¹ Atanikshi da bar ɗakshi i garva na ndak martapa , da dlamikshi ngubro, da dlaɓ ga saparatak i wana bəlan tawanke. ² Atanikshi da nanga nən wam bai, dai véna gamɗaya, daivé ndawa da ɗigi dəvakshi da tatiki intau i ndawa mak. ³ Gaɗa waci wana aɗawa ginwa ndawa wara a kuraram bai, kuru ndak ndak ɗiga ko kima wa gwa punawada ɗa duvu wa dlab nawa ndak intu bik duniya wam mbasu i kunbudliɗa na kimangar na guru, wana duvawa bai, wa nda kuri tawanke. ⁴ Amman na herr Səku baci rawa na intu go ki kutlai Adamu tatkiwa pakeu. ⁵ Ba gaɗa wana herr wara wa dlam bai, amman gaɗa kanjino gəri aci raa wa da ri viyak karara dina na kararakwina i kun Nənwa Kakasku. ⁶ Kakasku pewa nənwa mi go aipu gawa dari yeso masihu baci rawa. ⁷ Aci dlam kasau gaɗa wa bi ta i da ri herr gəri, wa dlab ndak ta gado dari irɗi da aro mi go dadəgəri. ⁸ Sutku saktu jirewa, nan cu ka dlam rama na awayau iɗa bətuku, gaɗa ndawa mi bar jirewa na Kakasku a dlam na niya dlama wana bəlan wara Aci barikshi bətku bəlan kuru səkuna i ndwa mak. ⁹ Amman, ai vəna gamɗaya ki vatəku na ndak lalas na tləri, na gawa rama i ɗa linok jandau mak na paida bai, kuru̵ na səkuna bai. ¹⁰ Akur na dək nən mi anina bəra aɗa da witakun, aku ka dlanikshi gaba zəgir gayi ko shirən. ¹¹ Azəgədu ma zada nən tunu dlagdingəri da ɗaduvu jirewa a dlama ipu, zam darəbgi na adagəri. ¹² Sartu mi na wana Artimas na Kilikus i ri ci, a dlam kirat ka nai i ri ga i Nikobolis, i ri tunu na dlan na niya dlaɓa ariwu i laktu ma-ma. ¹³ Adlam, kərat ka wane Zinas wara aci gwanik shariya, na Apolos i ɗa duvu mi akshi buku be bai. ¹⁴ Adlaman gara bəlan, ndawa da gugzi wana bəlanmin gaɗa da ngum jiktakshi kərat gaɗa akshi da dlama mbasu vatuku bai. ¹⁵ Mak ndawa wara aɗa gayi na,yu a ndəma ci.A ndəmi ndawa mi anciwa i kun iman .Herr da dlaɓa na kun mak.