¹ Unmamkpi na fit, aya gwakazi anmanuwo nang ayhakarani nang majelisa mu Yahudawa. Anre kusisi Yesoh azika yi.Anreh kujagayi nan Bilatus. ² Bilatus Irivih yi, ''pigi pire piwomo o Yahudaw?''I mane yhan, ''kenang en vereh'' ³ Aya gwakazi ami ansin rukseh Yesoh Ivang. ⁴ Bilatus ima gura riviyi, "Pi zaku mane?" "Rhehye ken nang asin ruszevi vang" ⁵ Anre Yesoh iku zaku maneyi Bilatus, anre iku pokoro amina. ⁶ Adhar ku Idi, Bilatus iku cidda yhan pireru rha, umi nang a suni. ⁷ Inung ana reremi, nang ayu tawaye nang ayu wunza ko yhar, inung ana yhami aku kanghne pirong uyhan awoh Barabas. ⁸ Mapuk mayhar man ruvah nang Bilatus asin rifsiyi asa irise ken nang iku riseyhan ⁹ Bilatus imane yhan avereh, "Inku suni in viskinini powomo Yahudawa?" ¹⁰ Imah yha'ahte awoh, erise ken anre ikuma yha'ateh awoh awar kari puvuh a zika Yesoh a rhoyi. ¹¹ Ayha gwakazi ami an nitazeh ama puk mayhar anra seri wuhm akura woh an cidda yhan a Barabas. ¹² Bilatus ima gura rivi yhan, "Yhenmi naman rene nang piwowo Yahudawa?" ¹³ Anre ku reni wuhm avak, awoh "Anmankareyi" ¹⁴ Bilatus ivereh unyhan, "Iriki vang nang ereneh?" Anre ku reni wuhm a gwakane, "Anmankareyi." ¹⁵ Bilatus imah suni awoh mapuk mayhar man pokoru rhentu, anre iku viskineyhan Barabas. Anre iku vavah Yesoh aroyhanyi asa anmankareyi. ¹⁶ An soja mun zikayi ajha'ayi a tini ku rho, {Kare katek ka gwaki ku gwamnati} anre ku kangneh an soja muhn zikayi. ¹⁷ Anre ku reneh Yesoh makusu matiwomo a gura gisi rikar rimasap areneyi aritih. ¹⁸ Anre kura tukuzuwo anyehnmuyi, awoh "Sannu piwomo Yahudawa" ¹⁹ Anre ku vakkwayi riti, agura catkazeyi matau, anre ku tukuruwa ayhenmuyi, awoh a seriyi usumazu. ²⁰ Kdhar kami nang a ruru cezzehyi, anre ku cuwuneyi makusu mami anre ku reneyi mayi. Anre kuzikayi aka mankareyi. 1 Anre ku masa pirong isin vazzhanoh, ama cira ama rong mayinzi awoh izika ugiciye ku Yesoh, rizayi riyi na ako Siman i wori unkurane putuh Alizanda nang Rufus ²² An soja mun ja'ah Yesoh arongkate'eh na aku kana awoh Golgota, {Wato katek kama konkomi}. ²³ Anre ku rhoyi mani mi nabi nang u mur ivonohyi usuh. ²⁴ Anre ku mankareyi a zika makusu mayi a vavih cacam, asa akayho ko kiriki soja ken zika. ²⁶ An nyakaraka unti kumi awoh, "Piwomu Yahudawa" ²⁷ Nangyi ama mankare a tuwu avah, urha acara kayi kurham, umanzu acara kayi ku giri. ²⁸ Avereh a Siri ama koroh, ama manehyi ana yhar ami a zaku ri matini. ²⁹ Ayah amasin vahzzahnoh an surayi, asin ji'ahtatih, akan verveneh, "Pewoh penka u yirki u Haikali agura suwa ana tuk atar" ³⁰ Kana ritih ripuh mana a toroh daga atek na pi mankari. ³¹ Ken nang ayah gwakazi ama Fristoci asin surayi inung anatih ayhon, ayhon nang a nyakarani, ansin verveneh, "Ima kana rong, azaku susku kana ri tih riyi". ³² Asa Kristoh piwomi Isra'ila itoroh aworu giciye, asa tih rhek a rume nangyi, ayha nang ama mankare yhon nangyi, ayhon ma an vatahyi. ³³ Amare katengtehyi api khorhyo piri kiri ativah, marirni mang wana amayinzih mani aka jha'arih pikhorhyo petar pimarong. ³⁴ Api khor'hyo petar pimi, anre Yesoh iku zhakkhwa rihyi awoh, "Eloi, Eloi, Lama sabatani?" Awoh, "Asiri kanang, Asiri kanang, yeneh reneh pi kurvem atinih?" ³⁵ Arong ami ama yhazi apokoroh anre kuwoh, "Pokoroni isin khagha lLiya" ³⁶ pirong uyhon ima sunghe aka toghu soso amanimasir mu nyam-nyam,anre iku cokokun atih, arohyi asa isuh, anre iku woh, "Sa tirek boko Iliya imi enruvah a toddoyi" ³⁷ Anre Yesoh ikutu zhakkhwa riyhi unsiru anre iku kha. ³⁸ Kulabule ku Haikali kun ka pattah tivah daga izoh aka toroh ajhas. ³⁹ Anre kisoja kimi kima yhozi ayhen yhi Yesih kenang ekha, kin woh, "Rivin pihyar uru ireh khono Kasiri". ⁴⁰ Arong ayhowo ama tirkinini ikusimi ke wana a ranganani, inung ana yhowoami, k iMaryamu Magadaliya, ki Maryamu muna u Yakubu ucunu nang Yosi, nang ki Salomi. ⁴¹ Ayhowo mi ama dhorkononiyi daga un Galili aseriyi anang. Ayhowo agwaki ama yhongharhoyi daga un Urushalima. ⁴² Kdhar nang ma rong mana wana, amare kadhar kama nafsana nang asi cira areh Asabar. ⁴³ Yusufu u Ramatiya ima reh amajalisa ayhar an puk maziriri mayi, imasin suksa urarah kizoh ikana nang Bilatus aka rivi ripum ri Yesoh. ⁴⁴ Bilatus ima pokoro amina ken nang ima pokoro woh Yesoh ima kha. Anre iku kanghi soja kimi a rivinkin awoh Yesoh ikuma kha. ⁴⁵ Adahar kami Bilatus ima yha'ahteh, daga nang irho Yusufi ripum ri Yesoh. ⁴⁶ Isufu ima yende makusu. Anre iku chuwune Yesih daga un giciye, anre iku vusuhyi aka reneyi usek kumi nang ima nafsa kun arikwang, anre iku tara rikwang ridon anho kusek kumi. ⁴⁷ ki Maryamu Magadaliya, nang ki Maryamu muna u Yosi anre'eh ate'ehmi, nang a kavehyimim.