¹ Yesoh ima gura jarayi majamia pirung na uwonu umah sezeyi a cara ² Arong an tirkininiyi nagbing asa aka nyen vokoh an war'ahneyi an nyi mo (sabar) asa an zuk ikusu ku verene uyi ³ Yesoh imah woh upiyah nang uwonu uma sezeyi a cara, "cho a yizene a teti kayhar" ⁴ Anreh iku woh anayar "kuma wanu woh an rise anang arip an ayi mo (sabar) ba ikusu ku yikin, an wasku voh ba an wunkun? Anreh anku kiza yhan. ⁵ Anreh iku tisiziyon ari khazoh, awarku rhog ate yan, kasu'uh kan da wanta na yi, anreh iku wo upiyar umi "raska a cara kupu, anreh iku war'ahne yi. ⁶ Anreh a (farisiyawa) aku ciraa rhahara aka zuwa ayar a (Hirudus) aka nafsana ken nang an wuna yi ⁷ Yesoh nang ah almajirai ayi, ama jarayen un ugwanti ku teku dagun Galili nang u Yahudiya a, ayar adun an orkoyhan ⁸ Dagun Urshalima nang u Edom un gaba nang urdun, nang aya wangtari, un Taya nang ku Sidon, ama pokori ikusu nang iseri, anrehku ruvah nang yi ⁹ Imah rivi a almajirai, an suwuh jirgi ku mani ma sir, ku cini asa asu nyamarakayi awar ku gwaku ayar ¹⁰ imah war'ahze yar adun a gwana an tanu siru an rikeyi ¹¹ mazir mayiman manku re ma re'ehyi a tutuzunu yi ana seri iwumi nyaki aku ra woh "anreh piyih khono ka Siri" ¹² Imah rhoyon umurini asu rene an yho'ohteyi ¹³ Ima tuwi zoh upana kumi akangne ayah nang isuniyon anruvah nang yi ¹⁴ Yesoh ima teske ayar rikiri anava anwoh uyhan manzani ayahmi an zomoh nang yi, igura tuma hyan an yo'ohtoh mavervene ma Siri ¹⁵ Ima rhoyon u siru u cizaza ko sifu ¹⁶ Ima teske rikiri anavah, saminu, arhoyi rizayi awph Biturus. ¹⁷ Yakuvu pivezenu Zabadi, nang Yahaya khommina ka Yakuvu, imi nang e rhoyi rizayi Buwanarjis nono namaratazana ¹⁸ nang Andarawus nang Filibus nang Bartalamawus nang Matta nang Toma nang Yakuvu pivezenu Halfa, nang Taddawus, nang Saminu Ba-kananiye, ¹⁹ nang Yahuza Iskariyoti piyi ma zizi Yesoh ²⁰ Ka dhar kami nang e nnghe urara ayar api khoro, a nuku yhon uruh mariniru ²¹ ayu rara kuyi ama pokoro ken an cira aka puruyi akura woh izaku rhi ariti ri rha ²² A nyakarani ami a worin Urshalima an kura woh, are Ba'al-zabuba ehtuwunyi, isin cazaza asifu un Siri upi womoh sifu ²³ Anreh Yesoh iku kangne yhan, averu yhon a ti sika, "Ini nang pisifu en ke citda pisifu? ²⁴ In na ti womoh teh wana ararah avah, teng ka zaku nirwuruwoh ²⁵ In na kurara ku wana avah asin kuwana, konka zaku yizene ²⁶ In na pisifu e tayar aritiriyi, en ka zaku yizene mawura mayi maruvah ²⁷ Ba piya enka kanu urarah kupiya Siri a kwokso makusu mayi, a rotoh sis piya siru mi, a kwokso makusu mu rara kuyi ²⁸ Sa ni in mi'ihni, ivang imi nang ayar aseri an ka gusku yhan inih nang imi nang ah vereh ²⁹ amma piyami eh reneh mazir mavur ivang an ka zaku gusku yi ivang imi, ko na cini eh wana piyi vang karen ³⁰ Yesoh eh vereh ken, awarku woh avereh awoh iri mazir mayiman ³¹ Muna nang ah khommini amah ruvah ayizenu uyah, a tumah asa a mik yi ikanam ³² makongsuzuwoh mamma reneyi a teti, anreh ku veruh yi awoh, " nau nang akhonwai aru yhar asin ri'ihvuh" ³³ I mane yhon awoh "awani are iya nang akhoni" ³⁴ Anreh ijengneh ayha nang azonzi, awoh "iyha nang akhoni anarah ³⁵ piya iseri ikusu nang Kasiri ka suni, yi ereh akhoni nang iyu nang