¹ In na magaji ma roti khono, mavakti man nang pirere, ko de anka re man man gaji a makusu mami. ² Awarka ni magaji mami mari ana cara apiya matini sai kadhar nang putu e tara. ³ Awuri ma ken nang tima re nhono, ama yaptiri un nang u ka'idodi urikuya. ⁴ Kadhar kama wana, kasiri kang tuma khono ka kang iruwo upi yhowo, urewu inung a mateh. ⁵ Kama rise ken awarku woh kang fanshi ayhami ari inung amateh, asa ti ser matsayi ma nhono. ⁶ In re nhono na kang kasiri kama tumah mazir ma khono ka kan ana suwu na wuri, mazir mami maku kangnhe awoh, ''Abba uba''. ⁷ Pi zaku taka re pirere, sai ko khono, inna pire khono, pire piya gado nang Kasiri. ⁸ Kadhar kami nang imma zaku yho a siri imma rhe arere nang nasiri nami na zaku rhe nasiri ko na cini. ⁹ Na kini nang in ra yho a siri ko unvereh awoh, Kasiri ka yho nang a yini, yemmi e rene nang insin guzzini un ka'idodi umi uzaku nir'ahni nang u amfani? inku suni awoh in gurini un rere u zoni? ¹⁰ Insin kiyaye atuk, nang ipi ipas, nang na dhar nang ti wah. ¹¹ Un puk ukau nang ayini insu kama rise utumu uwam. ¹² Ma tanzani ni, ina koni, wanni ne mini, asa un wan ne ayini, in rotoh a renem ivang. ¹³ In yho awoh inung u zah uwaru unang, u manang misi ni avereh siri ari zhoni. ¹⁴ U hali umi nang inrim inung ariphum, uma renini un gwaji, in rotoh yaksam ko in voninimin, anre in ku tuserem ne maleka ma siri, ne Yesoh Kristoh umi aritiriyi. Ne kini righarha riyin rinsi? insin shaidi ni, anamare in ku suska, inn nama zika ayizeyin arom. ¹⁶ Na unku wanani makiyi awarku woh ma misini rivin? ¹⁷ Aseri tigwa-tigwa asa anzuk na suwu na yin, azang amapes, asa an zuwu wangzini nang mini asa in dhorkoroyhon. ¹⁸ Kurip uwoh ko karike dhar an an kaku seri tigwa-tigwa ana nang arip, ba se kadhar nang inri nang ayini vah. ¹⁹ Ini nhono na nang na yiza, un puk u wonu u rewu uyin sai kadhar nang Yesoh e kakkwuruwu yin. ²⁰ Yenu zika ne unkuri nang ayhini kini-kini manang saka riyhi, awarku damuwa umi nang inri nang ayhini na gwing. ²¹ Mi'ahnim ayini ayha in sunu zoni inung a mateh in ku rotoh pokori kusu nang mateh mavereh? ²² Ama nyakara awoh, Ibrahim imah ri nhono navah karho kapi rere urinni karho kapi yhono umi izaku repirere. ²³ Karho karinni pirere imah re'ehkang amajha'ah ariphuhm, kamanzu kami piyhowu mi uzaku rhe pirere imah re'ehkang, amajha'ah amatazzana. ²⁴ Avereh ayhowo avah arana, asuwa ne matazzana mavah, matazzana marho, mangku ma wori upana ku sinai umi e re'eh nhono nami nare arere, ki Hajara king-king. ²⁵ Ki Hajara ke wana ne kupana ku sinai un Arabiya, ke wana ne urushalima u kini-kini, kiri unung u rere nang nhono na king. ²⁶ Urushalima umi urizoh, uni ure munuwuri. ²⁷ Ken nang mu ynkarani ''Ghathanha pikuru, piyi piyhowumi eku zaku re'eh, reni wumh iri gharha piyi piya izakusin sezu rere u rewu nhono napiya iku re'ehyi nagwaki apiri napiya iri pirumi. ²⁸ Ayini ina koni, ne Ishaku nhono namatazzana. ²⁹ Adhar kami khono kami nang ama re'ehkang amajha'ah aripumhm, kama wahalu kami nang ah re'ehkang amajha'ah a mazir, kan-nang muri. ³⁰ Avah ami anku vereh awohwoni? ''Zovoh pireruni (ki Hajara) nang khono kayi, khono kapi rere kang ka zaku rho ugadu nyhon nang kapiyhowumi (ki Saratu) izaku rhe pirere. ³¹ A warka ni inakoni ti zaku rhe nhono na pi rere, sai ko napiyhowumi izaku re pirere.