¹ Yesoh ima sin jara atek kamakonsuzuwo ma Sirih urha ana gbekseni iwoh, "pimiseni" "rehye urif akwang nan urif uma suwa ma". ² Yesoh iveruh yhan "en rehye masuwa magwakazi ma? zah rikwang rimin nang anka jharinmin upijami nang anka zaku nurkarah rin." ³ Imah zomah arikwang ruzetun ama piti atek kamakonkuzuwo ma Sirih, Biturus, Yakuvu, Yohana nan Andarawus an rivi yi ntuwu, ⁴ "Miya iri, kawanpa nan an kusu mu, mon koroh? yemmi ire alama adhar kami nan an kusu mu mon koroh?" ⁵ Yesoh imah veruh yhan, "Inka vara awar kuwo pirong isu wurih ni. ⁶ Ayhar nagbing anka ruva inung arizayi rinang avereh awo, inreh Yesoh," anka wuzze yhar agwakaneh. ⁷ Nna peh pokoro riwuma nan kasha kinaha kariwuma, su naze suwu ankusu mu monka wanza an zakure marara mu rikuya. ⁸ Ayhar anka wantuwo na ayhar, tivomoh tin wantuwo nan tiwomoh. Mayinzi manka satazana ana tehe na vaktazi, igbom enka korono. An kusu mu mureh usemenu uma piyah mu rehwu. ⁹ yhazi na kwas. Awar kuwo anka jayi ni atek kamateh, anka vavi ni atekka makonkuzuwo Anka jayi ni na aya gwakazi nan awomoh awar kanang Yesoh. Awar kuwo en vereh rivin an nyen mu yhan. ¹⁰ Asirih an nihyi inung urikuya nasang. ¹¹ Apusi ni ajayi ni atiwomoh, suhni pokoro ukau inkusu nah penkakavereh, awar kuwo adhar kami penka zuwah ikusu na penka vereh. Azang piyi penka vervene, areh Mazir Mavur manka vervene. ¹² kangka roh kommina awar kuwo an wunkan, putu enka roh khono kayi, nhono nangka r aputi rise aputi ana yak arene awo an wunza yhan. ¹³ nagbing anka vono yhan vu. Piya ekwakturuwa aka rava mararah yi enka nighe urara kunang ko sirih. ¹⁴ Nna pe rehye ikusu kiyikin kire atek kami na ki zaku reh kinka yhazehm (Pinyakarani kayha) Aya ari ama yinzi Yahudiya an sumana makana upana, ¹⁵ piya itarkani izo urarah ikasu ka toroh anighe inung urarah, ¹⁶ piya iri arimi ikasu ka guru urarah awar kuwo izaku rhi makusu mupuhunuhm. ¹⁷ Ipivi makana na aya arizi aviri na aya asi waskaze nhono adhar kami. ¹⁸ Tanzanani Asirih anang arah anka zaku ruva inung ariwus. ¹⁹ kadhar ka anka sezu urereh upiu na gbing umi nah aroto nanah seze umuzu ni cettu ken na kasirih kama napsa urikuya, zah iniuzi ipivi ipiu iri na anka pinana ariseh. ²⁰ Nna Kasirih karoto tuza utuk arah, Zah pirong umi enka ara. Awar kaya ayhazi na kwa mateskeru masirih, Kasirih kanka tuza atuk ami. ²¹ Inna pirong ewoh tirkiri, Kristoh inuruh yah tirkiri inuri! su rumeh nan ken. ²² Awar kuwoh ayi cotti Yesoh nang ayi cotti vereh Asirih anka cira nang alama nang urisenu ankusu muti rumi, awar kuwo an wusze yhar mapuk makana nan mateskeru masirih. ²³ Kayha! awar kuwo imah miseni ankusu cetti rhosi. ²⁴ Nna erereh upiu otuk ara oh vharha anka sirhine annyi, upih onka zaku rho anpezeh. ²⁵ Anreru monka riski, ankusu magwakazi nan usuru umi urizo onka zikuruwo. ²⁶ An kanu rehye a pivene upi yhar amatoroh inung amayiri nang usuru nan mazir. ²⁷ Enka rene amaleku mayi awar kuwo man konkozo amateskeru mayhar ayi ana kuva na nhas nu rukuya, amararah murukuya amaka rava amarara mizo. ²⁸ Gbekseni aramah atuh karos, nna tivah tukan tira gwarsuzuwa agura rah cizaza ativah tipas, piyhaghathake awo riwus rira piti. ²⁹ ka dhar kami nan enrehye ankusu mu munsi koszo, in yhagatake ira piti atohworong. ³⁰ Nsu misini rivin, kuyeer ku kon zaku wuru ankusu mu mun roto wanaken. ³¹ Izoh nan kajhas kanka wuru, avereh anang anka zaku wuru. ³² Amakana atuk kami yah kadhar kami zah pirong iyha, zah maleku mizoh, vah pivezene areh putu uteyi. ³³ Kayha agura kanyen, asih tanzana Asirih, awar kuwo piza kuyha adhar kami na enka guru. ³⁴ Anang ami asi apiyhar umi ejarayi njaru, aji urarah kuyi amacara na rehreh ayi, arukse yhan utuma anatih, anreh iku miya pinyenteni ika suka taka anomoh anmara. ³⁵ Tuken inka zomi ayha awar kuwo inza kuyha adhar kami piya qwaki uyin enka guru urara; anka reh amorong, var kateteh katuka amakokoreh muh wohni, vah umhappwu. ³⁶ Su rumeh eka ruva adhar kami napi zaku yha azuwa vuh pinohn anmarah. ³⁷ An kusu na ma miyini maku miya kowammi: Inkanyen!"