1 ಇನಾವಾಖ್ಹ್‍ತೆ ದೇವ್ನಾ ಅದ್ಮೀ ಹುಯಿರಾತೆ ಭಂಯಿ ಪರಮಾನೊ ವಾಟಾನಕಾಜೆ ಮಾರಿಸ್ಝೋಡ್ಮಾ ಪುಕಾರಯ್ಯಿಹುಯಾ, ಹಮೆ ಖ್ಹೋಗತ್‍ಜೈನ್ ಮಾನಿಲಿಧಾತೆ ದೇವ್ನೋ ಅಭಿಷೇಕ್ತ ಮೋಟೊ ಯಾಜಕ್ ಹುಯ್ಯಿರೋತೆ ಯೇಸುನ ಇನಾಪರ್ ಖ್ಹಯಾಲ್‍ರಾಖಿನ್ ಖ್ಹೂಸ್ಝ್‍ಕರೊ 2 ದೇವ್ನಾ ಘರ್ನಾ ಮಹೈ ಭರಾಕ್ಹೊವಾಳೊ ಹುಯ್ಯಿರ್ಹೋಥೊ ಇಮ್ಮಾಸ್ ಯೇಸುಬಿ ಇನಾ ಖ್ಹಣಾದ್‍ಕರ್ಯಾಹುಯಾನ 3 ಭರಾಖ್ಹೊವಾಳೊಹುಯಿರ್ಹೋಸ್ ಘರ್‍ಥಿಬಿ ಘರ್‍ಭಾಂದಾವಾಳನ ಸ್ಝಾಖ್ಹತ್ ಇಸ್ಝಾತ್ ರ್ಹಾಸ್ ಇನಾವಾಖ್ಹ್‍ತೆ ಮೋಶೆಥಿಬಿ ಯೇಸು ಸ್ಝಾಖ್ಹತ್ ಇಸ್ಝಾತ್ನಾ ಅಸ್ಛೊಕರಿ ಗಣ್ತೆಹುಯಿರ್ಹೋಸ್ ಖ್ಹಾರಾ ಘರ್ನಾ ಕೋಣ್ಕಿ 4 ಏಕ್ಜಾಣು ಭಾಂದಿರಾಖಾಸ್; ಹರ್‍ಯೇಕ್ನಾ ಭಾಂದ್ಯೋಹುಯೊ ದೇವಸ್ 5 ಮೋಶೆ ಸೇವಕಹುಯಿನ್ ದೇವ್ನಾ ಘರ್ಮಾಖ್ಹರೂ ಭರಾಕ್ಹೊವಾಳೊ ಹುಯಿರೋಸ್‍ಯೊ ಆಗಳ್ ಮಾಲುಂಹೋಣೂತೆ ಖಬರ್ನಾ ಸಾಕ್ಷಿಹುಯಿರ್ಹೋಸ್ ಕ್ರಿಸ್ತುತೋಬಿ ಛಿಯ್ಯಾಹುಯಿನ್ ದೇವ್ನಾ ಘರ್ನಾ¥ರ್ ಹಕ್‍ದಾರ್ ಹುಯಿರೋಸ್; ಅಪ್ಣೆ ಅಪ್ಣೀ ಹಿಮಆತ್ನಾ ಅಪ್ಣಿ ಭರಾಖ್ಹೋಥಿ 6 ಹುವಾತೆ ಖ್ಹಚಿನಾ ಆಖ್ರೀಲಗೂ ಘಟ್ ಧರಿರಾಖವಳ ಹುಯಿರಯೊತೊ ಅಪಣೇಸ್ ದೇವ್ನಾ ಘರ್‍ವಾಳ ದೇವ್ ಹುಕುಮ ಕರಿರಾಕ್ಯೋತೆ ಆರಾಮ್ನಾ ಅಪ್ಣೆ ಲೇನುಕತೊ ಅಪ್ಣೆ ಮಾನಾನೂತೆ ನಾರಹ್ನೂತೆ ಭರಾಖ್ಹೊಥೀ ರಃವಾನು ಅಶೆಲ್ 7 ಇನಾವಾಖ್ಹ್‍ತೆ ಪವಿತ್ರಾತ್ಮ ಬೋಲಾತೆ ಲಪಟ್ಮಾ ತುಮೆ ಆಸ್ಝ್ ದೇವ್ನಾ ಅವಾಸ್ಝ್‍ನಾ ಕಾನ್ ದಿಧಾತೊ ತುಮಾರ ಷಾಣಾ ದೇವ್ನಾ ಸ್ಛಂಢಾಳ್ ಸ್ಛಡಾಯತೆ ಸ್ಝಗೋಮಾ 8 ಝಾಡೀಮಾ ದೇವ್ನಾ ಪರಿಚೊ ಕರ್ಯಾತೆ ದನ್ಮಾ ಕರ್ಯಾಇಮ್ ತುಮಾರೊ ದಿಲ್ನಾಖ್ಹರೂ ಕಠೀನ್‍ನಕೊ ಕರ್ಲೆವೊ 9 ಇವ್ಣೆಖ್ರಾ ಸ್ಝಾಡಿಮಾ ಮನಾ ಪರಿಚೊಕರಿನ್ ಪರ್ಖೀನ್ ಸ್ಛಾಳಿಖ್ಹ್‍ವರಖ್ಹ್ ಮೆ ಸ್ಛಲಾವಂಕರ್ತೊಥೋತೆ ಕಾಮ್ನಾಖ್ಹರೂ ದೇಖ್ಯಾ ಇನಾವಾಖ್ಹ್‍ತೆ ಮೆ 10 ಯೊ ಖಾನ್ದಾನ್‍ನಾ ಉಪ್ಪಾರ್ ಘಣೂ ಸ್ಛಂಢಾಳ್‍ಖೈನ್ ಇವ್ಣೆ ಕೆದೇಬಿ ದಿಲ್‍ಮಾ ಸಛೂಕಿ ಸ್ಝವಾಳಕರಿ ಬೋಲ್ಯೊ. ಕತೊ ಇವ್ಣೆ ಮಾರಾ ಮಾರಾಗ್ನಾ 11 ಮಾಲುಂಕೋ ಕರ್ಯಾನಿ ಅಮ್ ರಹೈನ್ ಅವ್ಣೆ ಮಾರಾ ಅರಾಮ್ಮಾ ಕೋಸ್ ಮಳ್ಷೇನಿಕರಿ ಸ್ಛಂಢಾಳ್‍ಖೈನ್ ಖ್ಹೊಂಗಾತ್ ಕರ್ಯೊ 12 ಭಯ್ಯಿ ಬಂದೊ, ದೇಖಿಲೆವೊ, ಜಾನ್‍ನೂ ರೂಪ್‍ಹುಯಿರೋತೆ ದೇವ್ನಾ ಮಹ್ಲೀಜವಾನ ಬಿಣ್ ಭರಾಖ್ಹೊವಾಳ ಹುಯ್ಯಿರಾತೆ ಖರಾಬ್ ದಿಲ್ ತುಮಾರಮ ಕಿನ್‍ಮಾಬಿನಾ ರಃನೂ 13 ತುಮಾರಮ ಏಕ್ಜಾಣೋತೋಬಿ ಪಾಪ್‍ಥಿ ಠಗಾಯ್ಯುಸ್ಝಯ್ಯಿನ್ ಕಠಿಣ್‍ನಾಹೋಣೂಕರಿ ಆಸ್ಝಾಸ್ ಕರಿ ವಖ್ಹತ್ ರವಾಲಗೂ 14 ಹಕ್ಕಾದನ್ ಏಕ್ನಾಯೇಕ್ ಹೊಷಾರ್ ಕರೊ ಆಗಳ್‍ಥಿ ಸ್ಛಾತೆ ಭರಾಖ್ಹೋನಾ ಅಖ್ರೀಲಗೂ ಘಟ್ ಧರಿಲೆವಾನ ಕಾಜೆ ಕ್ರಿಸ್ತುಮಾ ವಾಟಾವಾಳ ಹುಯ್ಯಿ ರಹ್ಯಾಸ್ನೀ; 15 ತುಮೆ ಆಸ್ಝಾಸ್ ದೇವ್ನಾ ಆವಾಸ್ಝ್‍ನಾ ಕಾನ್‍ದಿಧಾತೊ ತುಮಾರ ಷಾಣಾ ದೇವ್ನಾ ಸ್ಛಂಢಾಳ್ ಸ್ಛಡಾಯಕೆ ಸ್ಝಗೋಪರ್ ಕಾರ್ಯಾಇಮ್ ತುಂಆರು ದಿಲ್‍ನಾ ಕಠೀಣ್ ನಕೊ ಕರ್ಲೆವೊ 16 ಇಮ್ ಬೋಲಾಯುತೆ ಖ್ಹಂಜೀನ್ ಸ್ಛಂಢಾಲ್ ಸ್ಛಢಾಯುತೆ ಕೋಣ್? ಮೊಶೆನ ಹಾತ್ ಹೇಟ್ ರಹೈನ್ ಊಗುಪ್ತಮಥೊ ನಿಳೀಆಯಾತೆ ಖ್ಹರಾ ಕಾಹೇನಾ. 17 ಅಸ್ಝು ಸ್ಛಾಳಿಖ್ಹ್ ವರಖ್ಹ್ ಯೊ ಕಿನಾಪರ್ ಘಣೂ ಸ್ಛಂಡಾಳ್ ಖಾದೊ? ಪಾಪ್ ಕರ್ಯಾತೆ ಇವ್ಣಾಪರ್ ಕಾಹೇನಾ. 18 ಇವ್ಣೂ ಮುರ್ಧೂಖ್ಹರೂ ಸ್ಝಾಡೀಮಾ ಪಡಿಗಯೂನಿ ಅರಾಮ್ಮಾ ತುಮೆ ಕೋಸ್ ಮಳ್ಷೂನಿ ಕರಿ ಕಿನಾ ಭಣ್ತೂ ಖ್ಹೊಂಗಾತ್ ಲಿಧೋ? ಮೊರೇಟ್‍ವಾಳನ ಕಾಜೆ ಕಾಹೇನ 19 ಇವ್ಣೆ ನಾ ಮಳ್ನೂತೆಸ್ ಗಯಾತೆ ಬಿಣ್‍ಭರಾಖ್ಹೊ ಥೀಸ್ ಕರಿ ಮಾಲುಂ ಕರಿಲಿಯೆಂಸ್