¹ Njé kɨ ndii jɛkɛ də mbal kɨ Sion tɨ nga à án-in ɓai, njé kɨ ndii sə kɛmlɔm də mbal kɨ Samari tɨ nga gea a án-in ɓai ā tɔ. Doo gə kɨ ngak-ngak lə kosdoo gə kɨ ei kɨ dəsɛin kɨ Israël aw radə tɨ nga gea à án-in ɓai... ² Ali galang awi kɛm ɓee kɨ kalné, awi sár tee'n kɛm ɓee boo kɨ Hamat, awi Gath ɓee lə philistin gə: ke ɓee boo gə nɛ̀ nga teei kɔdə dumi ɓeekɔn gə lə si kɨ joo wa? kē də nang lə də laa dum lə si wa? ³ Sei giri lə k'utəi ndɔ kumndoo nga mbəng. ɓa agi sə k'undə tɔg də loo tɨ adi on ɓée. ⁴ Dé too də tirə gə kɨ ra sə gɔgə kədə́. dé too də nyan too də gə tɨ sə kɛmsɔl lɔm dé d'usə dan ngann ba tɨ gə kɨ kɛm gar tɨ ā dalu mang gə kɨ əri ndɔl ndɔl ā tɔ. ⁷ Gir'n kɨ nɛ̀á dé kuwə d'a dee ngaw tà njé kɨ d'a tuwə də kaw sədə ɓee ɓə̈r tɨ ɓa ndu kogo lə njé ndi dɛs gə nga gir'n a gang ɗasɨ tá. ⁸ Kuwəɓee Njendisənon mann rann é kuwə; Njendisənon. Nubə lə kosnjerɔ gə tam ədə nɛ̀: tira lə Jacob nga m'ɔr'n njɛtɨ. kəi ngar gə lə'n gea m'ɔr də njɛtɨ ā tɔ. Man m'iyə ɓee boo nɛ̀ sə nyan gə malang kɨ tooi kɛmɛ. ⁹ Tabai kɨ nɛa dingəm gə dɔg nan-in kɛm kəi kare ɓa à oyi kabak. ¹⁰ Loo kɨ njè nojə lə doo kare unn nin'n lə kaw ró aa ɔi kingə gə kɨ kɛm kǝi kɨ nɛ̀ nata ɓaa a dəjə doo kɨ ndi gillə kəi'tɨ kədə nɛ̀: ké doo kare nan-in səi kəi non ɓai wa? Doo nɛ̀ nga a tel kile madə n də tɨ kədə nɛ̀; doo kare gea goto. Ɓa doo kare kɨ rang ədə nɛ̀: i ndi tai mundu e kurlo kɨ lǝ kadǝ doo ɓarǝ 'n ri Njendisenon le ta. ¹¹ Tede Njendisenon unn ndun ɛdɛ nɛ̀: n'a kad tuj oso dɛ kei gǝ kɨ boi't ɓa ngann kei gǝ a gudi ɗek-ɗek. ¹² Ke sindǝ gǝ ain-in ngɔd dǝ mbal't wa? ke da ndor se mang tutǝ ȧ, le kad iteli nyan kɨ dane kɨ kuguǝ yel doo gǝ ȧ, i teli nyan ra kɨ se go rǝb'n titǝ kag kare kɨ at kɨ rin nɛ̀ absint a tɔ. ¹³ Sei i rai ranel dǝ nyan kɨ goto't, sei tami ǝdi nɛ̀: ke ee se goo tɔgjǝ ȧ jingǝ'n tog mong nga lè wa? ¹⁴ An-in gir'n kɨ ne ȧ, da kinn se njǝ kem kei lǝ israel, Njendisenon Nube le njerɔ'gǝ, ǝdǝ nɛ̀: guir koj doogǝ kare a kule kumsi ndoo, unn guir'n ta reb ɓeekɨ Hamat, sar kum reb mann kɨ dǝ dilǝ loo tɨ.