¹ Amara takani atuk avah anrise u'idi urakwanu nan kutanda kufhakzhari mazu yis aya yhap ticurvu tima firisoci nan amiseni ataura ansu rinshi kenna anzuwa upuru Yesoh ntuwa awar kuwo anwunyi. ² Amah sih vervene, anka zaku reh adhar ku'idi ''awar kuwoh ikuwa inkasu joh inung ana yhar'' ³ Yesoh imah rih Nbetani inung urara ku siman (saminu) pigwanura, adhar kami nah imah senrha mariniru izoh ntarkazan, anreh pinyo iku ruva nan yi ayhap manuk mikorwo anreh pinyowo umi iku wonoh igonso kimanuk mani ahara Yesoh aritih. ⁴ Arong inung hyan ansu naze nasuwu asi vervene inung uyhan akuwoh, ''yenmi erene pinyowo uru isih nekse manuk ma? ⁵ Manuk ma amanan zizi man inkorwo igwaki ahanza ikorwo imi nah aya tikanci'' nah yenmi iri matini manang arah. ⁶ Anreh Yesoh iku vereh, jini pinyowo urunahm yenmi erene insi gborkoze yi? Pinyowo uru imah rise ikusu kiriif awar kanang . ⁷ Enkutu rih nang aya azayhan, ana dhar na vaktazi innan kayuku kana yhan areh mini innan kaku zaku nyen mih. ⁸ Kikusu na pinyowo uru erise kiriif, imah zurehm awar ku kafsanu unang. ⁹ Rivin insi misini, afek na anka kusu miseh avereh Asirihm urikuya nasang. An kusu mu na pinyowo uru imah rise anka ku dinne yi awar kamuhn. ¹⁰ Adhar kana Judas Iskaroti piyhar urha ana gbekseni a Yesoh ikana nan aya gwakazi amafirisoci awar kuwo irinyhan Yesoh. ¹¹ Kadhar kami na aya swakazi amafirisoci imah pokoro avereh amah rene righarha nagbing, an miyayi awa an royi ikorwo.Awar kuwo iru yhan Yesoh, rah ringhi urina unu nang enzuwa Yesoh awar kuwo iruyhan. ¹² Atuk kazohn kutanda kufhawari, mazu yis nan uhadaya ugahm ku'idi urakpanu, agbekseni ayi an vereh uyin, ''Iki na tens napsa mariniru mu'idi urakpanu, awar kuwo peka rha mariniru mu'idi urakpanu ¹³ Imah vereh nan agbekseni ayi avah ''jarini inung urho inan kamana nan pirong uyhar iyhap Isivi kima mhasi. ¹⁴ Dorkoroniyi kurarah kumi na enighe innighem, a miya piyu rarah kumi awoh pimiseni evereh'',''kurhahha kupi jhan kunsi nan ikii nah enrha mariniru mu'idi nan agbekseni ayi?'' ¹⁵ Enka ka Sah ini urhahha kumi na amah napsa atara awar ka pijhan, keteh mih nan innanka napsa mariniru mamihm. ¹⁶ Agbekseni ami amah jharhayhan inung uroh kumi, azuwa ankusu mumihm nah Yesoh ima vereh mutu riken, agbekseni ami annu napsa mariniru mu'idi kumi. ¹⁷ Morong mamaka wana iruva nang agbekseni ayi rikiri ana vah. ¹⁸ Adhar kami anmah zonzono u sinrha mariniru untarkazang Yesoh Ivereh uyhan, rivin,'' piyong inung uyin umi isinrha nan mini yi enka Zizihm Yesoh ivereh ken''. ¹⁹ Imung uyhan anra pok ukhau, piyallu iku rivi, piyallu irivi ''anka ruku zang mini?'' ²⁰ Pirong inung yin ari kira anavah, piya isih jopkozo acara kayi nzikanu ufhawari inung isep kimi nan insih rham areh Yih-Yesoh ima vereh yhan ken. ²¹ Awar kuwo pivezene upiyhar endorkono urina uru kenna avereh Asirih ama vereh. Anang ama yimahm nan piyhar umi ewana resohn ruh zizinu upi vezene upi yhar! kupiri, yi unrif, anama roto rehye yi'' ²² Adhar kami na amah simrha mariniru, Yesoh izika ughawari arene ri'an ririf mihm, anreh iku gbevereh, a hanza yhan, avereh nan yhan ''senni areh ripuhm rinang''. ²³ Anreh iku zika iriri kima mhasi a tamana Asiri anu hanza yhan-an seze inung, ayhan nasang. ²⁴ Anreh manyo manang mamatazzana kuwo mahn na nma wara awar kayhar adung. ²⁵ Nsu misini rivin, mahn ka zaku pinana asoh ama mhasi minabi-usonu uma mhasi minabi mapas mahn karayi inhari izo atek katiwomoh teh sirih. ²⁶ Adhar kami na amah sipsa usiva, amah jharayin upana ku zaitun. ²⁷ Yesoh imah vereh uyhan, Nasang kuyin innan ka sotoh ajimihm,' awar kuwo amah nyakara, mahn ka vapkwa arihani ami, uviha umi anka sotoh'. ²⁸ Mahn kareh maco, mahn ka zongoro ini unGalili''. ²⁹ Bitrus ivereh awo, ''inna a sotoh nasang, mini mahm ka sotohm''. ³⁰ Yesoh ivereh yi awo, ''rivin nama miya vu, Inung atuk kana, kowoni konka kun kokoreh tivah, penka ma vonovu mihn titar''. ³¹ Anuh Bitrus Iku vereh, ''Nna mahn kha nan pu, manka zaku vonohm vu'' Nasang kuyhan rikiri amava an rumeh nan ken. ³² Amah ruva atehe na aku kahha ugetsamane, anreh Yesoh iku vereh na agbekseni ayi, ''zonzononi ini sa nka tanzana Asirih''. ³³ Imah zika Bitrus, Yakubu, nan Yuhana nan yi, anreh iku ra ziwari nan ku pok. ³⁴ Anreh iku vereh nan yhan, ''kasu u kanang kara pok ukhau, amaka rava anha ku kha. Yhazha nah ni ina aka nyen''. ³⁵ Yesoh anreh iku ranguruwo yi nah tini, atutu ajhas, atanzana sirih awo anareh usunu ureh uzuwu, anan cuwune adhar ka nan mini. ³⁶ Yesoh ivereh, ''Abba,Titah, ankusu moku wana ken nang puh''. ³⁷ Inan guru azuwa yhan an nonzi an mara, anreh iku vereh nan Bitrus ''Siman Pinohn an mara? pima ka zaku nyente adhar karha? ³⁸ Kanyen akan tanzana Asirih sa pisuka ninghe inung un gbekenu. A rivin mazir masuwu masuni, areh ripuhn rizarin awara''. ³⁹ Igura jarayi aka tanzana Asiri, agura guzzu ana vereh a zoni. ⁴⁰ Igura guru azuwa yhan an nohnzi, awar kuwo ayizi ayhan amah zivi awar kan mara zaku yha kikusu na an vere Yesoh. ⁴¹ Ima na guru atar avere uyhan, ''Inku rotih nohnzi an mara nan maronsono? nagbing!kahdar kama ruva.Tirkiri! pivezene upi yhar ama ziziyi ana cara nayi vang. ⁴² Coni ti jahriri Tikiri, piya en zizihm ira pitih''. ⁴³ Imah roti ri inung ana vereh, Yahuza kurha inung a rikiri ana vah, inan guru, rivihi reh yhar adung an ri nan yi nang natang anramah, aya gwaki ana Firisoci nan ayu yha ataura nan aya curvu. ⁴⁴ Adhar ka yi Yahuda imah maroyhan avere awo, ''piya na maka tutu yi a kwaska yi anha, yi ireh piya mi. ⁴⁵ Yahuda ima nan guru, anreh iku rene a rhakharha akan nan Yesoh avere awo, ''pimiseni,'' anreh iku kwaska yi anha. ⁴⁶ Kadhar ka na aya narowo nami amanu puru Yesoh. ⁴⁷ Pirong inung uyhan yhazi apiti anre ikutu cirdda atang apehe api rehreh ufiris kugwaki utoh. ⁴⁸ Yesoh wereh uyhan, ''inku ara kenne inku zuwa pituwu ugwaki, nang natang nan anrama awar kuwo in zikahm? ⁴⁹ Nma ri na ayini atuk-atuk ana tek kama konsuzuwo mayin, inroto puruhm. Anank ara awana kini awar kuwo avere arah ami an korh. ⁵⁰ Aya ama ri nan Yesoh ama soto nasang. ⁵¹ Marong mazhara mamah mapuwunu ufuh ari puhm rimahn, adorkoroni yi Yesoh adhar kami na amah puru yi. ⁵² Ima ji ufuh kumi na ima puwunum, a sumu yi ukwatkwat kurok. ⁵³ Ama zika Yesoh ajaha nan piya curvu uma firis. Ama konsuzuwo nang yi awomo ama firis, naya curvu, na aya uyha ko taura. ⁵⁴ Bitrus ima dorkoroni yi ama ranga ni, azomi inung ama gwaseni, amih, ama piti nan urah asin viska. ⁵⁵ Aya gwakazi amafiris nan majalisa mu Yahudawa mahn ma konsuzuwo asih ringhi ikusu nan anvere ku naze Yesoh, awar kuwo an wuhn yi, amah roto zuwah Iramwa kiyikin ariti riyi. ⁵⁶ Ayhar nagbing ama yendeze avere icotti ariti riyi, avere ayhan amah roto zuwa urumenu. ⁵⁷ Arong ama cho a yende avere icotti ariti riyi aver awo, ⁵⁸ Timah pokoro yi iku vere awa enka hirki urarah ko siri kumi na asuwu ana cara, inung amatuk atar manka suwa umanzu kumi na aza kure ana cara na asuwahm''. ⁵⁹ Inung ana vere ayeni ayhan amah roto zuwa urumenu. ⁶⁰ Piya gwaki umafiris iyhazene atetih ka yhan arivi Yesoh ''piza vu ikusu napen mane yhan? Yenmi nah ayhar ara asi vervene ariti ripu?'' ⁶¹ Imah roto mane arah kiziyi piya gwaki umafiris igura rivi yi a vere, ''piyi pireh Kristoh, pivezene upiya ritau ririif?'' ⁶² Yesoh imane awo, ''Areh mini;penka rehye a pivezene upi yhar adhar kami na ezomoh acara kurham kapiyu ikoh enka gura toro nang mayiri mizoh. ⁶³ Piya gwaki umafiris iyirha makusu mayi anre iku vere ''Tiku rotisi ringhi pirong. ⁶⁴ Inung pokoro ankusu muyimuhn mumi na imah rise, yenmi nan innan vere? Nasang kuyhar an mane awo ima hama uwo an wuhn yi. ⁶⁵ Inung urong anrah cide yi ritau ari puhm riyi, atuzzu anyen muyi akura mwille yi-avere uyi awo miya iri piya emwille vu'' ayu na rowo amah zika yi aka vava yi. ⁶⁶ Bitrus ima ri ajhas karari, uyhani urha upiya gwaki umafiris iruva nan yi. ⁶⁷ Pirereh uyhani umi irehye Bitrus iyhazi Isi viska, anreh pirere uyhani uru iku tirkiri nahaah, anreh pirere uyhani uru inu vereh piyih ma pima rih nang Yesoh Banazarat''. ⁶⁸ Bitrus evere unroto rume Nzaku yha vah nyhaghatake ikusu na pisu vervene ukin. Anre ikutu cira arari. ⁶⁹ Anre pirereh urinni kami igura rehye yi ara vervene na aya ayhazi atemi ''piyhar uru iri inung uyhan!'' ⁷⁰ Bitrus igura vereh iroto rume. Adhar ka cini aya amah yhazhazi an vereh nan Bitrus, ''Areh rivin piri inung uyhan awar kuwo pima pire piyu Galili''. ⁷¹ Masiri, nzaku nzaku yha api yhar umu ruh nan insu vervene ariti riyi, '' adhar ka imara rise ritan riyirin ariti riyi. ⁷² Kuwoni kumatu kokoreh adhar ka-ukokoronu oh vak. Anre Bitrus ikutu yhaghatake na avere ami na Yesoh imah vereh yi, ku kuwoni konka kun kokore ti tar, penka ma vonovu mihm ti tar'' Anre ikuti rihiyi nan kasha.