ನಾವೈರಿ ಕರಾವಳಹುಯ್ಯಿನ್ ಜಾನ್‍ನಾ ಬಸ್ಛಾಡಿಲೆವೊಕರಿ ಥಡವ್ನಾ ಬಿಜ್ಜೇತೆಪಡೀನ್ ಬೋಲ್ಯಾ; ಥೋಡಾವ್ನಾ ತರ್‍ವಾರ್‍ಥಿ ಕತ್ರೀನ್ ಮಾರ್ಯಾ. ಥೋಡಸ್ಝಣಾ ಕಂಸ್ಝೋರಿ ಖ್ಹಾತಾಪ್ಣೀ ಲತಾಡ ಅನಾಖ್ಹರೂ ಖವಾಳಹುಯಿನ್ ಮೆಂಢಾ ಬೋಕ್ಡಾನು ಸ್ಛಾಮ್ಟಾವ್ನಾ ಪೇರಿಲೀನ್ ಫರ್ಯಾ 38 ಅಲ್‍ಖಣ್ಣಾವ್ನಾ ಆ ಜಗತ್ ಅಚ್ಚಿಸ್ಝಗೊಕಾಹೆ; ಇವ್ಣೆ ಇವ್ಣಾ ದೇಖ್‍ನೂ ಪಹಾಡ್ ಗವಿ ಹೇಕ್ಳಾವ್ಮಾ ಫರಾವಳ ಹುಯ್ಯಿರಃಯಾಥ 39 ಅವ್ಣೆಖ್ಹರೂ ಭರಾಖ್ಹೊಭಣ್ತೂ ಅಸ್ಛೂನಾಂನಾ ಕಮಾಯಿಲಿಧಾಥಾ ವಾಗ್ದಾನ್ನೀ ಫಲ್‍ನಾ ಕೊ ಲಿಧಾನಿ 40 ದೇವ್ ಅಪ್ಣಾಕಾಜೆ ಶ್ರೇಷ್ಟ ಅಸ್ಛಾನಾ ತಯಾರ್‍ಕರೀನ್ ಅಪ್ಣೆಕೊಯ್ಯಿನಿತೆ ಇವ್ಣೆಖ್ಹರಾ ಪೂರ ನಾಹೋಣು ಕ್ಹೂಸ್ಝ್ ದಿಧೋ.