¹ Ken nang tiwah ariki atiwa Ishi te vharha un gurumu Urushalima mini nang Barnabas Anre unku zika Titus. ² Umma gurum awarka siri kawo in gur, anre unku gabatar nang Ubishara umi nang inseri inung ana al'ummai umma verveneh nang arong are agwakazi apituwa asa usom unang unsu wana uwam. ³ Titus umi iri nang mini, Ire Baheline, umma rotoh wo an riseyi ukachiya un za u sunuyi. ⁴ Averehrah ama co nang ayah are akoni i cotti ama ruvah nang awuri untuwo, asa anrek u yanci umi na tiri Inung u Yesoh Kristoh, amma sunu woh a reniri ti wana arere udoka. ⁵ Timarotoh roh ate awuri nayhon ko upi khorwo pirha, asa rivin ru bishara rinsu vakta, a warka kayin. ⁶ Ayah na ayhen ne ayha mazip aroto kanam in rangwa, kode anku re awani, kirangwa kisin wohvoto kin mi, kasiri kaku serekang apiyah nang ayhar asuni. ⁷ Ama rheyhe amma rhom utumah u bishara nang ayha a zaku ri ukaciya, ne ken nang a rho Bitrus utumah ubishara nang ayu kkaciya. ⁸ Kasiri kami ka seru utumah nang Bitrus, amakana nang ayu kaciya, ken na kasiru utumah nang mini amakana nang a al'ummai. ⁹ Yakubu,kefas nang Yuhana, ayah nang ayhen asiri suwa Ikkilisiya, amma yha'ahteh mapes mani nang arom, amma rhoiri na cara na rhom nacara nu zumunci, mini nang Barnabas, ama reneken asa awuri ti kana nang al'ummai Ayhon kuma an kana nang ayu kaciya. ¹⁰ Aguru sunni awoh ti dinne nang ayuh wahm minima un sunni urene ken. ¹¹ Kefas ima kana un Antakiya, umma Thezene nang yi awar kami nang ima wuru. ¹² Kefas imasin rha mariniru nang ayah are al'ummai, kafin arong ami a wori nang Yakubu an kanam, ayhar ami amanang ruvah Kefas anre iku jham. Anre iku ranguruwoyi nang al'ummai. ¹³ A Yahudawa ami ama ri nangyi, ama rise anang ayheni arah, ¹⁴ Umma dirkiri an zaku dhorkoni a rivin rimirirhon bishara, umma miya Bitrus uyhen kuyan nasang, ''piyi piya pire piyahudawa piseri anang nang u al'ummai kun rekuwoh pirise nang nang a Yahudawa, awarki yhen napinkawoh ayah zaku re a Yahudawa, an rise imuzi azon ka yhon?'' ¹⁵ A wuri ayah tire a Yahudawa tu rhewu ''Ti zaku rhe ayi vang ne al'ummai'' ¹⁶ Ba piya enka baratu untumah umateh, are ku barata inung arivin inung u Yesoh Kristoh, an zaku reh amateh. ¹⁷ In na te righi Asiri asa kan baratar nang awuri inung u Kristoh, teh zuwa a teh awuri invang, na Kristo iku wana piyi vang? ko na cini. ¹⁸ In nang maguru narwuruwo amateh, ma vandare u narwuwani a tini ko miya uwoh inre piya gwevereh kumateh ken. ¹⁹ Ti nung amateh na ma kha a mateh ken, asa un zomu imuzi zong ka siri. ²⁰ Ama mankarem nang Yesoh, na kini azan mini in seri urayuwa, are Kristoh i seri u rayuwa inung unang, na kini u rayuwa umi nang un seri aripumh, inseri uni a riving nang khono kasiri, kami kasam aroh ritirikang awar ka nang. ²¹ Un roto viskina mapes masiri, in nang adaki a war'ah inung amateh, kukho ku Kristoh ko wannu wam ken.