¹ Ken nang ima guru un kafarnahum bayab atuk na cini, ayhar an pokoro awoh iri urara ² Ayhar adun anra rubsa akakoro urarah kumi, baka te'eh kuvaram anreh Yesoh ira vervenu yghan. ³ Arong arumi anas an yendhe apirong nang kupette kurha kuma kha. ⁴ An zaku susku nnghe awar ka kyar, anreh anku wono izoh amasohroh arasa avarah toddoyi nang ku kumi ku yi, atek na Yesoh irim ⁵ Yesoh ima reghe arivin di yhan , anreh ikuwoh apiyami nang kupette kuripum riyi kha kuma kha awoh, "kono, ama guskuvuh ivang ipiyi." ⁶ Aron a nyakavani an zonzi iteyemi an sin dinne anasuwu na yhan, ⁷ "Ini nang piyar uru isi vervene kini? Ima wuru! Kuzan Kasirih" utekan kanka gusku ivang?" ⁸ Yesoh imatu yhar'ahteh amasir mayi ikusu vang asin dinne anate ayhan. Anreh ikuwoh unyhan, "yhen nang unsi dinne anasuwu na yin?' ⁹ Nyemmi ipiri anwoh upiyami nang ku pette kuyi kurho kuma kha, zika ukumi kupiyi ajharavuh boko an vere woh, ama guski vang ipayi? ¹⁰ Asa an yha'ahteh awoh khonoka Siri kari usuru ugusku ki vang uri kuyah, anreh ikuwo upiyami nang kupette kurha kuma kha. ¹¹ Ma mi'ahvuh awo zika uyah kupu a za'avuh urarah kupuh." ¹² Anreh iku cho arha kharha a ziku yha kumi, ana yizi'ayhar al jharayi a yhar ami an rise amina, anreh anku rho Asiri ti cirvuh, anreh ankuwoh, "Ti rheyhen iri ikusu ki siyi kina." ¹³ Ima picirah ara jhara apituwa pu kuvendiri, rifighi re yhar rinka zuwayi, anreh iku mise yhan. ¹⁴ Ima vharha anreh iku rheyhe Levi khono ka Alfa kan zomi a tekku sese ko gandu, anreh iku uwoh uyi "dhorkorom" anreh iku cho a dhorkoroyi. ¹⁵ Yesoh imasin rha mariniru urarah ku Levi, anreh ayan gandu nang ayi vang anruva asin rha mariniru nang Yesoh nang a gwekseni ayi, anreh yhar an dorkoroyi. ¹⁶ Aya kavani nang a farisawa an deyhe ken nang isin dha maninuru nang ayi vang nan aya gandu, antura rimsi a gbeseni ayi akuwoh, nyene rene isin dha maninuru nang ayan gandu nan ayi vang? ¹⁷ Yesoh ima pokoro avere ami nang asri anreh ikuwoh uyhen, "aya a wara akuzaku riyi apiwuwa, sai aya asin gbanana aku riyi. In dotuh ruva awar aya awarsi, nku ruva awar ka yi vangk nang ayi uwohno." ¹⁸ Amiseni a Yuhane nan a farisaw ama seri ayira. Arong ayhar an ruva akuwo uyi amiseni a Yuhana nang amiseni a farisawa aseri ayira, ama a piyi azaku seri ayira. ¹⁹ Yesoh imane yhan awoh munkariwo ijam i ango mun ku yhille ayira adhar kami nang ango iri nan yhan? mu zaku riva kuwoh ijamu ango an yelli ayira irim ²⁰ Kadhar kan ruva na ku ango kun zumu kun nan a ijami annu rarise ayira. ²¹ Piyhar iku zaku utunza amakusu mapas izo ama kusu mawus. ²² Zah piyhar inka rene mani mapas iruru ki mahni mawus awae kuwoh kiruru kimi kinka sahta nang mahni kurip, awoh mahni mapas iruru ki phas. ²³ Atuk kasabar Yesoh ima sin jara ana kaph kamasara amisene a yi anreh kweze masara, ²⁴ Afarisawa an vereh uyi awoh tirkiri yene rene asin kweze masara atuk kasabar, akuzazaku rise utuma atuk ka sabar. ²⁵ Anreh ikuwo uyhan, inku rotuh karanta ikusu nan Dawuda ima rise, ima puk igbom nan ayar ayi ²⁶ Annan nnghe urarah ko Sirih, adhar kami na Abiata ihre pi tunzanani Asirih, an tara ama niruru an nyen mu yi urowo ko Sirih, ama kure majir piron ira maniruru urarah ko Sirih ina pi za kure pitunzani Kasirih pitunzanu umi iroyhen amaninuru an dha. ²⁷ Yesoh "I vere awoh, amma yelli atuk kasabar saba nan piyar anzon kuma yelli a piyar awar katuk kasabar. ²⁸ Anreh, khono ka piyar kare piwomo, izo nang Kasbar."