1 ಪ್ರೇಮ್ನಾ ಭಂಯೋ ಕೆತ್ರೂಕಿಸ್ಝಣು ಸ್ಝೂಟಿ ಪ್ರವಾದಿಖ್ಹರಾ ಜಗತ್ಮಾ ಆಯ್ಯಿರಾಃಸ್ ಇನಾವಾಖ್ಹ್‍ತೆ ತುಮೆ ಆತ್ಮನಿ ಅಖ್ಖಿ ಬೋಲಿವ್ನಾ ನಾ ಮಾನ್ನೂತೆ ಯೊಯೊ ಬೋಲಿಖ್ಹರಿ ದೇವ್‍ಥಿ ಬೋಲಯ್ಯಿ ರಹೈಸ್‍ಕಿ ಕೊಯ್ಯಿನಿಕಿ ಕರಿ ಇನಾ ಪರಖ್‍ಣೂ 2 ಖ್ಹೂಸ್ಝ್‍ಥಿ ಬೋಲಾವಾವಳೊ ದೇವ್ನೋ ಆತ್ಮಸ್‍ಕರಿ ಮಾಲುಂಕರ್ವಾನವಾಖ್ಹ್‍ತೆ ಲಕ್ಷಣ ಷಾತ್ಕತೊ – ಮನ್‍ಖ್ಯೂ ಹುಯ್ಯಿನ್ ಆ ಯೋತೆ ಯೇಸು ಕ್ರಿಸ್ತುನಾ ಮಾನಿಲೆವನ ಆತ್ಮ ದೇವ್‍ಥೀಸ್ ಖ್ಹೂಸ್ಝ್ ಹುಯ್ಯಿರಾಃಸ್ 3 ಯೇಸುನಾ ನಾ ಮಾನ್ನೂತೆ ಇಮ್ ರಾಃಸ್‍ತೆ ಆತ್ಮ ದೇವ್‍ಥಿ ಬೋಲಾ ಹುಯ್ಯಿಕಾಹೆ; ಯೊ ಕ್ರಿಸ್ತು ವಿರೋಧಿನ ಆತ್ಮಹುಯ್ಯಿರೂಸ್, ಯೊ ಆವ್ಷೇಕರಿ ತುಮೆ ಖ್ಹಂಜೀರಾಖ್ಯಾಸ್ನೀ; ಹಂಕೆಬಿ ಜಗತ್ಮಾ ಸ್ಛಾ. 4 ಪ್ರೇಮ್ನಾ ಲಡ್ಕಾ, ತುಮೆತೋಬಿ ದೇವಥಿ ಪೈದಾಹುಯಾತೆ ಹುಯ್ಯಿರಾಃಸ್; ಅಸ್ಝು ಜಗತ್ಮಾರಃವಾಳೆಥಿಬಿ ತುಮಾರಮ ಸ್ಛಾತೆ ಮೊಟೊ ಹುಯ್ಯಿರೋಃಸ್ ಕನಾಟೇಕೆ ತುಮೆ ಸ್ಝೂಟಿ ಪ್ರವಾದಿವ್ನಾ ಜೀತಿಲಿಧಾ. 5 ಇವ್ಣೆ ಜಗತ್ಮಾಥ ಪೈದಾಹುಯಾತೆ ಹುಯ್ಯಿರ್ರಾಹಸ್; ಆನಾಸ್‍ಟೇಕೆ ಇವ್ಣೆ ಜಗತ್ನೀ ಖ್ಹೂಸ್ಝ್‍ಥಿ ವಾತೆಬೋಲಾಸ್. ಅಸ್ಝೂ ಜಗತ್ವಾಳ ಇವ್ಣಿ ವಾತೇವ್ನಾ ಕ್ಹಂಸ್ಝಾಸ್ 6 ಅಪ್ಣೆತೋಬಿ ದೇವ್‍ಥಿ ಪೈದಾಹುಯ್ಯಿರಾಃಸ್; ದೇವ್ನಾ ಸಝಾಣವಾಳು ಅಪ್ಣಿ ವಾತೆವ್ನಾ ಖ್ಹಂಸ್ಝಾಸ್; ದೇವ್‍ಥಿ ಪೈಧಾಕೊಹುವಾನಾತೆ ಯೊ ಅಪ್ಣಿ ವಾತೆನ ಕೊಖ್ಹಂಸ್ಝಾನಿ ಆ ಸತ್ಯನ ಬೋಧನೆ ಕರವಳೊ ಆತ್ಮ, ಯೊ ಸ್ಝೂಟಿನ ಬೋದೆನ ಕರಾವಳೊ ಆತ್ಮಕರಿ ಅನೇಥಿಸ್ ಮಾಲುಂ ಕರ್ಲಿಯೆಂಸ್ ದೇವ್‍ಥಿ ಪೈದಾಹುವಾಳಮ ಪ್ರೇಮ್‍ನಿ ಸ್ಛಾಲ್ ರಾಃಸ್ 7 ಪ್ರೇಮ್ನಾ ಭಂಯೆ ಅಪ್ಣೆ ಏಖ್ನಾಯೇಕ್ ಪ್ರೇಮ್‍ಕರಿಂಯೆ ಪ್ರೇಮ್‍ದೇವ್‍ಥಿ ಹುಯ್ಯಿರೂಃಸ್, ಅಸ್ಜು ಪ್ರೇಮ್ ಕರಾವಳು ಹರ್‍ಯೇಕ್‍ಸ್ಝಣು ದೇವ್‍ಥಿ ಪೈದಾಹುಯೂಹು ದೇವ್ನಾ ಸಝಾಣವಾಳುಹುಯ್ಯಿರೂಃಸ್ 8 ಪ್ರೇಮ್‍ಕೊರಯ್ಯಿನೀತೆ ಯೊ ದೇವ್ನಾ ಸ್ಝಾಣಿಹುಐಕಾಹೆಃ ಷೇಕತೊ ದೇವ್ ಪ್ರೇಂನೊ ರೂಪ್‍ಹುಯ್ಯಿರೋಸ್. 9 ದೇವ್ ಇನಾ ಎಕ್ಕಾಸ್ ಛಿಯ್ಯಾನಾ ಅಪ್ಣೆ ಇನಾಮಸ್ ಜಿವಾನಟೇಕೆ ಜತ್ನಾ ಬೋಲಿ ಮೋಕ್ಲಾಮಸ್ ದೇವ್ನೀ ಪ್ರೇಮ್ ಅಪ್ಣಾಮ ನಸ್ಝ್‍ರಾವಸ್‍ತೆ. 10 ಅಪ್ಣೆ ದೇವ್ನಾ ಪ್ರೇಮಕ್‍ಕರ್ಯಾತೆ ಇನಿಥಿಕಾಹೆ, ಯೊ ಅಪ್ಣಾ ಪ್ರೇಮ್‍ಕರಿನ್ ಅಪ್ಣೋ ಪಾಪ್ ಫಿಟಾನಕಾಜೆ ಇನಾ ಛಿಯ್ಯಾನ ಬೋಲಿಮೋಕಲೋತೇಸ್ ಪ್ರೇಮ್‍ನಿ ಖ್ಹಾಚಿ ಗುಣಂ ನಸ್ಝ್‍ರಾವಸ್ 11 ಪ್ರೇಮ್ನಾ ಭಂಯೆ, ದೇವ್ ಅಪ್ಣಾ ಅಮ್ ಪೇಮ್‍ಕರಿನ್ ಇನಾಪರ್ ಅಪ್ಣೆ ಏಕ್ಹಾಯೇಕ್ ಪ್ರೇಮ್ ಕರಾನ ಸ್ಝೂಮ್ಮಾಮೆ ಛಿಂಯೆ 12 ದೇವ್ನಾ ಕೋಣ್ಬಿ ಕೆದೇಬಿ ಕೋ ದೇಖ್ಯಾನಿ; ಅಪ್ಣೆ ಏಕ್ನಾಯೇಕ್ ಪ್ರೇಮ್ ಕರ್ಯಾತೋಸ್ ದೇವ್ ಅಪ್ಣಾಮ ಜಿವಾಸ್, ಅಸ್ಝು ಇನೆಥಿ ಹುವಾತೆ ಪ್ರೇಮ್ ಅಪ್ಣಾಮ ಪೂರ ರಃಸ್ 13 ದೇವ್ ಅಪ್ಣಾ ಇನಾ ದಿಲ್ಮಾ ವಾಟೊದಿಧೋಕರಿಬೋಲಿನ್ ಅಪ್ಣೆ ಇನಾಮ ರಃವಂಕರಿಯೆಂಸ್ ಕರಿಬಿ ಯೊ ಅಪ್ಣಾಮ ರಃವಂಕರಾಸ್‍ಕರಿ ಮಾಲುಂಕರ್ಲಿಯೆಂಸ್ 14 ಬಾ ಇನಾ ಛಿಯ್ಯಾನ ಜಗತ್ನೋ ರಕ್ಷಕಕರಿ ಬೋಲಿಮೋಕ್ಲ್ಯೋತೆ ಅಪ್ಣೆ ದೇಖಿರಾಖ್ಯಾಸ್ ಇನಿ ಬಾರೇಮ ಸಾಕ್ಷಿಬೋಲಿಯೆಂಸ್ 15 ಯೇಸು ದೇವ್ನೋ ಛಿಯ್ಯೋಹುಯ್ಯಿರೋಃಸ್ಕರಿ ಕೋಣ್ ಮಾನಿಲೀನ್ ಬೋಲಾಸ್ಕಿ ಇನಾಮ ದೇವ್ ರಾಃಸ್, ಯೋಬಿ ದೇವ್ಮಾ ರಾಃಸ್ 16 ದೇವ್ ಅಪ್ಣಾಮ ರಾಖಿರಖ್ಯೋತೆ ಪ್ರೇಮ್ನಾ ಅಪ್ಣೆ ಮಾಲುಂಕರಿರಾಖ್ಯಾಸ್ ಇನಾ ಮಾನಿರಾಖ್ಯಾಸ್, ದೇವ್ ಪ್ರೇಮ್ನೊರೂಪ್ ಹುಯ್ಯಿರೋಸ್; ಪ್ರೇಮ್‍ಎಃವಾಳು ದೇವ್ಮಾರಾಃಸ್ ದೇವ್ ಇನಾಮ ರಾಃಸ್ 17 ನ್ಯಾವ್‍ನೊ ತೀರ್ಪುನ ದನ್ಮಾ ಅಪ್ಣಾಸ್ಛಾತೆ ಹಿಮ್ಮಾತ್ಮಾಸ್ ಇನಿ ಪ್ರೇಂ ಅಪ್ಣಾಮ ತಯಾರ್ಮಾ ಆಯ್ಯಿ. ಷೇಕತೊ ಕ್ರಿಸ್ತು ಕೆಲ್‍ಖ್ಣೋಕಿ ಅಪ್ಣೆಬಿ ಎಲ್‍ಖ್ಣಾಸ್ ಹುಯ್ಯಿರೀನ್ ಆ ಜಗತ್ಮಾ ಛಿಂಯೆ 18 ಪ್ರೇಮ್ ರಾಃಸ್ತೇ ಸ್ಝಗೊ ಡರ್‍ಕೊಯ್ನೀ. ಡರ್ ದುಭಾರನ ಲೇತುರಾಃಸ್; ಪೂರಾಪ್ರೇಮ್ ಡಡ್‍ನಾ ಕಾಡಿನಾಖಾಸ್. ಡರಾವಳು ಪ್ರಂನಾ ಮಹೈ ತಯಾರ್ಮಾ ಕೊ ಆಯ್ಯಿರಃಯ್ಯನಿ 19 ದೇವ್ ಪೈಲ್ಹೆ ಅಪ್ಣಾ ಪ್ರೇಮ್‍ಕರ್ತಾಲೀನ್ ಅಪ್ಣೆ ಪ್ರೇಮ್ ಕರಿಂಯೆಸ್ ಏಕ್ 20 ಸ್ಝಣು ಯೊ ಮೆ ದೇವ್ನಾ ಪ್ರೇಮ್‍ಕರೂಸ್ಕರಿ ಬೋಲೀನ್ ಇನಾ ಭಯ್ಯಿನಾ ಬಳಾಪೊ ಕಯೂತೊ ಯೊ ಸ್ಝಟೀಲು ಹುಯ್ಯಿರೂಃಸ್. ಇನೆ ದೇಖ್ಯೀತೆ ಇನಾ ಭಯ್ಯಿನಾ ಪ್ರೇಮ್ ಕರಾಯ್ನೀತೆಯೊ ನಸ್ಝ್‍ರಾವ ಕೊಯ್ನೀತೆ ದೇವ್ನಾ ಪ್ರೇಮ್ ಕೊ ಕರಾನಿ 21 ದೇವ್ನಾ ಪ್ರೇಮ್ ಕರಾವಳು ಇನಾ ಭಯ್ಯಿನಾ ಪ್ರೇಮ್ ಕರ್ನೂಕರಿ ಹುಕುಂನಾ ಅಪ್ಣೆ ಇನೇಥೀಸ್ ಲೀರಾಖ್ಯಾಸ್