DCS-Mirror-krispy_gvl_amo_text

Loo kayai'n 4

¹ Oi tà nè sǝi dinyǝn gǝ kɨ Basan kɨ i tooi titɨ mandǝ mang gɨ kɨ i ndii dǝ mbal tɨ kɨ Samarie. sǝi kɨ ulǝi kum dangtɨ gɨ ndoo a, i lǝri njendogɨ nang tabai ǝdi ngaw si gɨ ǝdi nè i reei sǝ nyan kain adi j'ai-in. ² Kuɓee-Njendisǝnon kɨ nje ra kunjǝ nyang-nyang mann rann ǝdǝ nè: an-in ndɔgɨ a reei dǝ sitɨ non ei ndɔgɨ kɨ gɔl ngan á d'a dɔr'n sǝi a ngann si gɨ sǝ ngann ka si gɨ ɓaa è kuiyǝ a d'a kɔr'n dǝ a tɔ. ⁴ Awi Betel i rai kaiya. awi Guilgal ɓaa i rai kaiya adi al dǝ loo ɓai! Sǝ ndɔgɨ malang loo kɨ loo ar yǝrǝr ɓaa ujǝi nyankujǝmǝsgɨ lǝ si a ɔri ndɔ mutǝ ɓaa adi nyan gɨ lǝ si kɨ kare kɛm̀ kɨ dɔg'tɨ ɗɔ-ɗɔ. ⁵ Ilǝi pulul nyankujǝmǝs gɨ lǝ si kɨ lǝ rann oiyo nga tutɨ,ilǝi mbǝr a, ɔri sǝr nyan gɨ kɨ in-in sǝ kɛ̀m si uwǝi nojǝ ngă tɔ. Tǝdǝ è a è nyan kɨ uwǝ kɛ̀m si sǝi ngann Israel gɨ. Kuwǝ ɓee Njendisǝnon a tam ɓè. ⁶ Nè ma ɓaa madǝ boo-bò oso kɛ̀ ɓee-bò gɨ tɨ lǝ si malang, mapa goto loo ndi si gɨ tɨ malang. Nè nè è bè gea i tǝli kɨ ram'tɨ le Njendisǝnon tam bè. ⁷ Nè man ɓaa loo kɨ nain nan mutǝ ɓita kadǝ nan kujǝ ko asǝ kuwǝ ɓaa m'ɔgɨ sǝi mann ndi saar tee ndɔ'ntɨ. M'adǝ ndi ǝdǝ dǝ ɓee-bò kɨ kare nè e kɨ rang ɓaa ndi ǝdǝ tutǝ le. Kɛ̀m ndɔr kare ingǝ mann ndi ne è kɨ rang kɨ ingǝ le nga tutɨ. ⁸ Ɓee-bògɨ joobǝkǝ mutǝ awi ɓee-bò kare kɨ rang lǝ kai-in mann nè ingǝi adǝ tɔl kundǝ mann lǝ dǝ le.bǸ è è bè gea i tǝli kɨ ram'tɨ le, Njensisǝnon a tam ɓè. ⁹ Madǝ nyan gɨ lǝ si uwǝi kár, dǝ ko lǝ si ujǝ pɔr. Kɛ̀m ndɔr gɨ lǝ si, loo ndɔr ndu gɨ, sǝ kag gɨ lǝ si kɨ dǝ ɓar dǝ olibye nga m'adǝ ɓɛtɛ gɨ tuji sak'tɨ saktɨ. Nè né è bè gea i tǝli ram'tɨ le. Njendisǝnon a tam bè. ¹⁰ M'a kadǝ moin koosǝ tɔl sǝi titǝ kɨ kɛ̀ɓeekontɨ kɨ Ejipt, m'tɔl ɓalsagɨ sǝ ngann mandǝ gɨ lǝ si sǝ kuyǝ kaskar, m'adǝ dǝ taa sindǝgɨ lǝ si a m'adǝ dum nyan kɨ ǝtɨ pas-pas loo ndi si'tɨ in-in ur um sitɨ. Nè nè è bè gea i tǝli kɨ ram'tɨ le. Njendisǝnon a tam bè. ¹¹ Madǝ awi dǝ nantɨ kutri titɨ Sodom sǝ Gomor kɨ ndɔ kɨ Nubǝ tujǝ dǝ nga. Sǝi i tooi titɨ tà kir kɨ d'ɔr dann pɔr kɨ on loo'tɨ ɓè. Nè nè è bè gea i tǝli kɨ ram'tɨ le. Njendisǝnon a tam bè. ¹² Gir'n kǝ nè a Israel ma m'ra sǝi ɓè kuwǝ tɔ. Titǝ kɨ ma lǝ sǝi bè nga, Israel majǝ kadǝ uwǝ dǝ nja rai lǝ ndaa'n non Njendisǝnon Nubǝtɨ lǝi. ¹³ An è kɨ è njekubǝ mbal gɨ a sǝ njera nǝl a è kɨ njeribǝ dǝ tàgir lǝnn kadǝ doo a è kɨ njetǝl tàgir loo kɨ tilkusǝ a è kɨ nje njiye dǝ loo kɨ too mbǝng dɔ dǝ nangtɨ nga rinn nè Njendisǝnon Nubǝ lǝ koosǝ njerɔgǝ.