1 ಹರ್‍ಯೇಕ್ ಮೊಟಾಯಾಜಕ್‍ಖ್ಹರಾ ಮನ್‍ಖ್ಯಾಮಾಥಾ ಸ್ಝೂಣಾಯಿ ಹುಯಾ ಹುಯಿರೀನ್ ಮನ್‍ಖ್ಯಾನವಾಖ್ಹತೆ ದೇವ್ನಾ ಕಾಮ್ನಾಕ್ಹರೂ ಕರ್ವಾನವಾಖ್ಹ್‍ತೆ ಖ್ಹಣಾದ್‍ಹುಯಿರಾಸ್ನೀ. ಯೊ ಇವ್ಣಾಕಾಜೆ ಕಾಣೀಕೆನಾಬಿ ಪಾಪ್ ಕಾಡನವಾಖ್ಹ್‍ತೆ ಯಜ್ಞನಾ ಸಮರ್ಪಣ್‍ಕರ್ನೂ 2 ಯೊ ಕಂಸ್ಝೋರಿ ಹುಯಿರೋಸ್ ಇನಾವಾಖ್ಹ್‍ತೆ ಯೊ ದಿಮಾಕ್ ಕೊರಹೈನ್ತೇ ಇವ್ಣಾಕಾಜೆ ಮಾರ್ಗ ಸ್ಝುಕಿ ಸ್ಛಾಲಾವಳನವ್ನಾ ದೀಮೇಥಿ ಖ್ಹಮಾಳಿಲೆವಾಖ್ಹ್‍ತೆ ತಾಖತ್‍ವಾಳೊ ಹುಯಿರೋಃಸ್ 3 ಎಲ್‍ಭಣ್ಣೀ ಕಂಸ್ಝೋರಿನವಾಖ್ಹ್‍ತೆ ಯೊ ಅದ್ಮೀನಕಾಜೆ ಕಿಮ್‍ಇಮ್ ಇನಾಕಾಜೆಬಿ ಪಾಪ್ ಕಾಡಿನಾಖನೆವಾಖ್ಹ್‍ತೆ ಯಜ್ಞನ ಕರಾವಳೊ ಹುಯಿರೋಸ್ 4 ಯೊ ಕಾಹೇತೆ ಕೋಣ್‍ಬಿ ಇನೂಯೋಸ್ ಯೊ ಇಸ್ಝಾತ್ನಾ ಲೇನೂನಾತೆ ದೇವ್ಥಿ ಖ್ಹಣದ್‍ಹುಯಿನ್ ಲೀಲೇಸ್; ಆರೋನಬಿ ದೇವ್‍ಥೀಸ್ ಖ್ಹಣಾದ್ ಹುಯಿನ್ ಯೊ ಇಸಆತ್ನಾ ಲೀಲಿಧೋನಿ 5 ಇಮ್ಮಾಸ್ ಕ್ರಿಸ್ತುಬಿ ಇನೂಯೋಸ್ ಮಹಿಕರ್ಲಿನ್ ಮೋಟೊಯಾಜಕ್‍ಕರಿ ಕೊ ಕರ್ಲಿಧೋನಿ; ಕತೊ ತೂ ಮನಾ ಛಿಯ್ಯೋ 6 ಮೇಸ್ ಆಸ್ಝ್ ತುನಾ ಫೈಧಾಕರಿರಾಖ್ಯೋಸ್ ಕರಿ ಬೋಲ್ಯೊ ಹುಯೋಸ್ ಆ ಇಸ್ಝಾತ್ನಾ ಇನಾ ದಿಧೊ. ಇನೆ ಬುಜೇಕ್ ಸ್ಝಗೊ – ತೂ ಹಮೇಶ ಮೆಲ್ಕಿ ಜೇದೇಕನಿ ಘೋಣಿ ಯಾಜಕ ಹುಯಿರೋಸ್‍ಕರಿ ಬೋಲಾಸ್ 7 ಕ್ರಿಸ್ತು ಯೊ ಬೂಲೋಕನು ಸ್ಛಾತೆ ಇನಾ ಸಝೋರೇಖ್ಹೂ ಚಿಕಾರ್ತ ಹುಯಿನ್ ಡೋಳಮಾನು ಆಂಸ್ಝೂ ಸ್ಛೂವಾಡ್ತಾ ಹುಯಿನ್ ಪ್ರಾರ್ಥನೆಬಿ ಅರಸ್ಝ್‍ನಾ ಕರ್ತಾಹುಯಿನ್ ದೇವ್ನಾ ಉಪ್ಪರ್ಲಿಡರ್‍ಬಿ ಭಕ್ತಿಭಣ್ತೂ ಪೂಸ್ಛಾವಿರಃಯೋಸ್ 8 ಅಮ್ ಯೊ ಛಿಯ್ಯೋಹುಯಿರಃಯೋತೋಬಿ ಖ್ಹಾದೋತೆ ಲತಾಡೇಥಿಸ್ ಮಾನಿನ್‍ರಃವಾನು ಷಿಕಲಿದೊ. 9 ಯೊ ಕಾಹೇತೆ ಯೊ ತಯಾರ್ಮಾ ಆವಿನ್ ದೇವ್ಥಿ ಮೆಲ್ಕಿಜೆದೇಕನಿ ಘೋಣಿ 10 ಮೋಟೊ ಯಾಜಕಕರಿ ಬೋಲಾಯ್ಯಿಲೀನ್ ಇನಿ ವಾತೆಖ್ಹಂಸ್ಝಾವಾಳನ ಅಖ್ಕಾನ ಹಮೇಶನಿ ರಕ್ಷಣೆನಾ ಕಾರಣ್‍ಹುಯಿರೋಃಸ್ ಬಢಾಕೊಯ್ನೀತೆ ಕ್ರೈಸ್ತರ್ನಾ ಹೊಷಾರ್ನಿವಾತೆ 11 ಆ ವಿಚಾರ್ಮಾ ಹಮೆ ಬೋಲಾನಿ ವಾತೆ ಘಣಿ ಸ್ಛಾ, ಕತೊ ರುಮಾರೊಕಾನ್ ಭಯ್ಯಿರಾಹುಯಿಗೂತೆದೇಖಿನ್ ಇನಾ ಬೋಲಿವೊತಾಳನು ಮ್ಹಿನತ್‍ಹುಯಿರೂಸ್. 12 ವೋಖ್ಹತ್ ದೇಖ್ಯಾತೊ ತುಮೆ ಆಸ್ಝ್‍ಗಾಲಗೂ ಬೋಧಕ ಹುಯಿರವಾನು ರಹೈತೋಬಿ ಏಕ್ಜಾಣೂ ತಮ್ನಾ ದೇವ್ನೀ ಬೋಲಿನು ಪೈಲ್ಹೆ ಶಿಕಾಡ್ಯೊತೆ ಖಬರ್ನಾ ಫರೀನ್ ಶಿಕಾಡ್ನೂಕರಿಹುಯ್ಯಿರೂಃಸ್; ತುಮೆ ದೂದ್ ಪಿವಳಾಸ್ ಪಣ್ಕಿ ಘಟ್ ಖಾಣು ಖವಾಳಕಾಹೇ. 13 ದೂದ್ ಹೋಣೂಕರಿ ಬೋಲಾವಳು ಬಾಳಕ್ನೀತರ ರಹೈನ್ ನಿಯ್ಯಾತ್ನಿ ವಾಕ್ಯಮಾ ಷಾತ್‍ಸ್ ಮಾಲುಂಕೊಯ್ನೀತೆ ಎಲ್‍ಖ್ಣೂ ಹುಯಿರೂಃಸ್ 14 ಘಟ್ ಖಾಣೂ ಉಮಾರ್‍ವಾಳವ್ನಾಕಾಜೆ ಕತೊ ದಿಮಾಕ್ನೂ ಡೋಳವ್ನಾ ಸಆಧನೆಥಿ ಶಿಕ್ಷದೀಲಿನ್ ಆ ಅಸ್ಛೂ ಯೊ ಬರಬ್ ಕರಿ ಇನಾ ಮಾಲುಂಕರ್ಲೇವಾನಕಾಜೆ ಹುಯಿರೂಃಸ್