¹ Gaɗa kasǝn, ci wǝn ga, aɗagwai ci i kun herr mi akun Masihu Yeso. ² Be mi ka kǝma dari ga da wita saidadin gawa, jubati ndak jirewa mi a dama na gugza ndawa dama. ³ Wasa ravan iɗa gayi ka soja jirewa kǝ masihu Yeso. ⁴ Go soja wara a dlam guzapǝna sartu mi kagdina aɗa geri na lamar gu dampi gǝshi marum gǝri. ⁵ In nǝn mi a mare-mare ka baci kawa rawa nin, nda ba ri ci lada bai dǝgo, se damu mare-mare da ri ɗǝga dokau (dumayau). ⁶ I a dlaman gara kalkal baci kam puwai kǝ ruwai da gǝ nyi kurak kare kam gu ki ri sǝkur. ⁷ A dlam kuraram be mi na rame ci, Kakasǝku ro bar di ci parakta i kun tanke. ⁸ A tani Yeso Masihu, da zadak Dawuda mi nda tlatlau da mutu, kǝ ki mi labar herr ga, ⁹ wara na sa kabine herr nye takwas ka ba ci aipu. Amman tǝlam Sǝku da takwsa bai. ¹⁰ Gaɗa kasǝn na marta kun gaɗa bayan gu mak, na ndawa mi Kakasǝku cikɗu, gaɗa akshi ke da bi ra wara a kun Yeso Masihu, na saksakta har demaro. ¹¹ Ramatuku tabas ro: "Wa mutu na a ci nin, waye dlaba na a ci ke. ¹² Wa dlam kanadi dǝga gǝri nin, wa dlam garva na aci. Wa dlam gamɗaya zegi gǝri nin a ci ke a dlama gamɗaya zǝgi wa. ¹³ Wa kurna dlama jirewa i dǝga Yeso nin, katanas a ci ba ci jirewa. Gaɗa a dlam gamɗaya aɗa gǝri bai. ¹⁴ A jǝb tanak shi bayangu. A gaɓdak shi i kǝma Kakasǝku, da dlam tliri bai i ɗa tǝlam. Gaɗa su tuku na paida. Gaɗa sa na kambeta na nda kǝrǝmta. ¹⁵ A dlam kokari gaɗa ba ri aɗa ci Kakasǝku ka ki nǝn mi gawanak ba ci wana go bi zhirau. Wara jǝb na jirewa kalkal. ¹⁶ Aivina ndak rama vatku wara a yana kun i lalaipu. ¹⁷ Ramakshi a parya ka kǝ fura pata a witikshi na Jalimangus na Filitus. ¹⁸ Dan gu ne gwapu nakshi darik jirewa. Akshi ramma tlayi da mutu wakatin gara saram. Akshi rǝb gǝna iman ndawa jǝgab. ¹⁹ Duk na kasǝn, mbasu jirewa ga dlaɓa na taran tuku aɗau, "Kakasǝku zǝgana ndawa wara kurna Nǝnuwa tawanke wara a daura dlǝgun Mǝgǝngyi tabbas daivi dlama aipu." ²⁰ A wǝnduwa mi na bǝrǝd nin kare zinar gu na azurfa ru gara bai. Na kasǝn ko na kare ndamin na ki rǝba cam. ²¹ In nǝn aivina aɗa gǝri mbasu mi go martapa nin a dlaɓa kǝ karak wana mi na martapa. Da barina karǝk paida gaɗa ba ci wǝnduwa, gǝri saparata gaɗa wana bǝlan tawanke. ²² A rawi na ci da mi jarapta ki mapǝndi kwina, a ntu ci adalta, iman, ntau salatu na ndawa mi a daura dlǝgun Mǝgǝngyi da gǝshi mi na aipu bai. ²³ Amman kwa dlama jaya kakabu na rashi zǝgaya bai. Aturo kwa zǝgadu a ni na gamɗaya gawa. ²⁴ Gabayi Kakasǝku da dlama tliri bai. Da miya kasǝn, da dlaɓa ba ci sǝna aɗa i tike, da dlam gugza na kanadi. ²⁵ Dolle, da bari aɗa gǝri da gugzhi nda gǝri. A dlaɓa ko da Kakasǝku a banata nakshi da dlam tubi. ²⁶ Akshi da kalakci nakshi i kun ankal shi, da ivina kambudik lǝspǝr, aku a ci jebnakshi gaɗa ntu aɗa gǝri.