¹ Anreh Yesoh ira misseh yhan atisika avereh, ''pirong urumi ima kavah arimih, kan tsege, anreh iku Wuzza arimih kami amasagha, agura koho a whok. Anreh iku suwa urara kupicighi, anreh ikurho a kavih ugingina arimih kami. Anreh iku jarayi unjaru amayinzi marangani. ² Kadhar kan wana, I tumah api rereh uyi nang akavih ami anka ser anki nonoh mo tih inung a rimih kan tsege mumi. ³ Anreh kuzikayi, avavahyi, a zovuhyi zah kiranwa. ⁴ Igura pitumah pimanzu rere, Anreh ku risehyi ma kha aritih zha ugwar. ⁵ I pi tumah pimanzu, anreh anku wuna yi. Anreh ku riseh yhan nasan ken, asin vavah yhan akan wunzza arhong. ⁶ Iri piyar urha umi nang entumah, pivezeneh umi nang isuni.Yi ima reh piyar uwuri umi nang etumah yi. Ivereh, ''An ka tukuruwo apivezeneh unang''. ⁷ Anreh a kavih ami anvereh anatih ayhan ''magaji manma. Ruvahni,ti wunyi, anreh tiku zikka nasang wana iwuri''. ⁸ Anreh kupuruyi, awunayi, atanghaneyi inung arimih. ⁹ Neh kini, yemmih nang piyhar Kaf Kami enriseh? En ruvah awunza akavih ami anreh iku rho arong a yhar arimih kami. narong. ¹⁰ Inku rotoh ma rehnze avereh arah? ''Rikpang rimih nan pisuwi evonoyi rihn, rima wana kuzik kurikwa. ¹¹ Anankara aku ruvah nang kasiri, enma wana kikusu kiri ghara ana yizi awuri.'' ¹² Anreh kurinyi uwo apur Yesoh , anreh ku pokoro ukau urifiyi reh yhar awar kuwo ima vereh tisika amajagari nang yhan. Anreh kuji yhan mim ajarayhan. ¹³ Anreh kutumah arong afarisiyawa nang Heridiyawa asa anzuk yi nang ivang inung anavereh yi. ¹⁴ Amah nan ruvah, avereh uyi, ''pi misseni, tiyha awo pipuk nang avereh awuri na sang, agura suni kowami piku misse rivin revereh Asiri kun korivah uwo piyar irhu u haraji nang kaisar, Voko Zah Ken? Tih rhu Zah tisu rho. ¹⁵ Anreh Yesoh Iyha asuwu kayhan, anreh Iku vereh unyhan, ''yemmi erene en gbekehm? isule asa inrek''. ¹⁶ Anreh kuyende pirong nang Yesoh. Ivereh uyhan, kutondong ku wammi kunku?'' Anreh ''ku kaisar''. ¹⁷ Yesoh Ivereh, ''Rhoni kaisar ankusu mureh moh sirihi'' Anra seri amina. ¹⁸ Anreh a sadukiyawa ami a vereh awo Zah ucononu oya kizi, an ruvah nang yi. Anreh ko rivihyi, akuwo, ¹⁹ Pi misseni, Musa ima nyakkaraka iri, awo, Idannang ka kommina ka pirong ka kha a jigi pinyho uyi, amma zah yi khono, kommina kami kanzika pinyho umi a yirrah, asa an reksene nhono na kommina'. ²⁰ A komini amaravu pivigape zhon piya zhoni Izika pinyho anreh Iku kha, azayi nono. ²¹ Anreh piya a vahk Iyirayi anreh Iku kha, azayi nonoh, anreh piya tarmakyen. ²² Ayhar piviga pe zhon kumi ankizi zha nonoh. Ariwuri, pinyho ummima i kha. ²³ Un cuhnu matattu, innang areh a cuh kuma pinyho uwammi nang anka kangdeyi? Awar kuwo a kommini pivigapezhon kumi ama yirayi. ²⁴ Yesoh i vereh, ''kuzan kikusimi nang isin wuzzu, sabonang in zakuyha amaverveneh ma siri zha usizazu ukan? ²⁵ A warkowo inang a cuh daga un matattu zha ujaganu Irunga, zha uzikanu irunga, Anka suwa amalaiku mi zho. ²⁶ Ama kain nang ayamakizi ama gura cuh, Inku rutoh makaranta amanyakarana ma Musa, Avere inung a rimi, kennang kasiri kama vereh unyi ako, 'Mini inre kasir ki brahim nang kasir kishaku nang kasir ka Yakubu? ²⁷ I zakure kasir kama kinuru, Amma ka yhar awar. ²⁸ Pirong Inung ana nyakarani i pokoro avereh ayhan, Anreh Iku regeh Yesoh ima mane yhan.Anreh iku rivih yi, ''uriki u doka ure ugwaki nasan?'' ²⁹ Yesoh imane yhan, ''u doka ugwaki uni ure, pokoro, Isari'la, kasir ka wuri, kasir ka rha. ³⁰ Innang suni asiri ka yhin, nang sughu,nang untunani uyhin, nang usizazu uyhin.' ³¹ U doka uvahk ureh, 'suh a jagu ozhom kennang pisuni aripum ripu'. Zha urong u doka upire uruh.' ³² A nyakarani an vereh, ''pi misseni urip! pima miga rivin awo kasir kare ka rha, kuma zha pirong saiyi. ³³ Suh kannang kasughu, nang kuyha nang usisazu, nang kuma asuh ajangu ozhom kinne rippum ripigi, upiri uhadaya umi nang aku pukso. ³⁴ Adhar kami nang Yesoh ima mane yi avereh arip, I vereh unyhan, ''In zaku ranghani nang kurara ko siri''. Bayan ken zha piya epi rivihyi arib kuma. ³⁵ Yesoh Ima mane, kennang ima sin misse yhan inung un Haikali, avereh, ''Ini nang arene anyakarani an vereh awo Yesoh ire kono ka Dauda? ³⁶ Dauda aritiriyi inung amazir marip, ima vereh, 'Kasiri kama vereh asir kanang, zhomo a cara kannang kurham, sai unku reneaya zayhanusu upi ana vinah napu.' ³⁷ Dauda aritiriyi ima kangdeyi 'kasiri' ini nang Kristo eka wana pivezene u Dauda?'' mapuk mayhar manra seri righarha ara pukyi. ³⁸ Inung un missenu uru Yesoh ivereh, ''vasanani nang a nyakarani, ami a suni ti curvuh aku jara inung unkasuwa asa an sumaze yhan. ³⁹ Agura suni atek kazhom kaya gwakazi inung amajami'a nang na teghe nubuki. ⁴⁰ Angura vurho amarara mamah kumbu, aku yelli adu'a a kwangazi don a yhar anrek yhan. ⁴¹ Anreh Yesoh izhomo ajaz amapati I wavu ki baiko inung un Haikali; Anreh Iku tirkini kenang ayhar asin pekse I kurgo inung in wavuh Ayi kurgo an risse na kungdi ni kurgo. ⁴² Anreh ku kumbu kumi ku zakun i ramwa kun ruvah apege ama nini mavah, mazaku ravih unera. ⁴³ Anreh iku kangde a gbekseni ayi avereh unyhan, ''Nsin missini rivin, ku kumbu ku, kuma reneh ikusu ki piri ki kowammi inung in wavuh ki . ⁴⁴ Domin nasan kuyhan anku raka Inung inkusu nang ari, Ama ku kumbu ku kun ku raka inung unzha, kuma rho Ikurgwo imi nang kunvoh mim.