¹ Inakoni, in nang a puru pirong iseri vang, ayini aya inri amavur marip, in nho'ahri piyhar umi inung un rina, inung amazir nang unomenu Iriti, asin ciya naritiripu asa pisu rhiyhi. ² Zikani mazip ma ti ayin, asa in korene mateh ma Kristoh. ³ Piya ezika ritiriyi ne ire ki rangwa, an gura zakure, ken, evatah ritiriyi. ⁴ Ko piruku yhar i runtuze utumuyi anu zuwa ikusu nang enrise magagguzuwom, ba se iku runtuze ritiriyi na pirong. ⁵ Ko piruku yhar enka ziku zip uritiriyi. ⁶ Piya na amiseyi a vereh asiri, enka zuwa ankusu murip ayhon nang piyemiseyi. ⁷ Su rume an vatazevuh, kasiri kaku zaku vatana. Kikusu inapiyhar evizza, kin naang enka buvah. ⁸ Piye vizzi vir inung aripumhm riyi, inung aripumhm enka buvah mavohzhoru. piye vizze vir a mazir enka buvah uvho kupas ku za nang rara. ⁹ Su ruru urise ko nang ahrip, awarka kuwo ten buvah adhar karip inna ti rotoh ruru. ¹⁰ Awarke, kadhar natiri, adhar natirise ko wan anang aripi Tirise anang arip makana nang ayhari inung a riving. ¹¹ Tirkininu unyakaranu uvah adun ami na ma rise ana caranang. ¹² Ayah a sunnu rise anang arip aripumhm asin tilasta u rise ukuciya, aseri ken awarku wo asu tsananta yhon awarku giciye ku Kristoh. ¹³ Ayhami arise u kaciya ma, a dhorkononi yhon mateh mami, un tami asunni awoh an risini ukaciya asa an gaghguzuwo, aripumhm. ¹⁴ Mangka zaku gaghguwo, in rangwa sai ko un giciye ku Titugwaki Yesoh Kristoh, inung uyhi na ama giciye uri uyah un nang, mini kuma un rikuyah. ¹⁵ Ku kaciya nang u zah u kaciya azaku re ki rangwa, u halita upas uni ure kirangwa. ¹⁶ Ayha azonzi ana nangahni, mavok nang ujinkai un zomo ana ti ayhon Israilawa e siri. ¹⁷ Asu damam ne kini, awarka kamakis mami nang un riman aripumhm rinang u Yesoh. ¹⁸ Mavok ma Titugwaki Kristoh Yesoh, man zomo amazir mayin ina koni, mun wanken.