¹ Ina ceyi, suhnu rume nan mazir muh wahm, gwekeni mazir a rehye vah mahn ku cira nang kasirih, awar kuwo ayu yha kicotti ama cira urikuya. ² Kini nah inkaku yhaghateke mazir ma Sirih- mazir mami mah rume awo Yesoh Kristoh imah ruva a ripuhm mareh mah Sirih. ³ Mazir mami marotoh rume nang Yesoh marotoh cira nang Kasirih. Mazir mah mareh mapi yi kuwa i Kristoh, mami nan inmah pokoro mahn ruva, neh kini marih inung urukuya. ⁴ A yini nhono, inrih nang Kasirih, awar kuwo inmah pirka usuru uyhan awar kuwo piya irih inung uyin ipiri usuru upiya irih inung urukuya. ⁵ Ayhan areh ayurikuya awar kuwo aku verveneh neh kurukuya, kurukuya koku pokoro yhan. ⁶ A wurih aya Sirih, piya iyha Asirih eku pokoro irih. Piya izakueh piya Sirih iku zaku pokoro irih. Kenna tenka ku yhaghatake a mazir mah rivin nan micotti. ⁷ Ina ceyi, tirehn usunu atih a wurih na atih a wurih, usunu uruh nku cira nang Kasirih, piya irih nang usunu areh urewuh Asirih agura yha Asirih. ⁸ Piya izayi usunu izaku yha Asirih, awar kuwo Kasirih kareh usunu. ⁹ Kini nah Kasirih Kaku sah irih usunu ukan inung wurih. Kasirih kamah tumah urha ku pivezene ukan, inung urikuya awar kuwoh tika zomoh awar ka kan. ¹⁰ Inung usunu ruh azng awar kuwo ti suni Asirih, areh awar kuwo kanka suni irih imah tumah a pivezene ukan awar kuwo kan ruh ritih rikan kivang iwurih. ¹¹ Ina ceyi, awar kuwo Kasirih ka suni irih, a wurih tiwana uyu sunu atih wurih na atih wurih. ¹² Zah piya imah nanah a rehyeh Asirih, inna tirih usunu otih a wurih, Kasirih Ka zomi inung wurih, usunu kan uma koroh inung uwurih. ¹³ Tiyha tih zomi inung uyi, yi inung uwurih, awar kuwo imah roh irih mazir mayi. ¹⁴ Timah rehyeh a rumeh awo putuh imah tumah pivezene uyi iwanah piyuwaska kurukuya. ¹⁵ Piya erume awo yesoh ireh pivezene Sirih, Kasirih kazomi inung uyi, yi irih inung a Sirih. ¹⁶ Kenna tiyha nang usunu umi nah kari awar ka wurih, Kasirih kareh usunu, piya ezomo inung usunu, izomi nang Kasirih, kana Sirih kan rih nan yi. ¹⁷ Ku petteh ku, usunu Asirih uma koroh inung uwurih, awar kuwoh tenka rih usuru atuk Kamateh, awar kuwo inung urikuya ku tisighi yi. ¹⁸ Zah ukhau nsunu, usunu ukori oku juhne ukhau, war kuwo ukhau urih nang urehreh. Piya ikori ukhau izaku Korih inung nsunu. ¹⁹ Tirih usunu awar kuwo yi imah seme usunu wurih. ²⁰ Nna pirong ewoh, "nsunu Asirih" ama vonah yi Kommina, ireh piyi cotti, zah pirong umi izaku suni kommina, umi na'ima rehyeh, enka zaku rene usunu Sirih kani na iroto rehye kan. ²¹ Timah sereh avereh ara nan yi: Piya isuni Asirih, usunu kommina owana yi risirh.