¹ Amman a zigina sau: i damak zaman nda dlam sartu kabine tlapar. ² Ndawa a dlaɓa nakshi nda ntu aɗakshi, ndak ntu dakwda, ndak aro marum, ndak dlǝmiɗ dlugun Sǝku na ndak muwa mayawawcin, ndak kuri godota, na ndak aipu. ³ Adlaɓa nakshi ndak kuri dǝvo ndawa mi an cu nipka aɗa na tike bai, ndak rubu-rubu nda kuri jǝba aɗa, ndak tarzuma, ndak kuri be bǝlan. ⁴ A dlama nakshi ndak ta zǝger, aɗa gauɗak, ndak aro marmamin, ndak ntu karak daɗkǝna ntu Sǝku. ⁵ A dlaɓa na gǝnawa ɗǝga Kakasǝku, amman a dlan gamɗaya na awayu ɗǝgau. A gwapina na kun dari zaɗak nda tunu. ⁶ I kunakshi na ndawa jǝgab mi a tefe wǝnduwawin a gizatak amatin a sumbai. Akshi ne amatin mi wara ganiyak na aipu, gwapinakshi da ɗak dǝvo gaɗa ntuta be dama dama. ⁷ Amatu tuku a jiba gugzau, amman ankalte aya na akshi zǝgi jirew bai. ⁸ Ka ki mi Yannisu na Yumbirisu dlam gamɗaya na Musa. Kasǝn ke malamcin fatawanke a gamɗaya na jirewa. Ndawa dak gǝshi gabshu ndak kuri jirewa. ⁹ Amman akshi a dlam pǝdǝm bai gaɗa dliɓginakshi a vǝrayin gara i patata, i tiye ka ki ndawa tuku. ¹⁰ Amman ci, adgi gugza ga, na halga, na nufafin ga, na bari jirewa ga, na irdi tir ga, na ntuta ga, na kanadi ga. ¹¹ Na gǝzata gǝzata ga, na kabinin ga, na mak be wakatu na iyu i Antakiya, na Koniya na Listra cham. Na mpana gǝshi ga i kun gǝzata gǝzata. Amman i kun makshi Mǝgǝngyi ra na Iyu. ¹² Mak ndawa ancu da dlam mbasu ko nakwana i kun Masihu a sa gǝzata. ¹³ Gabshu ndawa na ndak ankal a jǝba dlǝmatu a dǝga ndo jǝgab. Akshi na aɗakshi kuwa bǝdamu nakshi. ¹⁴ Amman ci, a ti kǝma na be wara ka gugzu kuma kabar na jirewa na gǝshi gayi. Ka kǝni ndawa mi ka gugzu da rikshi. ¹⁵ Azigǝdu, tun ci mayim gamgam kas gana kakkadi tuku mi go aipu. Jandau a dumuna dlaɓa na ci baci zǝgaya gaɗa ra i kun bari jirewa i kun Masihu Yeso. ¹⁶ Duk rama Sǝku da fiya Kakasuku. na paiɗa gaɗa gugza, gaɗa garǝn, gaɗa ɗaɗam kuru gaɗa lǝma i kun adalta. ¹⁷ Su tuku gaɗa nǝn Kakasǝku da dlaɓ kalkal ga sapratak gaɗa duk wana bǝlan.