DCS-Mirror-krispy_gvl_amo_text

Loo kayai'n 7

¹ Kuwǝ ɓee Njendisǝnon ulǝ sǝ nyan pindǝ nè adǝm. Ai-in, è adǝ ɓɛ̀tɛ gǝ undei loo teei kɨ wale unn gir kitǝ; wale kǝ itǝ adǝ utǝ go è kɨ ngar adǝ d'ujǝ ɓă. ² Loo kɨ ei usei wale kɨ dǝ nang nè ndát-ndát ɓaa m'tam mǝdǝ nè Kuɓee Njendisǝnon adǝ kɛ̀mi tin mbitǝ! Ke Jakob a kajǝ kuwǝ ɓai wa? Tǝdǝ tɔg'n asǝ le. ³ Njendisǝnon ndingǝ rann dè't. Nyan nè ngà a tee ndan le. Njendisǝnon á tam ɓee. ⁴ Kuwǝ-ɓee Njendisǝnon tel ulǝ sǝ nyan pindǝ nè ngá adǝm ǝdǝ nè An! Kuwǝ-ɓee Njendisǝnon tam ndàt titǝ kɨ pɔr è ndein kundǝ, ma madǝ pɔr a on bǝu kɨ son'n goto a, a roo ndɔr rak-rak a tɔ. ⁵ M'ǝdǝ Kuwǝ-ɓee Njendisǝnon m'ǝdǝ nè: Ǝbǝ't ra nyan! Ke Jakob a ajǝ titǝ kɨ mbain wa? Tǝdǝ tɔg'n asǝ le. ⁶ Njendisǝnon ndigǝ rann dǝ't. Nyan nè ngà a tee ndan le, Kuwǝ ɓee Njendisǝnon á tam ɓè. ⁷ E ulǝ sǝ nyan pindǝ nè nga adǝm ǝdǝ nè: an! Kuwǝ-ɓee ndi ndogǝ bɔr't sǝ kulǝ mbɔjǝ nyan jin't a, sǝ kulǝ ndajǝ nyan jin't a tɔ. ⁸ Njendisǝnon ǝdǝm ǝdǝ nè Amos ke ɗi a an wa? Milǝ'n dǝ't mǝdǝ nè: M'an nyan ndajǝ kare. Kuwǝ-ɓee Njendisǝnon ǝdǝ nè man milǝ nyan ndajǝ nyan dann kossǝ doo gǝ lǝm kɨ Israel a ma madǝ kɛ̀m a tin mbitǝ dǝ't ndan le a tɔ. ¹⁰ E a Amatsia njekujǝ nyan mǝs kɨ Betel, adǝ d'ǝdǝ Joroboam, ngar kɨ Israel d'ǝdǝ nɛ̀: vAmos tamtà kɨ majǝle ɔjǝ'n dǝi dann koosǝ Israel gǝ't. Ɓeekon nè nga asǝ taa tà gǝ nè malang le. ¹¹ Tǝdǝ ain tà kɨbAmos tam ǝdǝ nè: Joroboam a wǝi yoo kuyǝ kaskar a d'a d'uwǝ Israel lǝ kaw sǝ'n hǝb sǝ ɓee lenn lǝ ra ɓer a tɔ. ¹² Amatsia ǝdǝ Amos ǝdǝ nè doo nyan pindǝ in an-in aw nu kɛ̀m ɓeekon kɨ Juda; usǝ mapa lǝi tutǝ. È loo kɨ nu a ilǝ mber tà gǝ kɨ in tà Njendisenon't. ¹³ Nè ǝbǝ't ribǝ dǝ tà lǝ Kuwǝ kɨ Betel, tǝdǝ è loo kujǝ nyan mǝs lǝ ngar a, è kǝi ngar a tɔ. ¹⁴ Amos ilǝ Amatsia dǝ't ǝdǝ nè: ma m'ee njeribǝ dǝ tà kɨ tà Nubǝ't le a, man ngonn lǝ njeribǝ dǝ tà kɨ tà Nubǝ't le a tɔ. Ǹ man njekulǝ nyan gǝ a ma njendɔr kote gǝ kɨ dé ɓar dǝ nè sikomɔr a tɔ. ¹⁵ Njendisenon á unnǝm goo koosǝ nyankul gǝ't ɓaa ǝdǝm ǝdǝ nè: aw i ribǝ dǝ tà lǝm adǝ koosǝ doo gǝ kɨ kɛ̀m ɓeekon kɨ Israel. ¹⁶ Ur mbii ɗarinè oo'n tà lǝ Njendisǝnon, i kɨ nje kǝdǝ nè: i ribǝ dǝ tà kɨ tà Nubǝ't utǝ'n Israel mbeng le a i tam tà kɨ majǝ le utǝ'n nje kɨ kɛ̀m kǝi lǝ Isak mbeng le a tɔ. ¹⁷ An! è tǝdǝ è kɨ nè a Njendisǝnon tam ǝdǝ nè: dinyen lǝi a è kaiya dinyen kɛ̀m ɓee bò't a, nganni gǝ kɨ dingem sǝ nje kɨ dinyen gǝ a weii yoo kuyǝ kaskar a tɔ; d'a d'ilǝ kulǝ mbɔjǝ nyan nang kaya'n loo ndɔr lǝi a; i ɓaa a wei dǝ nang kɨ minǝ't a d'a d'uwǝ Israel ɓer hǝb sǝ ɓee lenn a tɔ.