¹ Na ba parresi dagai baci dlugun Nikodomu, marəm i yahudauccin. A cu da ni ri Yeso i kun deviɗ da ramici maya, "Rabbi (malum ke nan) ja zigadu ci malum gugza wara deu dari Səku, gada na nən mi wara bata dlama gaginawa tuku bai se nən mi wara aɗa gayi na ci." ³ Yeso da ramici maya, "Jirewa, jirewa, in ndaskunu di gi nən bin, a dimo lawan garvak Səku bai." ⁴ Nikodomu da ramici ma, "A dlama nana nda yawu nən wam dama aku aci garin gəri? A ci a tife bazhi mi gəri mashirin bai a ci a dumudu? ⁵ Yeso da ramici ma, "Jirewa, jirewa se da yawu nən da ri am na nənwa Səku bin a dumu tifa i kun garvak Səku bai. ⁶ Be wara da yawu da kun təka ki təka, be wara da yawu da kun Nənwa Səku ke ki Nənuwa Səku. ⁷ Ka jabta bai, gada na ramici ma jibin gara se da yawu ci wam.' ⁸ Kwaktak a fiya i rawanke mi atu ancu. kwa kəmu adərgu, amman kwaziga ri atu vire bai na ri atu a dima, sen ye kasen nən wara da yawu aci da kun nənwa Səku. ⁹ Nikodomu da gayici da rama, "Jandu tuku a dlama na na?" ¹⁰ Yeso da kalaktici da ram ma, "Ci malum gugza ki Israila amman ka sanutu jandu tuku bai? ¹¹ Jirewa, jirewa, na rame ci, ja rama be jazzigau kuru ja tatika be wara jaikau amman gusku yaye ka gənu be jaram bai. ¹² In na ramici be wara a kun duniya ka bar jirewa bai a dlama na na ka bar jirewa in na ramici be wara a kun dəsku? ¹³ Na nən wara ji dəsku bai se nən wara fuwai da dəsku, wun gi nən. ¹⁴ Ka ki mi Musa Sektu nbəkɗa i kun pata, ka sen ye nda sekta wun gi nən i dəsku. ¹⁵ Gaɗa tike wara bar dici jirewa a be na aro mi go dadi giri. ¹⁶ Gaɗa Kakasəku intututu duniya, da barai wun gəri, gadak ba ci barici jirewa tawanke damta bai amman da bi aro mi go dadigiri. ¹⁷ Kakasəku waneu waungu i kun duniya gaɗa da barcu aibu bai amman gaɗa da duniyau da ka ci da dalasa gəri. ¹⁸ Nən wara bari dici jirewa a da kagala amman nən wara kurna bari jirewa nda kagalatina aci gaɗa kur bari jirewa gəri i kun dlugu nən mi wara wun Səku getak gəri. ¹⁹ Su be mi dena shariya, payan dew kun duniya amman ndawa dantuci da ayiwa da miya payan gaɗa wanakshi mak gabshu. ²⁰ Ba ci dlama wana gabshu tawanke ma kuru payan. kuru ani ri payan gu bai gaɗa nda wuthliɗa wana gəri bai. ²¹ Amman ba ci wana na jirewa a ni ri payangu gaɗa da lawandu parak wana gəri gid. gaɗa wana gəri mak nda dlamakshi i kun Səku. ²² A ku sau, Yeso na pakurauccin gəri da yi nakshi kun gagai judiya. I ri tunu aci dlami yuwan gawa na akshi a baptisima. ²³ Yahai ye a tika baptisma i kun Aenon i dantu na Salim gada riyu na am tlapar ndawa a ni ri gəri a dlamekshi baptisma, ²⁴ Lakwtu digo da ɗawu Yahai bai i kun dəlo. ²⁵ Se gamdaya da tlai i gadava pakurauccin Yahai jəgab na ba yahude i da rama viya. ²⁶ Akshi da yi ri Yahai da rami ci maya, "Mulum nən gayi wara dlapu aɗa gayi na ci ke amiya gadira Urdun, wara ka dlam rama gəri, aki atika dlama baptisma, ndawa gawa a tika nya i ri gəri." ²⁷ Yahai da ram maya, "Nən a dimu ginneyi be bai de nda bare ci da dəsku. ²⁸ Kun na aɗa kun kwazigana sau, na ram ma, "Iyu kiristi bai amman da wanena iyu i səkur gəri.' ²⁹ Ama aama ki gəmsek aama, manga gəmsek aama gu wara rido da kirimci wura gəri a perdai rankata gaɗa aci kima na wura gəmsek ama gu. Sau iyu ganiyak na perdai tlapar. ³⁰ A ci a jiba sukuna iyu na puluta. ³¹ Nən wara deu da dəsku a dəsku na tike, nən wara dew da duniya ki duniya kuru a rama be wara ki duniya. Nən wara dew da dəsku a dəsku na tike. ³² A bar labar be wara aci ikew na aci kərəmtu amman na nən antuto bai. ³³ Nən wara gen na rama gərin zigadu Kakasəku jirewa. ³⁴ Nən wara Kakasəku wanau, a dlama rama Kakasəku, gaɗa aci abar nənwa Səku go kaktla. ³⁵ Afək intutu wungo da bar dici be tawanke i kun ami gəri. ³⁶ Ba ci bari jirewa i kun wungu na aro go dadigiri, amman ma kuru wun gu a lawan aro bai amman tlimid gizhi Kakasəku a dlapa a da gəri.