¹ I nan kiramwo kimi nan inang karafafu inung unKristoh, inan uta'azia uri inung unsunuyi, inan makon kuzuwo mari inung amzair mayi, inan mapes nang rihillipovuh, ² Anreh inku rene righarha rinang rin koro nang madinni, ari usunu urha in mane amazir, nang manufa ma rha ³ In kasu rise iramwa inung usunu atih ko un gwaku uritih, zha nangken riseni inung unnome kotih, zikani a jhanji awo apirini ⁴ Kowammi ikasu tirkiri ikusu nan isuni amma, itirkiri ikusu nang pijammi isuni ⁵ Dinni ni kennan Kristoh Yesoh ima rise ima rise ⁶ azhom inmuzu oSirih, anreh Ikurotoh ma vandare ritiriyi awo yi Kasirih kikusu nang enyhantoh kin ⁷ Anreh, iku chu'une koyimmi aritih riyi. Anreh iku ziga riti riyi ne pirere, Anreh iku wanna ne ayhar, Ama reyeh yi ne piyhar ⁸ nome ritih anreh iku wana piyhar umati amaka ka jha'ar adhar kukha, har kukha ku makari! ⁹ Anreh Kasirih kanku zamkwayi izho na virr. Arhoyi orizayi rimi ripiri azayi ¹⁰ Iku rise kini awar kuwo inung arizayi ri Yesoh ko ariki aru anka tukuruwo ayi zho nang ayhar urikuya ¹¹ Iku rise kini awar kuwo ko diriki rirem rinka vereh awo Yesoh Kristoh ire Kasirih amajagari undaukaka uSiri titah ugwaki ¹² Na kini, in yhar nang unsuni, inkari matini kokariki adhar, anzang na nyen munang ama adhar nan inzamimim, riseni utumah uwaska ku yin nang ukau nang uzirkowonu ¹³ Are Kasirih kaseri utomah nang ayini nang utumah inung ama vur ma suwu ¹⁴ Riseni koyemmi zha maroghorono nan uroyoni ¹⁵ Awar kuwo inan ka wana ayazhayhan u zargi anreh ayariyin, nono na Sirih nami na zanan ivang. Riseni kini awar kuwo inan ka seme ampeze inung unrikuya inung atetih kusana kuyikun ¹⁶ Yhamtani avereh a rivin mareva awar kuwu inkari udalili umi nang manka daukaka a Kristoh a rhon Katuk ¹⁷ Kho da anku tellezem ne kanenu un hadaya nang utumah urivin, userih ni gharha agura seri righarha nan ayini nasang ¹⁸ Kan kuma riseni righarha agura rise righarha nang mini ¹⁹ Uma rene asuwu nang Kasirih Yesoh itum a Timoti nang ayini kinkini, awar kuwo unka pokoro urentu inang ma yhaghateke ankusu amajagari nang ayini ²⁰ Nzam piya na tiri imuzu hali urha nan yi, piya eku dinni nang ayhar arivin ²¹ Nasan kuyan ankusin rigyi ankusu mu ritih riyhan anzakure mu Yesoh Kristoh ²² Inyha awo imahama, awar kuwo kenang kono kaku tukuzowo putuh, kenang ima tukuzuzom inung ana vereh Asirih ²³ Insin dinni uwo untumyi kinikini insuni inrhek kenang ankuru mon wanna nang mini ²⁴ Inri asuwu inung Asirih awo mini man ruvah ²⁵ Insin dinni kuwo utum Abafaroditu nang ayini. Ire koni kutumah nang ki soja, agura re pitumi nang pirere umi nang unsuni. ²⁶ Awar kuwo ima suni iruv nang ayini nasang kuyin awar kuwo immah pokoro awo izaku wara ²⁷ imazaku wara har arama kha. Anreh Kasirih kan rhoyi a mapes, anzang unyi utegeyi nang minima, awar kuwo unsu ma'ah agura ma'ah ²⁸ Awar kuwo insere righarha rutuma yi, awar kuwo inan engura a regeyi inang ka gharhana mini kuma incira inung amadinni. ²⁹ Senni Abafaroditus inung Asirih nang arigharha. Tukurowoni ayhar ami asiyi yi. ³⁰ Are awar kuwo utumah oSirih uma rene yi irama kha ima roh ariti riyi asa isezem urere anreh iku riseh ikusu kimi nang inmanan riseh