¹ Amman ci Titus, a rami bee mi gambasak na gugza kə jirrewa. ² Ndawa gazgaraucin da dlaɓa ndak jəba aɗakshi na martapa,ndak ankal, ndak jirewa i kun iman, na ntau, na kəmarr. ³ Kasən ke, gazgaraucin amatin da jəba aɗakshi na martapa, da dlaɓa ndak nyuu gənən bai, ke da dlaɓa guzaɓcin sak səma bai,da da dlaɓa ndak gugza bee bəlan. ⁴ Gaɗa da gugzhi gangamin amatau da tatki ntau i misaskinshi na mamukshi, ⁵ akshi da gugzikshi dəvu warra akshi da dlaɓi na ankal, gacəltak, ndak ankalta tamke i wənduwakshi, da dlam nakwana i musaskinshi. Akshi da dlam kasən gaɗa təlam Səku da baa muwa bai. ⁶ Kasẹn ke, a ɗauzatina mapəndawaɗ, da dlaɓi na ankal. ⁷ Game na ci, Titus wənga, i dəvu tawanke a tatki aɗaci bi gugza, gaɗa bee mi ka dlamau nin, da dlaɓa kalkal, ke na jirrewa. Ke ka dlama gugza nin, a tatki gazgarakwina na martapa. ⁸ A dlam rama sakwtu warra go nən a nanga ci i ɗau.Da dlaɓi ko ɗagi a nangaci i ɗau, ndiwa da dlam tliri i warrau, ⁹ Guzaɓcin da dlama nakwana i nda wənduwaksh i ɗa betawanke. Akshi da ɗawakshi da dlaɓ na gishi arawai, ke da dlama gamɗaya na akshi bai, ¹⁰ Ashi da kəra ko bee gangam bai kə baci wənduwakshi. Da miya kasən, akshi da tatka iman bəlan i ɗak tamke. gaɗa ndaiki gugza warra wa dlamo i ɗa kakasǝku baci ra wa gu, da dlaɓ na ado. ¹¹ Atərro herr kakasəku pakengara i ndawa mak. ¹² A təka gugzewa kuri, kə rama gaɓshu game na kakasəku, na kuri bayangu duniya tawanke. A gugzewa, wa dlam mbasu ankal, go aipu, i dəvu Səku i zaman təku, ¹³ lakwtu warra wa təka lawan kema gaɗa gən barka wa, kə lawan kima, gaɗa pakayi kakasəku mulah, baci raa wa; Yeso Masihu, ikun saksakta. ¹⁴ Yeso baru aɗa gəri gaɗa wa, gaɗa da gumbe wa da kunu kuru ɗəga linok, ke da celti wa, gaɗa wa dlabi ndawa gəri, mi a kalɓe dlama wana bəlan. ¹⁵ A gugzhi bayangu ka dauzaci nda kemu bayangu, A dalmi be kalkbai na kerrmai tlaparr. Ka buza dagai bai muwi ci.