¹ Ayini a Galatiyawa ma bana, wami e ritirin? kuzang Yesoh Kristoh piya nang ama mankare yi nang ama miyi yi? ² Un rusu in Ya'ahte nang a yini, in kuma sere mazir awarku tumah udoka, boko awarka rivin rimi nanghe pokoro? ³ Eken nang imma wana mabana? imma sene amazir nang iku raka mangsanani aripumh. ⁴ In kuma seze urere nang uwam kini? ⁵ Piya erho ayini mazir, nang utumah amina awarku tumah u Doka poko awarka ku pokoronu uriving? ⁶ Ne Ibrahim, ''Ima rume nang ka siri, un wana yi adalci. ⁷ Yha'ate are ken, aya ama rho riving, are nhono ni Ibrahim. ⁸ Ku nassi wa tirkiri azhono awoh, Inung a riving na u al'ummai unka barata, amah rise Ibrahim Ama vervene mamasara marentu tun icottimi'' ⁹ Awarku ken, ayah ama rho rivin mi Are ayah mapes nang Ibrahim imi iri riving. ¹⁰ Ku La'anane, piya ima Yeruwuwo ana nang amateh Akure kuma nyakaraka, Duk piya izaku yizene a dorkono anang a mateh ire ku La'annane. ¹¹ Ne kini a conkanani uyah, kasiri kaku zaku baratar nang pirang ti mateh, piya doki enka war'ah tu riving. ¹² Mateh ma zaku wori ariving, awarka ni, ''piya iseri an kusu mun inung amateh, en zomo inung amateh. ¹³ Aristoh imah fanshi ri daga un La'ana umateh imah wana ku La'anane a warka wuri, ken nang mu nyakarani ''piya nang a mankhareyi izoh ugumti a wana ku La'anane''. ¹⁴ Ki kusu ke rere, Ritau ririp rimi riri nang Ibrahim rima ruvah nang u al'ummai inung u Kristoh Yesoh, asa ti zuwu sere matazzana ma mazir ti Riving. ¹⁵ Ina koni, insin vervene ne un ka'idodi oyhar in nang aynar a taru ka'idodi aku zaku gwepkwuni. ¹⁶ Ama vereh matazzana nang Ibrahim nang uzuriya, ini yi ire Kristoh. ¹⁷ Mavereh ararah, mateh mami mama rivah Tiwa madari manas ana kiritar(430) mateh mami marotoh cuwune matazzana mami na kasiri kama rise nang Ibrahim. ¹⁸ In nang ugadu orivah awarkama teh, un ka zakuruva awarka matazzana, Kasiri kama rho Ibrahim ugadu tima tazzana. ¹⁹ Yemmi erene an rho mateh? A pirem awarki vang, har sai ka dhar kami nang uzuriya Ibrahim ami nang amatazzana, ama nighara mateh unsiru inung ama Leku, ana cara napiyi re ateti. ²⁰ Piya teti, Ipiru rho, ken Kasiri kha rha. ²¹ Na mateh manku seri mavutuh nang ma tazzana ma siri? ko na cini! Aname re ku rho mateh asa anka zuwu vhu, adalci amama ruvah ti suku umateh man. ²² Tuteng ku nassi kuma wura a ko arike nang inung in vang Kasiri ka rene ken, asa matazzana mu waska ku wuri ining a riving inung u Yesoh Kristoh mang ka zuwuna, aroh nang ayha arene rivin mini. ²³ Kafin riviu rin ruv, ti mare arere inung a mateh a gwaranani har adhar kami nang rivun re ruvah. ²⁴ Mateh mama re ku jagora, sai nang Kristoh e nang ruvah, asa ti zuwu barata inung a riving. ²⁵ Ne kini riving rima ruvah, ba kujagora. ²⁶ Nasang kuyin inre nhono na siri tu riving inung u Kristoh Yesoh. ²⁷ Ama risi ni ubaftisma nasang kuyin inung u Kristoh imma sere Yesoh. ²⁸ Pi Yahudawa izayi, pi'aluma izayi, ba pirere ba piyi zaku rhe pirere, ba pirumi, ba pi yhowo, in re ayhar ami arho inung u Kristoh. ²⁹ In na inre u Kristoh, en wana uzuriya Ibrahim, ayhu gadu amatazzana.