¹ Ina koni ami nan usuni, aseri urham ku reyeh yhan, righarh rinang nang kurawani, in yezeneh na waz Inung a sirih. ² Insin tanzana Afodiya, a gura sin tanzana i sintiki, anka ri asuwu ka rha inung asirih. ³ Insin tanzami na gbing, ina bici utumah inku kana ayho ra. Ama tumzana nang mini inung ana vere asirih nang kilimas nang ku saura ko bici utumah, ami nan azhai ayhan ari inung anavah uvoh. ⁴ Yelleni righara, magura wo yelleni, righara inung a sirih. ⁵ Jiyini ayhar anreh nan a yini ken na aku nome ariti. Kasirih kara pati. ⁶ In kasu kore a rhakarha nan ki ranwa ayhe wo inung atanzu nan kusangini Kasirih kapok atanzu ka yin. ⁷ Nang mavur masiri,mami ma piri uyha kupiyhar, man pize na suwu nayin nan udinni inung un Kristoh Yesoh. ⁸ Ariwori, ina koni, ankusu mumi mure rivin, ankusu mumi mure mu ti chirvu ankusu mumi mure mu riving, ankusu mumi mure muvurh, ankusu mumi nang asuni, ankusu mumi murip, inang kiramwa kimi kirip, inang kiramwa kiri u chawu, dinneni ankusu mu. ⁹ Ankusu mumi nang ima gbekse a gura sere, agura pokoro,agura reghe, inung un nang, riseni mun, Kasiri kuvur kannang kari nang ayini. ¹⁰ Inseri righarha na gbing inung asiri awar kuwo nekini ariwuri ima pazane amadinni mayin amajagari nang mini. Imasin dinni nang mini na gbing chetti iranga, kureh inkuma rhotoma zuwa a warah ku kanam. ¹¹ Inzakusin vervene kini awarkuwo insin righi iramwa. Mini ima gbekse ahum kuko ana riki. ¹² Inyha tikanchi agura yhe uzuwu,ima yaghateke azom kari siti na ki gbom, agura yhe uri na gwakane nan na tiwaam. ¹³ Manka suska rise ko yemmi inung u sisazum uyi. ¹⁴ Moh ripkwa ken nan en kanam inung un veru nam. ¹⁵ Ayini Afilibiyawa in yhe ken nan imma seme utuma o siri ken nan in ma jahga umakidoniya, ku ron Kikilisiya kuma kanan nan ki ramwa adure ayini na zik. ¹⁶ Ima run tasalonika in kanam apirka tivah. ¹⁷ Azan unkusin rinyi aperu kayin. Anreh, unkusin rinyi sa a yini in pirinuwom. ¹⁸ Uma sere ankusu mumi na en tuma nasang, mun ka gwakana, ima sere a makusu mami nan Abafroditus. Muri uyha urentu, umi nang kasiri kanka sere. ¹⁹ Kasiri kanang kanka rhoini koyemmi nang insuni amajagari inka wana a karma inung un Kristoh Yesoh. ²⁰ Nakini ti chang a siri kami kami kare Tita ama seme mu rhasi aka jaga kiren Munwanken. ²¹ Sumaze piya ima rume inung un Kristoh Yesoh. A koni ami arhi nan mini asin sumaze ini. ²² Aya ri unrara ku kaisar asin sumazini. ²³ Mapes masiri Yesoh Kristoh man dorkoro mazir ma yin.