¹ Bulus nan Timoti, arereh a Kristoh Yesoh, amajagha nan a yami ang amah tara yhan inung un Kristoh Yesoh ami ari unfilibi, nang ayamin kula nang ikilisiya nan aya curvu. ² Mapes nang mavok mami makururuvah nang kasiri putuh uwuri nang Yesoh Kristoh. ³ Inseri usang jinghi nang Kasirih inung un dinninun uyin. ⁴ Ana tanzu nah nang awar Kayin nasang, inung arigharha nah maku riseh a tanzu Kanang mim. ⁵ Inseri usang jinghi nang ayini awar kuwo ia rho atih amavereh masiri tun a tuk kazhon amajagari kinkini. ⁶ Inri usisazu inung inkusuki, awo yi piya eseme utumah urip unyhin enra jariyi aka ruru amajagari atunk nah yesoh kristo en gura. ⁷ Muma ripkpam kininang unpuk ama jagari nang ayini awar kuwo inri inung asughu kanang. Na sang kuyin inre abici utumah inung amapes, inung un bursuna nang kuma inung anavereh asirih. ⁸ Kasiririh kayha, kennag unsuni inrehye ini inung un Yesoh Kristo. ⁹ Insin tanzana asirih kini awo usunu yhin un gwakana na gwakane inung unyha nang kuyha. ¹⁰ Isin tanza asirih inkarume in kusu kirip, nang inkari arivin nang uzha ivang a tuk kama guru mah Kristoh. ¹¹ Insin tanza asirih kuma awo inka kuri nang anki nonoh muvur mumi mokuruvah nang Yesoh Kristoh, amajagari un daukaka nang ucangwu ohsiri. ¹³ Na kini unsuni inkayha, koni ankusu mumi muma wana nangmini munku wana kikusu kima verveneh ma Sirih. ¹² Awar kuwo, isarka inang inung unKristoh ama yhagatake inung an sojoji nang kowammi. ¹⁴ A koni nagwakane ama tara usiru inung titu awar ki isarkoki, a reh ku zuwa u siru averveneh avereh zha ukhau. ¹⁵ Arong nagbing anku kangde inung aripovu nang rikhazha, anreh arong inung asughu karip. ¹⁶ An menze araseri inung unsunu Ayha kuwo amarenem inung ina awar ka vereh asiri. ¹⁷ Anreh anku kangde Yesoh inung unsunuritih, anzang arivin, an yhen awo kusin ruksem urere. ¹⁸ Yemmi kuma? ko uriki urina, ko inung inchotti ko inung arivin, asin kagha Kristoh, inung a narha inseri righarha yi man riseh righarha, ¹⁹ Awar kuwo inyha anang ara anka wana u sanadiya uma cira manang amajagari atanzukasiri nang ukannu mazir ma Yesoh Kritoh. ²⁰ Amajagari arhakarha nang urennu u suwu manka zaku pokoro ughor, kini tima rene asuwu, kinikini nang kokarike adhar, Kristoh ekaka zuwa udaukaka aripum rinang, ko unwar ko unku makha. ²¹ Nammini kuvoh kure kristoh ku kha kuma kunre uzuhwu. ²² Inang awo unvoh aripum, anreh ugwaku utumah u riki naman zika nzaku yha. ²³ Nasan kini uvah umi unsuni. Kikusu kin kire injigim anreh unku dorkoro asiri, kin kipirim ken. ²⁴ Duk nang ken untakah, aripum kinki pirim amajagari nang ayini. ²⁵ Marume nang ken, In yha man taka agura karim nang ayini nasang, awar ku siru uyhin nang righarha inung arivin. ²⁶ Awar kuwo inung unang in nan kri ikusu kuvere inung unKristo Yesoh ina ma ruvah nang ayini kuma. ²⁷ Napsani atehyin inung anavereh a Kristoh, awarkuwo ko unKuruvah nreyi ini ko unkuzamimim manka pokoro nang ayini, awo inyhazi na kwas amazir ma rha, amaka ravah rivin ri mavervene masirih. ²⁸ Sunu pokoro ukau nang ayami a zaku rusu uyin. Alama kenang nang yhan ami anka wunza yhan, anreh amapesamgruvah nang kasirih. ²⁹ Anreh kum rovuh mapes, inung unkristoh, anzang kuwo Inrume nang yi kawai, anreh uwo in seze urere inung arizayi riyi. ³⁰ Innsin seze urere umuzu inang umi nan imma reyeh, na kini in ku pokoro nan mini.