¹ Piya erume awo Yesoh ireh kristoh areh urewuh Asirih, piya isuni putuh pirong isuni khono kami nah erehey. ² Kini natih yha tisuni nhono nah Sirih: nnah tisuni Asirih nanku seri ankusu nah evereh. ³ Usunu ruh ureh oh Sirih: udorkoronuh avereh ayi. avereh ayi a zaku zivi. ⁴ Piya ireh urewuh Sirih ipirih usuru urikuya. Kulakka kuh kuma pirka usuru urikuya ku: kasuwhu kawurih. ⁵ Wammi ereh piya imah pirka usuri urikuya? Nazik piya erume nan Yesoh awo ireh pivezene Sirih. ⁶ Areh piya muru umi imah ruva a mani-masir (mamhasi) nan manyo: Yesoh Kristoh. Imah rotoh ruva a mani-masir nazik, areh mani-masir nan manyo. ⁷ Awar kuwo ankusu mutar munah rume nan ken: ⁸ Mazir, mani-masir nan manyo, an kusu mutar munh moh rumenuwo. ⁹ Nna teh rume nan umiyanu oh yhar, umiyanu oh Sirih upiri. Awar kuwo areh umiyanu oh sirih, umi na'imah roh awar ka pivezene. ¹⁰ Piya erume inung uh pivezene Asirih irih nah avereh ara inung a suwuh kayi. Piya irotoh rume nan kasirih, erene kan kan wana piyi cotti, awar kuwo irotoh rume nah avereh Asirih a majaha na pivezene uyi. ¹¹ Kikusi kih na tisi misini Kasirih kamah roh irih uvoh kuza mararah, kuvoh kuna kuri inung upivezene ukan. ¹² Piya irih nan Pivezene irih nan kuvoh. Piya izayi pivezene izayi uvoh. ¹³ Mah nyakari ni ankusu muh awar kuwo inh kayha awo inrih uvoh kuza marara makana naya amah rumeh nan pivezene oh Sirih. ¹⁴ Usuru umi natiri a makana nan kasirih, awar kuwo nna teh rivi iramwa nsunukan, eku pokoro irih ¹⁵ Nnati yha eku pokoro irih-an kusu nateh rivi-tih yha tiri ankusu nateh rivi yi. ¹⁶ Piya erehye a kommina kah rene ivang imi rotoh jaha nkha, itanzana Asirih kanka roh yi uvoh, majarahm nang aya nah ivang iyhan enka zaku jahah nkha. Ivang ujahah nkha irih; Nrotoh vereh itanzana Asirih awar kini. ¹⁷ Urisenu ankusu muyimuhn areh ivang, ivang imi enzaku jahah nkha iri. ¹⁸ Tiyha kuwo piya nah a rehey yi nang Kasirih ikuza kurise ivang. Piya nah a rehey yi nang Kasirih eku gwasa ritih riyi. Pisifu eku zaku suska urene yi iramwa. ¹⁹ Tiyha tireh nhono nah Sirih, kurikuya nasang kurih ayhap ka pisifu. ²⁰ gura yha awo pivezene Asirih imah ruva a roh irih uyha, awar kuwo tika yha a piya rivin. Tirih inung a piya rivin nan yesoh krisoh pivezene ukan. Yi ireh kasirih ka rivin nan kuvoh kuza marara. ²¹ nah nyiza, gwasa ni atih ayin nang mareveh.