¹ Awarku yanci nang Kristoh e yantar nang a wuri, ghanguzuwoni asu gureni un rere. ² Rheyheni, mini Bulus insin misini awoh ''In nang ah risinu kaciya, Kristoh inka wanayi ki rangwa nang ah yini ana kode uriku reni. ³ Ken nang insin mise, piya nang a riseyi ukaciya, awana dole irise matini nang mateh. ⁴ Imma watta nang Yesoh, nasang kuyin nang ama baratar, imma rhiyhi a mapes, awarka mateh. ⁵ Tima mazir inung a riving, tisin suksa nu gabagadi ana dalci. ⁶ Inung u Yesoh, ukaciya nang uza ukaciya, uzakure kirangwa, Riving nazik, tu tumah inung u sunu uni upiri unrip. ⁷ Imma seri ma'ah' ahna mariva, wami eyizenini urise kumatini nang rivin. ⁸ Urumenu oku rene an riseken, azakure unku cira nang piyee, kanghini. ⁹ I yeast icini iku rene arikwatara rin vuhwu. ¹⁰ Iri nang ugabagadi unyin inung u tita ugwaki in na zaku dinne unrong urina uvaktuni, piya e ritiri ni en sese u hukunci, ko de wami. ¹¹ Ina koni annre u wa'azi ukaciya nang unseri yene rene nang asin rukse mu rere, unba ken ba rikwang ru rukkwuruwo rirama puta. ¹² In seri ufata ayah sin wuzzini awan mababani. ¹³ Ina koni, siri ka kanghi ni asa in zuwu yanci, sunnu zaku uyanci umi unwana ku risi vang, nang ku rise ken, intumzana ateh ayin. ¹⁴ Mateh mama korunuwo in kusu kirha, ''soh piya nang in wangtari ne ritiripu. ¹⁵ In nang insin kaza asin sohkhaze ateh ayin, inku vasanah asa insu wonza ateh ayin. ¹⁶ Mawo jharani inung a mazir, asa insu zika ankusu muripumhm. ¹⁷ Ripumhm riseri ri woma nang mazir, mazir mang seri nang ripumhm, mazir nang ripumhm asari riwuma ki kusu ke rene nang inku zaku susku reni rangwa. ¹⁸ In nang are mazir mare kuzong-kuzong kuyin, azakure, mateh nang inri inung uman. ¹⁹ Utumah uripumhm u chankhanhoni uyah, matapsana mami mazaku re mi runga, marik maripumhm, ukwadayi. ²⁰ Kudhokononi kumareveh usihiri, ikuwa, ujayaya, ripuvu, Risharha nnazenu a suwu, mayaranha, avere ayeni, mahatlazana. ²¹ Ripuvuh kasuwu kapiw, ugasa, mavutu, uhammaya, uhasada, ubuguwa utarzoma nang a muzeni, umma gargadi ni awoh ayhami aseri ankusu muna anka zaku nighe urara ko Siri. ²² Nhono namavur nang nare usunnu, righarho, mavoh uhakuri, matini, murip, riving, ²³ Naza'ah, kuyabtoh kuriti kunome kuriti, mateh maku puruman ayhanni. ²⁴ Ayha are u Kristoh Yesoh ama giciye anang a pumhm Yhon, nang u suunu uyhuni. ²⁵ In na tire a mazir, sa ti jhar a mazir mami. ²⁶ Tisu wana ayha ti agakazi, ti sun cokoro nang ripuvuh ana ti awuri.