¹ Na bari ci linok tuku i kǝma Kakasǝku na Yeso Masihu, wara a dlam shariya i ndawa mi na aro na ndawa gamtak, kuru gaɗa pakayi na garva gǝri. ² A dlam wazik ramau. Ka dlap na shiri ko na lakwtu ka na lakwtu bai. Agǝrnyi, a dapci, a dlam gabaɗ, na kanadi na gugza. ³ Aturo na saktu mi ani ndawa a dǝmu kanadi na gugza kǝ jirewa bai. Gaɗa kasǝn, a cacpai malamcin i aɗakshi gaɗa ntu gǝshakshi. Akshi a jǝbak tlada aguɗshi, a mǝsta nakshi iɗa zam-zam kǝ vatku. ⁵ Amman ci, ampi ankal i ɗa be tawanke. kǝrmai i sa bone; a dlamina guzapina. ⁶ Aturo na bai nda yayana iyu. Sartu rakan dlamin gara damtau. ⁷ Na dlam mare-mare ga kalkal; na dami na rawa bǝlan, na dami na rawa, na jǝb na jirewa. ⁸ Ndam paɗa Aryafu jirewa, mi wara Mǝgǝngyi, liyari ba ci adalta, aye bara nai i gafau. I ruga bai amman i ndak ntu ni gǝri. ⁹ A dlam mar-mare kanai kade. ¹⁰ Gaɗa Demas i vina iyu. A ci ntutu na duniya tuku jin giri Tassalonika, Krescens jin giri Galatiya, Titus ke jin giri Dalmatiya. ¹¹ Luka ru giri aɗa gayi na Iyu. Ama ki Markus kwanai i ɗaga gayi gaɗa a ci na paida iri gǝri i kun wanau. ¹² Na wana na Tikikus i Afisu. ¹³ Ayen da gwadam mi naiva i Taruwas iri Karbus, ka ni nin a yen na ci na atu, na kakkadi musamman. ¹⁴ Iskandiriya ba ci zima dalma tatka hal gabshu rankata, mǝgǝngyi an gumu di ci ka kǝ mi a ci dlamu. ¹⁵ Ci ye a dlam ankal na a ci, gaɗa a ci a gamɗaya na ramau gawa. ¹⁶ I ra aɗa ga ki sǝkur, na nǝn irdi da ga bai. Gaɗa kasǝn, tike rawan gǝri daivi na Iyu. Amman ndampekshi sau i aɗak shi bai. ¹⁷ Amman Mǝgǝngyi irdin gǝri iɗa ga, kuru da gwaita na Iyu ke, gaɗa dariga, wazik da pǝn gara bǝlan gaɗa duniya mak da kǝmi. Nda gumbe na Iyu da miya jagadlaw. ¹⁸ Kakasǝku a gumba dari wana gabshu ki kǝmangar gǝɗ da ri na iyu kǝ gaɗa garva gǝri kǝ dǝsku. Saksakta da dlab ki ri go dadigiri. Amen. ¹⁹ Andimi Biriskila, na Akila na wǝnduwa Onisifurus. ²⁰ Arastus dan mbasu a Koranti, amman nab zina Turufimus ngabai a Militus. ²¹ A dlam be ka dumu dlamau kanai kapǝn sartu mama nin. Yubulus andima ci, kasǝn ke Bundis, na Linus na kalafidiya, na yaganaucin mak. ²² Mǝgǝngyi da dlaɓ na Nǝnuwa ci. Herr ke da dlaɓ na ci.