¹ Nnah Kasirih kama conevu nang Yesoh, righi an kusu-kusu mumi mu ri izhor ate mi nang Kristoh izomi acara kurom ka Sirih ² rene arihizi an kusu-kusu mi zhor azan mu jash ³ ima ghar, kuvoh ku yin kun ukuni nang Yesoh a Sirih ⁴ Kadhar kami nang Yesoh inka ruba, awuri tenka ri nang ma rentu ma kan. ⁵ In kasu rene arighi an kusu-kusu muku-ri-ku-yhar, nan man ya mi ku nomo nan ayo arun, nan rikiya (nono na rumi nan na yani), nang utomah upisifu (aya maren ume uku rene pi ya rihizhi nnhe mariveh) ⁶ umuzu arana aku yende arikhazha de Sirih ana yhar na asere ayak ⁷ Inung an kusu-kusu muna ima sere jara nan ka zom nan yhan ⁸ Ma wuni ni uwoh in cuwune an kusu mu suwu na piu, righazeh, manapsa mayiman, ti jam, avere ayeni ana nho na yin ⁹ kasu fata ati hyin awar kuwo ima yirha apiyar uwus nang utoma uyini ¹⁰ ima rene apiyar upas umi isen jara anan apas inung ugha ku pi napsana uyi. ¹¹ Ina azakur Bahilina, aza kure Piyahude, aza kure piya mi arotoh jeske yi api kam, anang pi yami ama jeske yi pi kam, aya a wumti na suwu, Basikitiya, aza kure pirere, anang zan pirere, Yesoh ire koyinmi, are inung koyin ¹² Ayini nan Kasirih ka waska ayhan pizeh, nakini ti rese utomah urip nang na suwu na vok nang u minanun ¹³ Areh in mina nang ajanke an sere yhan an kusu mu rip. Pi yire iranwa kuma jaha nan pijami ki yikin inviskine, ken nan piya gwaki kama viskene ahyin ¹⁴ Ki kusu ki piri an kusu-kusu muna nasang, in kare nan urumini, kisu ki re koyinmi ¹⁵ Sa anang avok a Yesoh nan zuma ana suwu na yin. Awar kuwo anang avok ire kisu ki kayah uyin ati ripum din dihra. Yin woh pi nikere. ¹⁶ Sa avereh Asiri an zomo ana suwu na wuri na gbeng nang tipamba, in misiri acimina ana ti yhan, nan masiva, marigharhak, inung amagir mavur. Ti se sibsa ana suwu na vok ga Kasirih. ¹⁷ Koyin in dama rese ana vere ko utomah in dise nasang inung arizihe pi yi gwaki, Yesoh. In kuwo pi nikere nan Kasiri pi ya gwaki ¹⁸ Ina ayowu, resene a matini nan arumi ahyin, ken na Kasiri kan pokoro urentu 9 Ina arumi, rumini nan ayowo ayhin in zaku nazeh yhan. ²⁰ Nono, pokoroni avere aputini asu yaska yhan inung koyimi, atiwe awar kowu anan ara nan vokani pi yi urara ugwaki asuwu ²¹ Ina putini in kasu ka yhakana akono na yhin awar kuwo nan kasu ka gbefte. ²² Ina arere, dorkoro ayu rarah ku yin na inrim, ama riva inung koyimi asu rese anang ko righe kurize awar kuwo in vokani ayhar ana suwu in jarini in reseno inung asuwu ka rha ²³ In pokoro ukau upiya gwaki untomah umi in ser, in dise mun asuwu, awar ka pi yi gwaki, anaza kawar kayhar ²⁴ In ka yha woh in nan ka sere ikusu ki tari ni kuwanghu nan Kasiri awar kuwo pi ya gwaki Yesoh na in dorkononi yi ²⁵ In ka yha pi yi sere anang ayini in ka ere ikusu ki tari aya ku rese anang ayini.