¹ Ariwuri, ina koni, gharhani inung asirih. Awarkowo imagura a yhakaraka ikusu kinki amajagari nang ayini azang utumah. Ankusu munmu mon tareni marivah. ² Vasanani nan ansang, vasanani nan atumi ayen. Vasanani nan ayi chotti. ³ Awar kuwo awuri aya na ama vurah yhan awuri teku rise usujada inung Amzir masirih awuri ti gwaki riti inung un Kristoh Yesoh, ti gura azakuri asuwu inung aripum. Nankini, mini ariti rinang umma rene asuwu inung aripum. Inang pirong Isin dinni awo Iri asuwu inung aripum, Inri apiriyi. ⁵ Ama vuram atuk kamanazivah,inung anayhar Israi'la, ati vervene ttih Biliyaminu, pi yahode u Yahudawa; amajagari nang mateh mapi farisi. ⁶ Inma tara usurum asin ghasah Ikkilisiya; inung arivin rema teh in zami vang. ⁷ Nasang monkusumu nan ima nyhen awo muri ariba, muma wana ankusu muwami awar ka Kristoh. ⁸ Nakin uma vazze ankusu nasang muzan kiramwa awar kuyha ku Yesoh Kristoh kasirih kanang. Awarkayi uma nekere koyimmi, uma reyhe mun zakure kiramwa awar ka Yesoh, ⁹ Anka zuwam inung unyi. Inzakuri a rivin rinang inung ama teh Anreh, unkuri arivin inung amajagari nang riving rimi re cira daga nang kasirih inung riving. ¹⁰ Anreh kini, unsuni in yagatake kan nang usiru uchonu ukan nang utarayya inung unrere uyi. In suni anka vandarem inung inmuzu u kha kuyi. ¹¹ Arong kadhar inkaka cho nekan inung amakiniru. ¹² Azan rivin awo ima rige sere ankusumu, kokuma ima rige aruru. Ama injarim asa unka kpakare ikusuki kimi nang Yesoh ima kpakarem inung unKristoh Yesoh. ¹³ Ina koni, inzakusin dinni awo mini uma rige ama kpakare kin. Ama kikusu kirha: maku wunnu nan ikusu kimi kirim atini anreh unku dorkoni ikusu kirim ariti. ¹⁴ Im ma zika usurum inka za'ah aka vuva u kagwu Izoh u Sirih inung un Yesoh Kristoh. ¹⁵ Awari nasang aya tima cirvuwo, ti dinni unrina uru; anreh inan endinni urong udinninu uvaktuni amajagari inramwa, Kasirih kanka miyi ni. ¹⁶ Saiko, tima riga ama ravah, ti yhamtoh ikusu kimi. ¹⁷ Gbekseni nan mini ina koni. Paturuwo nang aya asin jara imuzu jaru umi nang inri inung awuri. ¹⁸ Ayhar na gwakane asin jara-ayha nan imma kusin misini. Nan uku gura sin mise ini amayizi- uwo ayha sin zirih u giciye ku Kristoh. ¹⁹ Mararha mayhan manka re ivurah nasirih na yhan areh riviri nang ugwaku uriti uyhan ure ugbor. Asin dinni ankusu murikuya. ²⁰ Ama kurara kuwuri kuri Izoh itegemi nang tisin suksa apiya uwaska ku wuri, Yesoh Kristoh. ²¹ Inka vandare ripum riwuri amajagari aripum ru daukaka, Rimi nang enapsa unsizazu uyi amajagari kayemmi nang ritiriyi.