¹ ugwaku usunu umih nah Kasirih kamah roh irih, awar kuwo ankaku kanhah irih awo nhono nah Sirih, kenna tirih. Kikusu kerene, kurikuya kun zaku yha irih, awar kuwo ku zaku yha yi. ² h inah bici, neh kini tireh nhono nah Sirih, kenna tenka wana a roto miya irih. Tiyha awo nah Kristoh eguru tenka suwah yi, awar kuwo tenka rehye yi kenna irih. ³ aya arih umuzu a suwa ka, asi vurkaze atih ayhan, neh kenna yi ivur. ⁴ Aya a serih ivang ama gbekpweh udokah; awar kuwo ivang izayi ni udokah. ⁵ Aya awo Kristoh imah ruva awar kuwo izika ivang iwurih, inung uyi zah ivang. ⁶ piya irih inung uyi jariyi ivang, piya iseri ivang iroto rehye yi vah kuyha kuyi. ⁷ Ina ceyi nhono, suhni rume pirong iwuhri ni. Piya erise ikusi kirif ereh piya vur neh kenna kristoh ireh piya vur. ⁸ Piya irise ivang iku cira nan pisifu awar kuwo pisifu imah riseh ivang cette zohn. Kikusih kimi kimah rene Pivezene oh Sirih iruva awar kuwo iyirki utuma upisifu. ⁹ Piya na ama rehye yi nang Kasirih eku zaku jariyi aseri ivang awar kuwo ivir eh Sirih irih inung uyi. Enka zaku jariyi ivang awar kuwo amah rehey yi inung Asirih. ¹⁰ natih yha aya areh nhono nah Sirih, nan aya areh nhono nah pisifu. piya ezaku riseh ankusu murif irotoh cira nan kasirih; vah piya izaku suhni kommina. ¹¹ Avereh ara nang inmah pokoro cette zohn: tirehn usunu atih awurih nasang. ¹² Suhnu wana neh kayinu, umi imah wuhna kommina awar kuwo irih nan pisifu. Awar kiyen na'imah wuhna yi? Awar kuwo anang a yi amah reh a pisifu a kommina an vurah. ¹³ Suhni rene amina, ina khoni inna kuri kuya kovono kun a yini. ¹⁴ Tiyha timah vharha ukha a kana inung uroh, awar kuwo tisuni a kommini a wurih. Piya izayi usunu, itakani nh kha. ¹⁵ Piya evono yi kommina ireh piwunzani yhar, tih yha zah piya eku wunza a yhar irih uvoh kuza marara inung uyi. ¹⁶ natih yha ikusi kiri usunu, awar kuwo Kristoh imah roh uvoh kuyi awar ka wurih. Awurih tiruh atih awurih awar ka kommini a wurih. ¹⁷ irih nang makusu murikuya, a rehye kommina izayi iramwa, anreh iku wuhra a suwuh ka ririllipovo riyi, ini nah usunu oh Srih onka rih nan yi. ¹⁸ Ina ceyi nhono, suhnu rume nang usunu oh nanhah nang urih rehm, rume ni nan usunu ureneh anang nan inung a rivin. ¹⁹ Kini nan tenka yha awo tirih inung a rivin, inna teh viskine ana suwuh na wurih annyen muyi. ²⁰ Kadhar nah nasuwuh nah wurih nah tengehni rih. Kasirih kapirih anasuwuh nah wuhrih, a gura yha ankusu nasang. ²¹ Ina ceyi, nna nasuwuh na wurih narotoh tengehni rih, tiri usuru anyen moh Sirih. ²² Senni nan yi ankusu nah enh rivi yi awar kuwo tih dorkoroni avereh ayi, asi riseh ankusu mumi mohn vokone yi a suwuh. ²³ Avereh arah areh a yi: tirume nan rizayi rih pivezene uyi, yesoh kristoh, agura rene usunu atih a wurih, neh kenna imah vereh irih inung ana vereh a yi. ²⁴ Aya a dorkoro avereh arah a zomi inung uyhan. Kini natenk ka yhaghateke awo irih inung uwurih, awar ka mazir mami nah imah roh irih.