¹ ರಹೈತೆ ದೇವ್ನೀ ಆರಾಮ್ಮಾ ಮಳ್ಷೇಕರಿ ವಾಗ್ದಾನ್ ಅಖ್ಹೂಬಿ ರಃವಾಪರ್‍ತುಮಾರಮ ಕೋಣ್ತೋಬಿ ಯೊ ವಾಗ್ದಾನ್‍ನಿ ಫಲ್‍ನಾ ನಾಲೇನುತೆ ಸ್ಛೂಕಾವಾಳೋಹುಯ್ಯಿರೋಸ್ನಾಕರಿ ಅಪ್ಣೆ ಡರಿಂಯೆ ² ಅಚ್ಛಿ ಖಬರ್ ಬೋಲಾಯೂತೆ ಇಮ್ಮಾಸ್ ಅಪ್ಣಾಬಿಒ ಬೋಲಾಯಿರೂಃಸ್; ಕತೊ ಯೊ ಹಾಗಾಮ್ಮಾ ಖಜ್ಯಾಹುಯಾ ನಾ ಮಾನ್ತಾಲಿ ಯೊ ವಾಖ್ಯಥಿ ಇವ್ಣಾ ಫಾಯ್ದೊಕೊಹುಯೂನಿ. ³ ಕಾಂಖ್ಹರೂ ಜಗಾತ್ನೂ ಶುರೂವಾತ್‍ಥಿ ಖತಂ ಹುಯಿನ್ ಇನಿ ಆರಾಮ್ ತಯಾರ್‍ಹುಯಿರೂತೋಬಿ ಯೊ ಮಾರಿ ಅರಾಮ್ಮಾ ಅವ್ಣೆ ಕೊ ಮಳ್ಷೇನಿಕರಿ ಸ್ಛಂಢಾಳ್‍ಖೈನ್ ಖ್ಹೊಗತ್ ಖಾದೊಯೆ ಇಮ್‍ಕರಿ ಬೋಲ್ಯೊಖಲಿ. ಮಾನ್ಯಾತೆ ಅಪ್ಣೆತೋಬಿ ಯೊ ಅರಾಮ್ಮಾ ಮಳೂಕರಿಂಯೆಸ್. ⁴ ಖ್ಹಾತ್ಮಾನ್ಮಾ ಭಣ್ತೊ- ದೇವ್ ಇನಿ ಇಬ್ಜಾವನು ಕಾಮ್ನಾಖತಂಕರೀನ್ ಖ್ಹಾತ್ಮಾನ ದನ್ಮಾ ಅರಾಮ್ ಕರ್ಯೊಕರಿ ಲಿಖ್ಖಾಯಿರೂಃಸ್ ⁵ ಆ ಸ್ಝಗೋಮ – ಅವ್ಣೆಖ್ಹರಾ ಮಾರಾ ಅರಾಮ್ಮಾ ಕೋಸ್ ಮಳ್ಷೇನಿಕರಿ ಬೋಲಿ ರಾಖ್ಯೋಸ್ ⁶ ಮ್‍ರಹೈತೆ ಯೊ ಅರಾಮ್ಮಾ ಥೋಡಸ್ಝಣಾ ಮಳ್ಷೇಕರಿ ವಾತೆ ಅಸ್ಝೂಬಿಸಛಾ ಇನಾವಾಖ್ಹ್‍ತೆ ಪೈಹ್ಲೇ ಅಚ್ಛಿ ಖಬರ್ನಾ ಖ್ಹಂಜ್ಯಾಹುಯಾ ವಾತೆ ನಾ ಖ್ಹಮಸ್ಝ್‍ತಾಲಿನ್ ⁷ ನಾಮ ನಾ ಮಳ್ತಾಲೀನ್‍ಬಿ ಷಾಣಾವರಖ್ಹ್ ಸ್ಝವಾದಿನ್ ಇನೆ ದಾವಿದ್ನಾ ಮ್ಹೊಡೆವಾತೆ ಬೋಲಿನ್ ಅಸ್ಝಾಸ್ ಕರಿ ಏಕ್‍ದನ್‍ನಾ ಖ್ಹಣದ್ ಕರೂಸ್; ಕಿಮ್ ಕತೊ ತುಮೆ ಆಸ್ಝಾಸ್ ದೇವ್ನೋ ಅವಾಸ್ಝ್‍ನಾ ಕಾನ್ ದಿಧಾತೊ ತುಮಾದಿಲ್‍ನಾ ಕಠೀಣ್‍ನಕೊಕರ್ಲೇವೊ ಕರಿ ಉಪ್ಪಾರ್ಲಿವಚನ್‍ಮಾ ಬೋಲಸ್ ಎತ್ರೇಸ್ ⁸ ಯೇಹೋಶುವ ಇವ್ಣಾ ಯೊ ಅರಾಮ್ಮಾ ಮಳಾಯಿರಾಕ್ಯೊಸ್ ಇನಾಕಡ್ತೂ ಬುಜಿಕ್‍ದನ್‍ನಾ ಭಣ್ತೂ ಬೋಲಾಯೂಕೊಹೊತ್ನಿ ⁹ ಇನಾವಾಖ್ಹ್‍ತೆ ದೇವ್ನಾ ಅದ್ಮೀಖ್ಹರಾ ಲೇನು ಕರಿಸ್ಛಾತೆ ಸಬ್ಬತ್‍ಕರಿ ಅರಾಮ್ ಅಜ್ಹೂ ಸ್ಛಾ ¹⁰ ಕಿಮ್‍ಕತೊ ದೇವ್ ಇನಾ ಕಾಂನಾ ಖತಂಕರೀನ್ ಕಿನ್ ಅರಾಮ್‍ಕರ್ಯೋಕಿ ಇಮ್ಮಾಸ್, ಇನಿ ಅರಾಮ್ಮಾ ಮಳಿರಹ್ಯೋತೆಬಿ ಇನಾ ಕಾಮ್ನಾ ಖತಂಕರೀನ್ ಅರಾಮ್ ಕರಿಲೀಧೋ ¹¹ ಇನಾವಾಖ್ಹ್ತೆ ಅಪ್ಣೆ ಯೊ ಅರಾಮ್ಮಾಮ ಮಳ್ವಾನಕಾಜೆ ಮಿನ್ಹತ್‍ಪಡಿಂಯೆ; ಅಪ್ಣಾಮಾ ಏಕ್ಜಾಣಾತೋಬಿ ಇವ್ಣಿ ಗಹೇರ್ನಾ ಪಾಡಿಲೀನ್ ಸಛಾಲಾವಳನಾರಣೂ ¹² ಷೆಕತೊ ದೇವ್ನೀ ವಾಕ್ಯ ಜಿವ್ತೀಹುಯಿರಿಃಸ್, ಕಾಮ್ ಜೀತಿಹುಯೂ ಕೆವ್ಹಿಬಿ ಬೆಮ್ಹೊಡನಿ ಹತ್ಯಾರ್‍ಥಿಬಿ ಸ್ಛಾಲ್ತೂ ಹುಯಿರೂಸ್, ಜಾನ್ ಆತ್ಮನಖ್ಹರೂ ಕಿಲ್‍ಹಡ್ಯಾಕ್ಯಾವ್ನಾ ಬೇಭಾಗ್ ಕರಾಯೇತ್ರೇಬಿ ಮಹೈಪೇಶಿ ಸ್ಝವಾಯತ್ರೇದಿಲ್‍ನಿ ಖ್ಹೂಸ್ಝ್‍ನಾಖ್ಹರೂ ಖ್ಹಯಾಲ್ನಾಬಿ ಮಾಲುಂ ಕರ್ಲೆವಾನ ಹಿಯಿರೂಸ್ ¹³ ಅಪ್ಣೆ ಕಿನಾ ಇಷಾಬ್‍ದೇನುಕರಿ ಛಿಂಯೇಕಿ ಇನಿ ನಸ್ಝರ್ಮಾ ಅಕ್ಖೂಸ್ ªಂಖ್ಹ್‍ರೆ ಕೊಯ್ನೀತೇಬಿ ಭಡ್ಕಾವಿರವಾನಿತರ ಸ್ಛಾ ಇನಿ ಸನ್ನಿಧಿಮಾ ನಸ್ಝ್‍ರಾವಕೊಯ್ನೀತೆ ಬಿಣಾವಟ್ ಏಕ್‍ಬಿ ಕೊಯ್ನೀ ಮೋಟೊ ಯಾಜಕನಿ ಗುಣಂ ಯೇಸುಮಾ ಸಛಾಕರಿ ¹⁴ ಆಬ್ನೀ ಮಂಡಲ್ನಾ ಡಾಟಿಗಯೋತೆ ದೇವ್ನೋಛಿಯ್ಯೋಹುಯಿರೋತೆ ಯೇಸುಕರಿ ಶ್ರೇಷ್ಟ್ ಮೋಟೊಯಾಜಕ್ ಅಪ್ಣಾಸ್ಛಾ ಇನಾವಾಖ್ಹ್‍ತೆ ಅಪ್ಣೆ ಕರಿರಾಖ್ಯಾತೆ ಖ್ಹೊಂಗಾತ್ನಾ ನಾ ಮ್ಹೆಲ್ನೂತೆ ರಂಹೇ. ¹⁵ ಷೇಕತೊ ಅಪ್ಣಾಸ್ಛಾತೆ ಮೊಟೊಹಾಜಕ್ ಅಪ್ಣಾ ಸಛಾತೆ ಕಮ್ ಸ್ಝೋರಿನಾಭಣ್ತೊ ಗೋರ್ ಕೊಯ್ನೀತೆ ಇಮ್ ರಃವಾಳೊ ಕಾಹೇ; ಯೊ ಹರ್‍ಯೇಕ್ ವಿಚಾರ್ಮಾಬಿ ಅಪ್ಣೀನಿತರ ಲತಾಡನ ಖ್ಹಣಾದ್‍ಹುಯೊ ಪಣ್ಕಿ ಪಾಪ್ ಕರ್ಯೋಕೊಯ್ನೀ. ¹⁶ ಇನಾ ವಾಖ್ಹ್‍ತೆ ಅಪ್ಣೆ ಖ್ಹರ್ನೊನಾ ಲೆವಾನವಾಖ್ಹ್‍ತೆಬಿ ಇನಿ ದಯಾಥಿ ಹೋಣೂತೆ ಬರಾಭರ್ನಿ ಮದತ್ ಅಪ್ಣಾ ಮಳಾನಾವಾಖ್ಹ್‍ತೆಬಿ ಹಿಮ್ಮಾತ್‍ಥಿ ಖ್ಹರ್ನಾನಿ ಪೀಠನ ಖ್ಹಾಮ್ಣೆ ಆಂಯ್ಯೋ