¹ I gura a mise yhon a piti ugbanti kumana ayhar a gwakane ankongsuzuwa nangyi. Anre iku ninghe un kwalekwale kumi kumari umanah azomom. Ayhar ami nasang an yizezene ugbanti. ² Irah mise ayhar atisika un misenu uyi, kikusu nang ima vereh nang yhan. ³ Pokoroni, pikavi ekana ti musu, nanghi mus asa ika vizzah, ⁴ Ima seri timuzu, iron in riksun rina, akinhan mun ruvah a teze. ⁵ Iron imuz in riksun pah, imuzimi in zaku cisza awarku za mayinzi. ⁶ Kadhar kami nang anyhi mocira, anyaki, imuz imi inkizi awarku za itinhak. ⁷ Irong imuz imi in riksi ama saf, masf mami man cho apirku siru imuz imi, in zaku kunza a reksene. ⁸ Irong imuz in riksi amayinzi marip, imuz imi in kunza a reksene, irong akiri anas, irong akiru tasi, irong akiri ri kiri. ⁹ Anre ikuwoh, "Piyi reh atoh i pokoro". ¹⁰ Kadhar kami Yesoh ima ri uteyi Agwekseni ayhi nang a yhar an rivih yi ken na tisika timi tisin jhara makana. ¹¹ Imane yhan awoh, "A yini ama rumi nhi in yakati kusu ki turi kiti womo te Siri, ayah zaku ri nang a yini sai nang ti sika ¹² Ayha aku reyhe ana yizi a zaku tirkinini, a re atoh upokoro a zaku yha'ahte, ana zanken anama kurvuwoh nang Kasiri Kang gusku yhan ivang". ^{13 13} Anre iku veruh yhan awoh, "Inku rotoh yha'ahteh tisika timi"? Ini nang inang ka yha'ahte ati rong ti sika timi? ¹⁴ Pikavi umi ina ire pikavi a vere Sirih. 5 Imuz imi e riksun rina isiyi ayhar ami a pokoro avereh a Sirih, pisifu itu ruvah anre iku kwakare a vereh ami nang yhan. ¹⁶ Imuz imi e riyi unpah, isiyi ne ayhar ami a pokoro a vereh a Sirih atu sere ¹⁷ Arhakharho, a zaku ri ti nhak, atu kwakturuwoh na cini, ipivi nang urere unre ozuwayhan antu nha'oh te tini. ¹⁸ Imuz mi e riksi amasaf are ayha a pokoro a vereh a Sirih ¹⁹ Anre usunuh urikuyah nang an kusu-kusu mu rikuyah mun nhukuyi ukunza. ²⁰ Imuz immi e riksi amayinzi marip, are ayhami a pokoro averveh aSiri a sereni, areksene akiri a tat-tar, nang a kiru tasi-tasi, nang a kiri ri kiri, ki kusu nang a vizzah ²¹ Yesoh iveruh yhan awoh, "In na pe pervuh rha irivak pi chonkhorho ken nang aka reyhe an peze mumi ²² Ba kikusu kimi kiwukununi nang anka zaku rehye kin, ba kusi mi ki turi nang azaku wono kin, ²³ Piya ire a toh ipokoro." ²⁴ Anre iku veruh yhan awoh, "Riseni matohroh inkusu nanghe pokoro, kuyangi kumi nang pe runtunem kun nang anka runtunevuwum, aka pirevuwum. ²⁵ Piya iri na aku pireyimim, piya izaku ri, ki kusu nang iri an kwakare apire piyi ri a gwakane ²⁶ I gura vereh awoh, "Tiwomo te Siri ti siyi ne piron e muzu ivir a jhas, ivir in ruvah a cira a kunza izaku yha ken nanghe rene a cira. ²⁷ Kajhas kaku rho u amfani ucinnu ure ki kusu ki zoni. ²⁸ Mayinzi ari tiriman maku rho u amfani. ²⁹ Inrhe evinti areneh ayizi a gbanghazi, in kaka rhe eyhanha, anka cesuvah ke u ramziya ahrhakhrha, kasassamma ka ruvah ken. ³⁰ Anre iku gura woh, "Yemmi nang ten rasa ti womo teh Siri?,boko tiriki tisika nang ten miya?" ³¹ Anre ikuwoh, "U siyi ne pitira pu mastad, pin pi piri ko piriki pi tira unyis un rikuya. ³² Akure a virah pin pin kunza a pirka na ti na sang, a rise ipa'ah igwakazi, ankinhan mun kara nafsa a rharha mun in pa'ah imi. ³³ Ima vervene tisika a gwakane daidai nang ku yha ku yhan. ³⁴ Eku zaku vereh a rong sai nang tisika timi apituwa, eku mi'ah a gwekseni ko ariki anang. ³⁴ Atuk karakan amarong iwoh uyhan, " Sai ti wrakkwa un wrakkwu rih" ³⁶ Anre anku jhighi rifi'ihi reyhar, adharkoroyi un jirgi kumi, marong ma jirgi man ri nang yi. ³⁷ An menze a rheyhe a yiri nang uvunu un cho arah ca'ahtah yhan, kujirgi kumi kun kara kozzoh ³⁸ Yesoh imaraka zomiyi ama rasa mu jirgi, akara nhon amara,anre anku ka conneyhi, awoh uyi, "Pigwekseni, ten kizi pi kizifu. ³⁹ Anre iku semi ra nyakazanu un vunuh, anre ikuwo venderi kumi, "Varah, akizavuh" uvunhu umi un nomo kate'eh kang ka wan na rikdik ⁴⁰ Anre ikuwoh uyhan, "Yene rene in pokoru kau, har ne kini inku zaku ri rivin rimi?" ⁴¹ Anre aku ka pokoru kau akura woh anati'ayhon, "Wami inuruh nang u vunhu nang venderi aseriyhi matini?"