¹ In suni yighatigh, in sere ipiveh awar yhan nan yami a zumi Lawudikiya nan ayami arotoh Urighin ana yesi ² Resene utoma nan kan vokane yhan asuwu, anka poke amarentu adhar nan anka pokoro avere a Sirih ³ Yesoh ire tipamba te Sirih nan an pize ⁴ san miyi ni, kada pirong inan ruba afata ni nan maverene mu wami ⁵ awar kuwo in zaku zomi nan iyini, ku zik ku nan ma zomi nan yin. Marentu nan in pok in zonze ama rentuh nan dighar, inung u Yesoh Kristoh ⁶ Nna ima sere Yesoh Kristoh areh in jar nan yi. ⁷ Areh i yhazene na gbeng a nurwuruu an piz ken nan ama mese ni nang usanghaji ⁸ In kasu rume pirong ifata ni nan mavervene muwami nan avere ama al'adu ma yhar, nan an kusu-kusu mu kurha-ku-yha. ⁹ Inung u Yesoh nang Kasiri zomi nasang ¹⁰ Indi inung ukan.. Yi ireh riti ti koyinmi, anreh iwomoh nan ti karma nang ticirvu ¹¹ inung ku Yi na inzomin inung u Yesoh na a jeske ri kam azan imusu iyhar anreh inung Asiri ¹² ama kaveh ni nang Yesoh ati baftisma. An kura chuni ni u bangiskiya nan unsurru Sirih nang ima chuni Yesoh inung ama kiniru ¹³ Adhar kami ima reh ma kiniru inung ivang iyin nan zaku jeske i kam iyin kana suwu, kadhar kami nan Yesoh i gusu ivang iyin. ¹⁴ Anreh ima iku veskene ivang ima na ama yhakarana uwar ku yin. Anreh Yesoh iku zikani aka sa'ayhare ati ku ghar ¹⁵ Anreh iku nazeh utomah upisifu ama yiryha ati karma ti yi ana yizi ayhar adhar kami ima ghar ati ¹⁶ in kasu rume piron irese ni amate an kusu-kusu na in ku rha nang mu nan in ku sese, nang upih nang na adhar na Sabar ¹⁷ Areh ma dundoh mun kusu-kusu mumi nang ten ruba adhar ka Yesoh ¹⁸ In kasu rume [irong awar kuwoh ire piyhar Usiri ara mese ni usujada ma mala'iku, nang na dhar ma Sabar ¹⁹ Pi yami izaku manene nan riti. Kate mi nang ripum nan na gbaharak maku zuwa usuwanu nan Kasiri ka ku ro yhan an kunza nan Kan ²⁰ Nna in ma ghar nan Yesoh nang an kusu-kusu mu rha-ku yha, are in kasu nagha nan mun ²¹ awa kasu yhapteh, kasu urah kasu rike ²² an kusu-kusu muna muka wanta awar kuwo utoma ayhar ²³ an musu kusu-kusu mu, mun ku re utomah ayhar. Mu zaku ri ateye ana zom na yhar