¹ E a è nyanpindǝ kɨ Kuwǝ ɓee Njendisǝnon ulǝ'n adǝm. Nyanpindǝ nè ngă è jangá kann kag gǝ. ² Kuwǝ-ɓee Njendisǝnon dǝjɨ Amos ǝdǝ nɛ̀: Amos, ke ɗi a an wa? M'tel m'ilǝ'n dǝ't m'ǝdǝ nè: M'an kann kag gɨ. Kuwǝ-ɓee Njendisǝnon tǝl ǝdǝm ǝdǝ nè: gir ngein ndɔ lǝ kos doo gɨ lǝm kɨ Israel malang gang ɗas ɓătá. M'adǝ kɛ̀m a sɔl dǝnn't ndan le. ³ Kɛ̀m ndɔ't nè ngá pagɨ kɨ kɛ̀ kǝi gar'tɨ a tǝli tɔ̄n ra ngurur-ngurur. Kuwǝ-ɓee Njendisǝnon a tam ɓè: d'adǝ dɔr ninn goo gɨ kɨ bulǝi ɗik-ɗik tà dɨ mundɨ kaw kum dɨ kɔk. ⁴ Ooi tà nè: sǝi banmi njendó gɨ, sǝi tuji njékumndò gɨ kɛ̀m ɓeekon't. ⁵ Sǝi ǝdi nè ke nan kɨ tee kig ngă a goto ndɔ kɨ ɗá' tɨ a kadɨ j'ingǝnn gɛnmɛn wa? Ke gir ndɔ tà khǝb a tugǝ ngang ndɔ kɨ ɗ'a tɨ kadɨ jè tee'n tà dam gɨ le wa? J'adǝ ngar tà ngó mbɔjǝ nyan adɨ nain non tɨ lǝ su'n njen dogo nyan gɨ a tɔ wa? ⁶ J'adǝ ndogoi doo gɨ kǝ dangtɨ gǝ tǝdǝ lǝ nar a njendogɨ tǝdǝ lǝ saa kɨ njà dǝ tɨ a j'a j'adi d'adǝ ndogo jei inyǝ gɛnmɛn a tɔ. ⁷ Kuwǝ-ɓee ubǝ ra'n sǝ ndubra lǝ Jakɔb ǝdǝ nè: nyan radɨ gɨ ngă, kare ɓè gea, m'a madǝ kɛ̀m a woi nal dǝ'tɨ ndan le. ⁸ Ke ɓeekon a jɔre yɔgrɔm tǝdǝ nyan ra dɨ gɨ nga le wa? Ke doo gɨ kɨ kɛ̀m ɓeekon'tɨ nè malang nga a nain dann kumndoo le wa?Ɓeekn ɓǝrǝ mbak a in titǝ mann ba ɓè. A tal bugus-bungus a, a pa sibik titǝ baa kɨ ɓeekon kɨ Ejipt ɓee a tɔ. ⁹ Kɛ̀m ndɔn'tɨ nè ngă, Kuwǝ-ɓee Njendisǝnn tam ǝdǝ nè: kadɨ ndà danɓee ɓai kuwǝ, ma madɨ a ur baj. Ma madɨ loo a tugǝ ndul ndin-ndin dan kada ndai-ndai. ¹⁰ Ndɔ ra nangɨ lǝ si ngă, m'a m'tǝl dɨ kɨ asǝ nan sǝ ndɔ kumndòyo ɓè. Pa gɨ lǝ si malang m'a tǝl dɨ kɨ pa non ra a m'a madǝ sǝi malang a tɔi ɓǝd si sǝ tà kubɨ kɨ ɔjǝ dǝ kuwǝ ndoo ra dǝ kaiya'tɨ a, m'a m'tǝl doo gɨ malang kɨ nje dǝkɔr gɨ a tɔ. M'a madɨ ɓeekon a ndi dankumndoyo'tɨ asǝnan sǝ kumndoyo ngonn dagi ɓè. Ngein ndɔ lǝ nè ngă a è titǝ ndɔ ur katǝ. ¹¹ Kuwǝ-ɓee Njendisǝnon tam ǝdɨ nè: ai-in ndɔ gɨ kɨ m'a m'ulǝ sǝ boo-bò kɛ̀m ɓeekon'tɨ. Ḿ m̀ è boo-bò kɨ ɔjɨ dǝ mapa le a è boo-bò kɨ ɔjɨ dǝ kundǝ mann lea tɔ. ¹² Nè è baa-bò sǝ kundǝ mann kɨ ɔjɨ dǝ tàgɨ lǝ ndjendisǝnon. È a d'a kilǝ dɔɔ gam-gam, d'a d'in gidǝ baa kɨ kare kaw gidǝ baa kɨ ɗangtɨ a d'a d'inyin dǝji gǝl kaw loo tee'tɨ lǝ kadɨ a d'a d'aw kɨ yó kɨ nè lǝ sang tà lǝ Njendisǝnon nè d'a d'ingɨ le. ¹³ Kɛ̀m ndɔ ne,̀ ngann kɨ dinyegɨ kɨ mandi ngain a ɓalsagɨ a tɔ a wei yo kundǝ mann. ¹⁴ Ubi ra dɨ dǝ kaiya'tɨ lǝ ɓeebò kɨ Samari a tami ǝdi nè: i Dan, majɨ kadɨ dǝ Nubǝ lǝ mɔng kang-kang a majɨ kadɨ rǝbɨ lǝ ɓee-bò kɨ Bɛr-scheba gea mɔng kang-kang a tɔ. D'adɨ tɔr t'oso nè d'adɨ tǝl kin dɔɔ gugu Ie ta.