¹ Iyu Bulus guzub Kakasəku mawanak Yeso Masihu, gaɗa iman ndawa wara kakasəku cikɗu na zəgaya ki jirewa waci arditin gara na Kakasəku kwina. ² Na tabbas kə aro mi go dadigiri wara Kakasəku mi apapiya bai wara alkwar tuku tin kabən zaman da nai. ³ I kalkal lakwtu wara a ci arditingiri na Iyu na wargerci. Na dlama sugu ada Kakasuku ba ci rawa dawa Iyu. ⁴ I Titus, matikam kə jirewa i kunu iman. Herr, na salam, dari Kakasəku Afək na Masihu Yeso ba ci ra wa. ⁵ Gaɗa su tuku na na deu i ri ci i Kanta Makadoniya be wara jibke bai kayaidi gasgaraucin i kunu duk ɗa maranani ka ki mi na dawu ci. ⁶ Nən gasgara da dlaɓa na aipu bai, məsək ama gayi, na kutlai nda iman wara nda lawanshi na aipu bai kuru jəbna aɗakshi. ⁷ Jəbbən gara ba ci jiba coci i masiyigeri ke ba ci jiba wunduwa Səku da dlaɓa ba ci aipu bai, ngrurau, ko baci buka kəmar. Nda dlaɓa ba ci ma gəshi kade bai, ko masək səma bai, ko ba ci ruruta, ko ba ci kənama bai. ⁸ Gaɗa kasən, da dlaɓa ba ci wurta magəraf, ba ci ntu be bəlan. ba ci ankal, adalta, ba ci dəga Kakasəku na jəba aɗa gəri. ⁹ Da dlaɓa ba ci jəba saktuk jirewa nən wara yardatunakshi na atu wara nda gugzu bəlan da dalmi ndawami ma kuru gəri. ¹⁰ Gaɗa na gabdamak ndawa gawa, məsamman yahudaucin marak shi mak ke vatku. A levatak ndawa, aɗa wakshi i kunu dəvo bəlan bai. ¹¹ Dlamen gara dolle nda dabti nakshi. Akshi a tattaka be wara atlan bai akshi da tattiki; Gaɗa ntu aɗakshi ke bek zhərau na rubga yal ndawa. ¹² Gayi da kunakshi, nən gaggerayak kunakshi ramma, kirawa nda papiya, galalatak ndawa, gamshaucin fayin, ndak kuru wana na ndak kənama." ¹³ Rama tuku jire, nda dlamikshi gabaɗ mi awayau mi wara aku manakshi i kunu iman. ¹⁴ Ka bara ankal i zenzen yahudaucin bai ko linok ndawa mi barna akau i jirewa. ¹⁵ I ndawa mi go aipu tanke kakshi go aipu, amman i ndawa na aipu na burak imun tanke na aipu. Gaɗa gəshakshi na nənwakshi ga dlimatak. ¹⁶ Akshi a ramau ma akshi zəgana Kakasəku amman akshi dlama gamɗaya gəri dari wanakshi dlamanakshi ndak yen ya a nakwana bai. Nda getlibakshi bai i kunu wana bəlan tawanke.