¹ Nan aruvah u roh ku Urishalima arah pati nan ku Betafaji na ku Batanya upana ku zaitun, Yesoh ituma a nono nama jamborono ma yi ² a miyah nan, "kanni uroh kuri a pi zuwa piri nan a wuri. In nan kara inke nnghe inung, in nan ka zuwa u zenku na tuwaniyan mi. Vinzini kun a yendhe mini. ³ Pirong inkare e rivini awoh, yen nan in seri ken? In migha yi piwomo iwo an jagha yih kun, in ka guddu kin arahkarah ina. ⁴ Amma jarayhan aka zuwa u zenku ku kun sisizi a toworong uyha un rina, anreh ku zinzi kun ⁵ a rong ayhar ama yazai a pati a teye mi, an vere uyhan , yen nin sere ken, vinzini uzen ku ku? ⁶ An gura guddu yhan ikusu nan Yesoh ima miyayhan, ayhar annu jiyegh yhan mi an jara yhan. ⁷ Nun nama jamborono na vah nan nu yende Yesoh uzenku a dorkoro vasa atisoko ti yhan izo uzenku, awar kuwa ituk azomo ⁸ Ayar adung, an vasa tisoko ti yhan un rina, a manzu an vasa arivah ri chauren ina ti na amma pongho ana rimi ⁹ Ayha zongoni yi, nan ayhar ni yi atini, nan ku a manzu ayhar ana seri, ugwongori kiri yingh "muriken. Anreh pi ya matini in ka ruva inung arizayighi ri piwoma ¹⁰ Muriken, ire piwomo ire piwomo uven ku tita uwuri Dauda murikrn izo. ¹¹ Yesoh inu nnghe inung Urushalima a verah inung a masuwah murangha ko tenzu ku Siri a tirikiri an tek tekyegh, kini kimi ka dar kam maverah, ire ira adu varah kanayi. U Bethany nan nono na yi na ma jomborono ri kiri a non navah. 2 Rikata rima vurka, an ma ja Betunya iri pok igwom ¹³ I zakpa ayizi areyegh ati ku Sanghist ka ri riva, ikakottoko ako ba an zuwa isumuru en Sanghist nan e kottoko u Sanghist kumi avizah an Sanghist ataka ariva a war kuwa amma zan ka dar kan Sanghist ¹⁴ Ivereh u sanghist kume, ''pi rong en pi nana zuwa an sanghist nan piyigh''. Non na majomborono ma yish nan pok yish. ¹⁵ An ruva u urushalima, i ningheh uranghah a ninghe ku chizazah ko zizini nan a zemzem (Ayapize) inung uranghah ko siri. Imma yikwere ana vira na tek na zom na ya a seri pize tina puktu. ¹⁶ Ima vono yi rume api rong uwo i zika i rangwa ku zizi. ¹⁷ Inu tiyigh yi un misani u yan, i Nyakarani, i ku rara kunang aku kangha awo ku rarah ko tenzu, awar ku rikuyah nasang? Ayini in ma guddu kun kan wanna kurara ko tuwu. ¹⁸ Aya chirvu ateyesh nan a Nyakaram a yan an pokoroh ikusu na ima vere, an ringhih u rina umi Nan an wuna yi. Amma riken a pok ikan ayar ma a rume nan majomborono mayi na isi mise yen. ¹⁹ Morong mama wana, an jah uroh kumihm. ²⁰ Amma mokkwo a zika a jaru, a reyegh usanghist kuma yetle a rah rokzo a makana ti nak. ²¹ Bitrus i dinne a vere, ''pi miseni u majomborono mawuri, reyesh! kusanghist kumi na pi ma vere kun anah, kuma rowoh''. ²² Yesoh i mane yen, Renni sowu nan ka sirih ²³ Avere arivin nan si misi ni uwo piya vere upana kuna, 'chovu na aka palle u vendere (kaging) a zaku vi aron ka sasa a suwu kayi, ande iku rume ana ra nan evere, anang me,An du wanken ki kusu Na ka siri rume en wane ken. ²⁴ Awar ken, in si misi ni: ko yen nen tanzana a rivi (aringhi), ki kisuni ken wana ki yin. ²⁵ Inne yazaneh a tanzana a rume awo in zayin rangwa nan pi rong awar ku wo Tiu izo siri yi ma ima nekere ivang mi nan imma rise''. ²⁶ Inne vonini nekere ivang, Tiu izo siri inka zaku rume nekere ivang iyin. ²⁷ Amma guru u Urushalima. Yesoh isi jara inung uranghah ko tanzu, A ya chiru nan a Nyakarani a yan nan amanzo ya chirvu an ruva nan yigh. ²⁸ An vere u yih, un riku siru na pi sere a nang arah (akusumu) Wan ire piya na pi nurwamin na Isi rukseve siru u rise ko nangha me rah?'' ²⁹ Yesoh i mane yeh awo, man rivi ni arip ka rah, miyahnim, miru in miyighi ni, a tek na usiru u rese kon kusu nan sere, nan piya nan nurwanim. ³⁰ Mazura (ku Baptisma) ku Yohanna, kun ku wari izo a siri ba na nang a ayar? mananim''. ³¹ A yar rah a ningha masara ana ti ayen, aku vere, inna ti wo iku wori izo, inna tewo iku wori izo, inan wo, Na yene rene in voninu rume nan yi? ³² In na ti wo, iwori nan a yar, an pok ukau ayar arume nan Yuhana, Pitimi nan pi ververi o giri. ³³ Annu mane Yesoh awo, ''Ti yah iri.'' Yesoh inu wo u yen, na mini man zaku miyi ni atek nan usirin urise an kusu nan nsere musi chizzam.