DCS-Mirror-krispy_gvl_amo_text

Loo kayai'n 9

¹ Ma'n kuwǝ ɓee tee nda dè ndingǝr loo kujǝ nyan mǝs't ɓaa ǝdǝ nè: undǝ kag ngawdann kǝi ɓaa; adǝ tà rǝb kɔg gǝ j'ɔrei ɓuki dè dǝ't malang. Gutǝ dè kɨ nain à ɔsei tà kuyǝ kaskar't. Doo kare gea a kan-in lǝ kajǝ rann le, doo kare gea a tee le tɔ. ² M nè d'aw ɓee lǝ nje kɨ d'wei gǝ't gea, jim a ree sǝ dǝ gugu, né d'aw kɛ̀ danran't gea ma'mtel ree sǝ dè nang gugu. ³ M'né dan-in d'aw ɓɔyɔ ra dǝ sém mbal kɨ Karmel gea m'aw lǝ ndole dǝ, lǝ tuwǝ dǝ; kɨ nè dè ɓɔyɔ ra dǝ tà kum't gir bà bò't gea ma munn ndum lǝ kadǝ li ton dǝ. ⁴ Kɨ nè a d'aw ɓee ɓer't non njeban gǝ't lǝ dǝ gea loo'n kɨ nè kuwǝ ma'm munn ndum madǝ lǝ kadǝ kuyǝ kaskasr tujǝ dǝ. Ma kadǝ kum too go dǝ't lǝ ra sǝ dǝ majǝ le m majǝ tɔ le tá. ⁵ Kuwǝ ɓee Njendisǝnon lǝ koosǝ njerɔ gǝ, ulǝ jinn ɔde'n nang nè ɓaa nang yei, koosǝ doo gǝ malang kɨ ndii tutu ei dann kum ndoo yoo't; nang nè malang in titǝ mann baa ɓee è tǝl risǝ titǝ mann ba kɨ Ejipt. ⁶ E kɨ undǝ kǝi lenn dann daran't ɓaa gir'en ɔdǝ nan nè; e ɓar mann baa bò katǝ gǝ ɓaa adǝ ǝdii ribei tai dè nang nè ngá: rinn nè Njendisǝnon. ⁷ Ke sei lǝm gǝ titǝ ngann gǝ lǝ nje kɨ Etiopi le wa? ngann Israel gǝ Njendisǝnon tam ɓè. Ke madǝ Israel tee kɛ̀m ɓee ɓer kɨ Ejipt't le, titǝ nje kɨ Pilisti, sǝ nje kɨ Kaptɔr a nje kɨ Siri gǝ sǝ nje kɨ Kir le wa? ⁸ Ain kum Kuwǝ-ɓee Njendisǝnon too dǝ ɓeekon kɨ tà uwǝ dǝ'n; maye tujǝ dǝ nang nè, nè né e ɓè ma'mtujǝ njekɛ̀m kǝi lǝ Jakob malang le. Njendisǝnon tam ɓee. ⁹ E a lǝ kadǝ ain, ma madǝ ndu kunn gǝ lem, ɓaa ma m'yei kǝi lǝ Israel dann gir kojǝ doogǝ-doogǝ't titǝ kɨ dǝ yei'n ko sǝ nyan yei'n, nal kadǝ njar'n kare gea ɔso nang. ¹⁰ Dann bulǝ doo gǝ't lǝm dè malang kɨ dǝ ra kaiya d'a d'wei yoo kuyǝ kaskar, dè kɨ tam d'ǝdǝ nè: nya kɛ̀mkon a tee ra dǝ't le a, à ɔdǝ ra dè le a tɔ. ¹¹ Kɛ̀m ndɔ'n kɨ nè nga, ma kunn kei le David kɨ oso dɔ̄, ma'm gɔl kum ɓɔle gǝ, a ma'mgɔl loo gǝ kɨ tuji a, ma m'gɔl k'ade to ti tǝ kɨ kettɛ bè. ¹² Lǝ kade gutu Edom ke nan-in nga d'on de de a,se gir koje doo ge malang kɨ rim ɓar de de tǝ nè nga a to. Njendisenon a tam bè,le kade nyan ge ne nga awi loo'n tǝ deje. ¹⁴ Ma'm tel se koosǝ doo gǝ lem kɨ Israel kɨ d'uwǝ de ɓǝr,a goli ɓee boo lǝ de kɨ tuje kɔti kɔti a, a ndii tutǝ, a man-ain ndugǝ a, a ain mann'n, a uwǝi loo ndɔr gǝ lǝ man-in kag gǝ ɓaa a usǝi kan de. ¹⁵ Ma man de kɛ̀m ɓee bò tɨ le de, doo as lǝ kɔrdǝ kɛ̀m̵ ɓee kǝ ma kuwǝ madǝ de nè nga lé Njendisenon Nubǝ lǝi tam bè.