DCS-Mirror-krispy_gvl_amo_text

Loo kayai'n 5

¹ Uri mbi si ooi tà non rá kɨ ma mǝdǝ si ɔjǝ dǝ kɛ̀ kǝi lǝ Israel. ² Israel kɨ è titǝ ngonn mandǝ kɨ gǝr dingǝm le nga oso. asǝ kutǝ rann dɔ. E kǝ è titǝ ngonn mandǝ kɨ gǝr ndigǝm le bai. Israel too nang pɔbel, doo kare ɓè kɨ asǝ kutǝ'n dɔ goto. ⁴ E a Njendisǝnon ǝdǝ nje kɨ kɛ̀m kǝi lǝ Israel ǝdǝ nè: I ndɔlei man ɓaa a ndii kum gajǝr. ⁵ Ɔri dǝ njà Betel le, awi Gilgal le a i teei Ɓǝǝ-scheba a le tɔ. Tǝdǝ d'a d'uwǝ Gilgal ɓer a Ɓetel a nujǝ kɔti-kɔti a tɔ. ⁶ Ɔri dǝ nja Njendisǝnon ɓaa a ndii kum gajǝr, i ɓǝli ni, è a laa kǝi lǝ Josep titǝ pɔr ɓè. Loo kɨ nè n'roo kǝi nè ɓaa doo kɨ Betel kare ɓè kɨ asǝ tɔl goto. ⁷ Ǝi, sǝi kɨ i tǝli nyanra kǝ sǝ dǝ najǝ'n ɔji kag tɔɔ kum a, ai-in nyan kɨ sǝ dǝ najǝ'n kɨ nyan le nga! ⁸ È undǝ konyon gǝ kɨ dǝ ɓar dǝ ɓolenkujǝ gǝ a mɓonron a tɔ. È tel tilkusǝ adǝ è tagir loo á tel loo kar adǝ ndul ndin-ndin a, adǝ mann baa-bò ulǝ gǝng-gǝng gǝng-gǝng taa dǝ nang pel-pel: rridoo nè nga è Njendisǝnon. ⁹ E tujǝ njetɔgmɔng gǝ kɔti-kɔti adǝ ɓee-bò gǝ kɨ d'ilǝ ndogǝ ɓɔr d'ai-in dǝ gea tujǝ kɔti-kɔti a tɔ. ¹⁰ Dè d'ɔr doo kɨ nje kin sǝ dǝ dǝ tà't tà rǝbǝ kɔg't a, doo kǝ nje tam ngarankum tà ɓaa d'ɔr'n njet a tɔ. ¹¹ Taɓai, tǝdǝ sei, tubei dangtɨ gǝ nang sǝ nja si mbajir-mbajir a sei taai geme lǝ dǝ kare. Sei undei kǝi gǝ sǝ mbal gǝ kɨ dé tɔl, nè i ndii kɛ̀mɛ lèa, i man-in kag nduu gǝ kɨ majǝ ngain, nè a an-in mann kann dǝ lé a tɔ. ¹² Tǝdǝ ma m'gǝr titǝ kɨ kɛ̀myer gǝ lǝ si bulǝi nan ngain, kaiya ra si gǝ in dǝ madǝ 't kɨ kete-kete, ulǝi kum nje ra nyandane sèw ndoo a sei taai nyan baw gǝ kare á, sei gangi tà lǝ njendoo gǝ sǝ go reb'n le a tɔ. ¹³ Gir'n kɨ nè a dè kur loo't kɨ ɓè nga doo kɨ nje goskumkunju ǝbǝ rann tam tà tǝdǝ è dǝ kur loo nyanra kɨ majǝ goto. ¹⁴ Ɔri dǝ nja nyan ra kɨ majǝ taa m nyanra kɨ majǝ le le ɓaa aii ndii kumgajǝr. È a Njendisǝnon Nubǝ lǝ koosǝ njerɔ gǝ à nain sǝ si titǝ kɨ i tami nga. ¹⁵ Ɔri nyanra kɨ majǝle njèt i rai majǝ a i tooi pǝkǝ dǝ nyan ra kɨ majǝ't ɓaa bain lea Nubǝ a ilǝ kɛ̀m'n pon dǝ si't. ¹⁶ Gir'n kɨ nè a njendisǝnon Nubǝ lǝ koosǝ njerɔ gǝ tam'n ǝdǝ nè doo gǝ a noin ra dǝ sǝ loo gǝ malang, dǝ kilǝ rebǝ malang d'a d'ǝdǝ nè: Haɓi! haɓi!. D'a ɓar burǝ kɔsǝ loo kumndoo yoo't a njékilǝ pà kumndoo gǝ loo non ndoo't a tɔ. ¹⁷ Kɛ̀m loo ndɔr nduu gǝ't malang ngá doo gǝ a noin ra dǝ, loo kɨ ma mundǝ'n dann gang, è Njendisǝnon á tam ɓè. ¹⁸ Sǝi kɨ i ndingǝi ra si lǝ kan ndɔ lǝ Njendisǝnon ngá a ai-in bai. Ke ri a i ngonmi lǝ kingǝi kɛ̀ ndɔ'n tɨ nè nga wa ? Ndɔ nè nga a è tilkusǝ m lookar le. ¹⁹ Sǝi a tanai nan sǝ doo kɨ an-i non toboin't ɓaa ɔsǝ dǝnn dǝ dan kare kɨ rinn nè urs. Doo nè nga loo kɨ ain ree loo ndii'n tɨ ɓaa è ɔre dǝ ndog bɔr lǝ kin bal dǝ't ɓaa li don jinn. ²⁰ Ke ndɔ lǝ Njendisǝnon nga è titǝ tilkus m lookar le le wa? Ke è loo kɨ ndul ndang-ndang m è loo kɨ ndoin kotong le le wa? ²¹ Mɔr loo ra nangǝ lǝ si njèt a munn kum mbeng dǝ loo kǝbǝ naangǝ lǝ si à tɔ. ²² Loo kɨ sei reei sǝ nyankujǝmǝs kɨ ró sǝ pɔr rák-rák a, sǝ nyan nojǝ gǝ ɓaa mingǝ ranǝl tutǝ le.Tabai, dalu mang gǝ lǝ si kɨ ǝri lɔtɨ-lɔtɨ kɨ sǝi reei kɨ nyan kujǝ mǝs kɨ lǝ ram oiyo nga, m'ilǝ kum dǝ't le. ²³ Utǝ rai mbǝng sǝ pà gǝ lǝi kɨ ɓari tchoo kare. Mur mbim moo'n ká kundu djeng gǝ lǝi le. ²⁴ Nè lǝ kadǝ nyan ra kɨ danneséw è titǝ kum rǝb mann sǝ nyan ra kɨ sǝ dǝ najǝ'n è titǝ mann kɨ ai-in kutch-kutch kɨ ii ndan le ɓè. ²⁵ Ke ujǝi nyan kujǝ nyan mǝs sǝ nyan nojǝ adi man loo kɨ sǝi rai ɓal kɔr sɔ dǝ dilǝ't wa? Sǝi njékɛ̀m kǝi lǝ Israel. ²⁶ Ɔti kɨ rang sǝ kǝi kubu lǝ ngar lǝ si á, sǝ kǝi mag lǝ si á sǝ mag kɨ è koinyon kɨ sǝi kuwǝ ubǝi ngá a tɔ.