1 ಏಕ್‍ದನ್ನೆ ಪೇತ್ರ ಯೋಹಾನ ಧೊಪಾರ್ ಹುಯ್ಯಿಸ್ಝವಾದಿನ್ ತೀನ್‍ಬಜೆನ ಸ್ಛಾಲ್ಷೇತೆ ಪ್ರಾರ್ಥನೆವಾಖ್ಹ್‍ತೆ ದೇವಳ್ನಾವೊಳೊಸ್ಝಾಯ್ಯಿತೆ ಪೈದಾಖ್ಹ್‍ಥಿ ಲಂಗ್ಡೂಹುಯಿಇರೂತೆ ಏಕ್‍ಸ್ಝಣೂ ಕೋಣ್ಕಿ ಪಾಡಿಲೀನ್ ಆಯಾ. 2 ದೇವಾಳ್ಳಾ ಮಹೈ ಸ್ಝಾಸ್ತೆ ಅದ್ಮಿವ್ಕನ ಭೀಕ್ ಮಾಂಗಾನವಾಖ್ಹ್‍ತೆ ಇನಾ ದೇವಳ್ನೂ ಷಿನಗಾರ್ ದರ್ವಾಸ್ಝುಕರಿ ದರ್ವಾಸ್ಝಕನ ಹರ್‍ದನ್ ಬೆಖ್ಹಾಡುಕರ್ತಾಥಾ. 3 ಇನೆ ದೇವಳ್ಮಾ ವೊಳಾಸ್ಝಾಯ್ತೆ ಪೇತ್ರ ಯೋಹಾನನ. 4 ದೇಖೀಇನ್ ಭೀಕ್ ದೇನುಕರಿ ಪೂಸ್ಛಾಮಾ ಪೇತ್ರಬಿ ಯೋಹಾನ ಬೇಸ್ಝಣಾಬಿ ಇನಾ ಭಣಿ ದೇಖ್ಯಾ ಪೇತ್ರನೆ - ಹಮ್ನಾ ದೇಕ್ ಕರಿ ಬೋಲ್ಯೊ. 5 ಇನೆ ಇವ್ಣಾಕಂಥೂ ಷಾತ್ತೋಬಿ ಮಳ್ಷೇಕರಿ ಆಖ್ಹ್‍ಕರಿ ಇವ್ಣಾಭಣಿ ನಸ್ಝಾರ್‍ಥಿ ದೇಖ್ಯೋ. 6 ತೆದೆ ಪೇತ್ರನೆ – ಘೋಣು ರೂಪು ಮಾರಕನ ಕೊಯ್ನೀ, ಮಾರಕನ ಸ್ಛಾತೆ ತುನಾ ದೆಂವಸ್. ನಜರೇತಿನೊ ಯೇಸು ಕ್ರಿಸ್ತುನೊ ನಾಂಪರ್ ಉಠಿನ್ ಸ್ಛಾಲ್‍ಕರಿ ಬೋಲೀನ್. 7 ಇನೊ ಖವಾಹಾತ್ ಧರೀನ್ ಉಪಾಡ್ಯೊ. ಯೊ ಘಡಿಮಸ್ ಇನೊ ಗೋಡಾವ್ನಾಬಿ ಕಿಲ್ನಾ ತಾಖತ್ ಆಯ್ಯಿ; 8 ಇನೆ ಉಸ್ಛಳೀನ್ ಉಭೀರಿ ಸ್ಛಾಲ್ಯೊ; ಸ್ಛಾಲ್ತೋ ಕೂದ್‍ತೊ ದೇವ್ನಾ ಜೈಕಾರ್ ಕರ್ತೋಹುಯ್ಯಿನ್ ಇವ್ಣಿ ಸ್ಝೋಡ್ಮಾಸ್ ದೇವಳ್ಮಾ ಗಯೊ. 9 ಯೊ ಸ್ಛಾಲ್ತೊಹುಯ್ಯಿನ್ ದೇವ್ನಾ ಜೈಕಾರ್ ಕರ್ತೋಹುಯ್ಯಿನ್ ರಹೈತೆ. 10 ಅದ್ಮಿಖ್ಹರೂ ದೇಖಿನ್ ಆಶತ್ಕಿ ದೇವಳ್ನೂ ಷಿಂಗಾರ್ನೂ ದರ್ವಾಸ್ಝಕನ ಬೇಷಿನ್ ಭೀಕ್ ಮಾಂಗವಾಳುಕರಿ ಖ್ಹಣಾದ್ ಧರೀನ್ ಇನಾ ಹುಯ್ಯಿರೂತೆ ದೇಖೀನ್ ಮಸ್ತಾಪ್ ಹುಯ್ಯಿನ್ ಘಣೂ ಮಸ್ತಾಪ್ ಹುಂಕರಾತೆ ಯ7ಒ ಅದ್ಮಿಖ್ಹರೂ ಇವ್ಣಾಕನ ಸೊಲೊಮೋನಕರಿ ನಾಮ್‍ರಹೈತೆ ಮಂಟಪ್‍ಕನ ಝೂಂಡ್ ಝೂಂಡ್ಥಿ ನಾಶಿಆಯೂ. 11 ಯೊ ಪೇತ್ರ ಯೋಹಾನ್‍ನ ಧರಿರಾಖ್ಯೂ ತೆದೆ ಮಸ್ತಾಪ್ ಹುಂಕಾರಾತೆ ಯೊ ಅದ್ಮೀಖ್ಹರೂ ಇವ್ಣಾಕನ ಸೊಲೊಮೋನಕರಿ ನಾಂರಹೈತೆ ಮಂಟಪ್‍ಕನ ಝೂಂಡ್ ಝೂಂಡ್ಥಿ ನಾಶೀಆಯೂ. 12 ಪೇತ್ರ ಇನಾ ದೇಖಿನ್ ಅದ್ಮಿವ್ನಾ – ಇಸ್ರಾಯೇಲ್ ಅದ್ಮಯೊ, ತುಮೆ ಷಾನ ಅನಾ ಮಸ್ತಾಪ್ ಹುವಾಸ್? ತುಮೆ ಹಮಾರಭಣಿ ನಸ್ಝ್‍ರ್‍ಥೀ ದೇಖಾನು ಷಾತ್? ಹಮೆ ಸ್ಝೋರ್ಥೀ ರಹೈಸ್ಝವೋ ದೇವ್ನೀ ಭಕ್ತಿಥಿ ರಹೈಸ್ಝವೊ ಅನಾ ಹಮೆ ಸ್ಛಾಲಾಘೋಣಿ ಕರ್ಯಾಕರಿ ಖ್ಹಯಾಲ್ ನಕೊಕರೊ. 13 ಅಪ್ಣೋ ಪಿತಾಂಬರ್ ಹುಯ್ಯಿರೋತೆ ಅಬ್ರಹಾಮ ಇಸಾಕ್ ಯಾಕೋಬ್‍ನೊ ದೇವ್ ಇನೊ ಸೇವಕ್‍ಹುಯ್ಯಿರೋತೆ ಯೇಸುನ ಮಹಿಮೆಕರಿರಾಖ್ಯೊಸ್. ತುಮೆತೋಬಿ ಇನಾ ಧರೀನ್‍ದಿಧಾ; ಅಸ್ಝು ಪಿಲಾತನೆ ಇನಾ ಸ್ಛೋಡಾವ್ನೂಕರಿ ಖ್ಹಯಾಲ್‍ಕರ್ಯೋತೋಬಿ ಇನಾ ನಕೋಕರಿ ಬೋಲ್ಯಾ. 14 ತುಮೆ ಪರಿಶುದ್ದ್ ನಿಯ್ಯಾತ್ವಾಳೊ ಹುಯ್ಯರೋತೆ ಮನ್‍ಖ್ಯಾನಾ ಸ್ಛೋಡಾಯ್ಯಿ ಲೇನುಕರಿ ಬೋಲೀನ್ ಜಾನ್ನೊ ಮಾಲೀಕ್ನಾ ಮರಾಯ್ಯಿನಾಖ್ಯಾ. 15 ಕತೊ ದೇವ್ ಇನಾ ಮಾರ್ಯಾಹುಯಾಮಾಥೊ ಉಠಾಡ್ಯೋ; ಆ ಖಬರ್ಮಾ ಹಮೇಸ್ ಸಆಬೂತ್. 16 ತುಮೆ ದೇಕಾತೆ ತುಮ್ನಾ ಖ್ಹಣಾದ್‍ರಹೈತೆ ಆ ಅದ್ಮಿ ಖೂದೂಹೊ ತಾರಲಿ ಇನಾ ನಾಂಪರ್ ರಾಖ್ಯಾತೆ ಭರಾಖ್ಹೋಸ್ ಕಾರಣ್; ಯೊ ನಾಮಸ್ ಅನಾ ತಾಖತ್‍ದಿಧೂ. ಇನಾಭಣ್ತೂ ಹುಯ್ಯಿರೂತೆ ಭರಾಕ್ಹೊಸ್ ಅನಾ ತುಮಾರಖ್ಹಾಮ್ಣೆ ಪೂರ ಅರಾಮ್ ದಿಧೈ. 17 ಯ್ಯಬಂದೂಒ, ಯೊರಃವಾದೆ, ತುಮೆ ಯೊಕಾಮ್ನಾ ಮಾಲುಂ ಕೊಯ್ನೀತೆ ಕರ್ಯಾಕರಿ ಮನಾ ಮಾಲುಂ; ಹಕ್‍ದಾರ್‍ಖ್ಹರಾ ಮಾಲುಂ ಕೊಯ್ಯಿನೀತೆ ಕರ್ಯಾ. 18 ಕತೊ ದೇವ್ ಇನೆ ಖ್ಹಣಾದ್ ಕರಿರಾಕ್ಯೋತೆ ಕ್ರಿಸ್ತು ಲತಾಡಪಡೀನ್ ಮರ್ನೂಕರಿ ಖ್ಕಾ ಪ್ರವಾದಿನ ಮ್ಹೋಡೆ ಅಗಾಡೀಸ್ ಬೋಲಾಯ್ಯಿತೆ ವಾತ್ನಾ ಅಮ್ ಪೂರ ಕರ್ಯೋ. 19 ಇನಾ ವಾಖ್ಹ್‍ತೆ ದೇವ್ ತುಮಾರ ಪಾಫ್ನಾ ಮಟಾಯ್ಯಿನಾಖಾನಿ ಘೋಣಿ ತುಮೆ ದಿಲ್ ಬದ್ಲಾವಿಲೀನ್ ಇನಾಭಣಿ ಫರಿಸ್ಝವೊ. 20 ಫರಿಗಯಾತೊ ದೇವ್ನೀ ಸ್ಝಗೋಥಿ ಅರಾಮ್ನಾ ದನ್‍ಖ್ಹರಾ ಆವ್ಷೇ ಯೊ ತುಮ್ನಾ ಖ್ಹಣಾದ್‍ಹುಯ್ಯಿರೋತೆ ಕ್ರಿಸ್ತುಹುಯ್ಯಿರೋತೆ ಯೇಸುನಾ ಬೋಲಿಮೋಕಲ್ಷೇ. 21 ಕತೊ ಹರ್‍ಯೇಕ್ ಬರೋಬರ್ ಕರ್ವಾನು ವೊಖ್ಹತ್ ಆವಾಲಗೂ ಸ್ವರ್ಗ ಯೊಕ್ರಿಸ್ತುನ ಜಿವಾಸ್ಝಗೊ ಹುಯ್ಯಿರಾಃನು, ಯೊ ವೊಖ್ಹತ್ನೀ ಖಬರ್ನಿ ಬಾರೇಮಾ ದೇವ್ ಅಗಾಡೀಥಾತೆ ಇನಾ ಪರಿಶುದ್ದ್ ಪ್ರವಾದೀವ್ನಾ ಮ್ಹೋಡೆ ಬೋಲಾಯ್ಯಿರಾಖ್ಯೋಸ್. 22 ಮೋಶೆ ಷಾ ತ್ಬೋಲ್ಯೋಕತೊ – ದೇವ್‍ಹುಯ್ಯಿರಃಯೋತೆ ಖ್ಹೊದಾನೆ ಮನಾ ಬಣಾಯೊ ಇಮ್ಮಾಸ್ ತುಮಾರ ಭಂಯೇವ್ಮಾ ಬುಜೇಕ್‍ಸ್ಝಣಾನ ಪ್ರವಾದಿಕರೀನ್ ತುಮ್ನಾ ಸ್ಛೂಣೀನ್ ದಿಷೆ, 23 ಯೊ ತುಮ್ನಾ ಬೋಲಾತೆ ಅಖ್ಖೀ ವಾತೇವ್ನಾ ಕಾನ್‍ದೇನು; ಯೊ ಪ್ರವಾದೀವ್ನೀ ವಾತೇನ ಕೊ ಖ್ಹಂಸ್ಝಾನೀತೆ ಹರ್‍ಯೇಕ್‍ಸ್ಝಣು ಅಪ್ಣಾ ಅದ್ಮೀವ್ಮಾಥು ಸಂಪೂರ್ಣ್‍ಥೀ ನಾಶಹುಯ್ಯಿಸ್ಝಾಷೇಕರಿ . 24 ಯೋ ಕಾಹೇತೆ ಸಮುವೇಲ ಇನಾಕಡ್ತೂ ಆಯ್ಯಿನ್ ಪ್ರವಚನ್‍ಬೋಲ್ಯಾತೆ ಅಖ್ಖಾ ಪ್ರವಾದಿಖ್ಹರಾಬಿ ಹಂಕೆನಾ ದನ್ನಿ ಖಬರ್ಮಾ ಬೋಲಿವೊತಾಳ್ಯಾ. 25 ತುಮೆ ಪ್ರವಾದಿವ್ನಾ ಚೇಲಾ ದೇವ್ ಅಪ್ಣಾ ಪಿತಾಂಬರ್ನಿ ಸ್ಝೋಡೆ ಕರಿರಾಖ್ಯೋತೆ ಕರಾರ್ನಾ ಸ್ಝೂಮ್ಮೋವಾಳ ಹುಯ್ಯಿರಾಃಸ್ ಇನೆ ಅಬ್ರಹಾಮನಾ – ತಾರಿ ಖಾನ್ದಾನ್ ಭಣ್ತೊ ಜಗತ್ನಾ ಅಖ್ಕಾಸ್ಝಾತ್ನಾ ಆಶೀಶ್ ಹುಷೆ ಕರಿ ಬೋಲಿನ್ ಯೊ ಕರಾರ್ನಾ ಕರ್ಲಿಧೋನಿ. 26 ಪೈಲ್ಹೆ ತುಮಾರಕಾಜೆ ದೇವ್ ಇನಾ ಸೇವಕ್ನಾ ತಯಾರ್‍ಕರೀನ್ ಆ ತೋಬಿ ತುಮಾರಮ ಹರ್‍ಯೇಕ್ನಾ ಇವ್ಣಿ ಇವ್ಣಿ ಖರಾಬ್ ಸ್ಛಾಳ್ನಾ ಫರಾಯ್ಯಿನ್ ತುಮ್ನಾ ಆಶೀರ್ವದ್ ಕರ್ನೂಕರಿ ಇನಾ ಮೋಕ್ಲಿರಾಖ್ಯೋಸ್ ಕರಿ ಬೋಲ್ಯೊ.