¹ Pi urarah ru arere ayhan jkusu kimi daci. Kayha pire an fiyimi gwaki izoh. ² In zaku ruru nan katanzo. Ko riki dhar indi inung tanzo. ³ Rese ri atanzo nan Kasirih kan wuno adorgharo awar kuwoh mise avereh a Yesoh. Awara ana vereh u Sirih nan in de inung unrereh. ⁴ Tanzanna Asirih kantum awar in rervene a vereh Asirih na terke. ⁵ Jara nan tipampa, nan ayami ire inung amarine, awar kuwo na dhar nami na tirin kawun. ⁶ Ko riki adhar avereh apu anka ri nan mavok, an rilkini nan kuticina, domin bi yha kin nan ben vervene nan kowani. ⁷ Ama nan marana, Tikikus ika miyi ni. Ireh khoni, umatini, anreh pivere inung Yesoh. ⁸ Ma tomah yi nan pu, awar kuwoh in ama zum mawuri, domin kasurwa kan nurwuwoh. ⁹ Ma tomah nang Onisimus, khoni kana nan insoni, anreh kuma khonau. Yhan anka misini anan na ti sere ina. ¹⁰ Aristarku, picha arereh isin sumase ni, nan Markus kono ka konmi ka Barnabas. (kadhar kami ka ruba nan avereh seni kan). ¹¹ Nan Yesoh naaku ca'ah Yustus. Yi uteyi ire inung ayhar nan a vurha, ireh picha u tomah u Sirih. Yhan aku romen asurwu. ¹² Abafaras, ise sumase pu. Areh pirereh u Yesoh Kristoh ka tanzo na ima ku yiram, awar ayini inka se yheze mariva inung u nufi u Sirih. ¹³ In de nan ushaida, ka sere ni utomah, ma yami a zumi Lawudikiya nang Hirafolis. ¹⁴ Luka pi u wan nang Dimas asin sumase ni. ¹⁵ Sumase a khoni inung Lawudikiya, nang Nimfa nang ikilisiyar urara ko kin. ¹⁶ Ka dhar kami nan in zuwa avah aran inka karanta usuku yhin, ansin karanta ina ikilisiya Lawudikiya, in kuma tasbata an karanta ava un Lawudikiya. ¹⁷ Miya Arkibas, i'yende nan utomah u Sirih nang isere, adorkoro har marasa. ¹⁸ Mini ma naska u sumasi ku nan ana cara anang-Bulus. Ka yhan nan uyain unana. Mapiz.