³ Ma m'ulǝ sǝ pɔr dǝ ɓeekon kɨ Moab, pɔr nè a roo kǝi konɓee kɨ Kirjot, ma m'tujǝ'n dann kɔsǝ doo gǝ't ai-in nan't à dann bang njerogǝ't a dann ka buruj kɨ ɓar't a tɔ. ² Ma m'tujǝ nje gang reb tà kɛ̀ ɓeekon kɨ Moab, ma'm tujǝ njekonɓee gǝ lǝnn malang sǝnn nan't. Njendisǝnon tam ɓè. ⁴ Njendisǝnon tam ǝdǝ nè sǝ go kɛ̀myer lǝ ɓeekon kɨ Juda kɨ asǝ nja mutǝ né e sɔ gea, ma'm tǝl sǝ ndum gugu le tǝdǝ nǝdǝ kɨ ei nǝdi gutǝ ndu lǝ njendisǝnon, ei gomi ndu kunn gǝ lenn le ndolei go mag pole kɨ lanm kɨ ndɔ kɨ ɓɔɔ dǝ gǝ ndolei go nè nga. ⁵ Ma mulǝ sǝ pɔr dǝ ɓeekon kɨ Judqa kadǝ roo kǝi konɓee kɨ Jerusalem. ⁷ Dilǝ kɛ̀m dǝ pon lǝ kan ɓuɓur kɨ a in nang le kuwe dǝ nje kɨ ei dang't gǝ a d'unn kum dǝ mbeng dǝ naji't lǝ njedoogǝ a tɔ. gonn kɨ dingǝm sǝ ɓɔɔ'n awi ra ngon mandǝ kɨ kare't lǝ tuji rim ma kɨ njekɛ̀m nda. ⁸ Dè too ngɔr kɔt loo nyan kujǝmǝs't dǝ kubu gǝ kɨ dè tunn;n dè nyan a mann ndu lǝ dé kɨ d'ulǝ dǝ ndub á d'ai-in kǝi Nubǝ gǝ kɨ lǝ dǝ. ¹⁰ Nè né e ɓè gea, m'tujǝ nje kɨ Amɔr non dǝ't, ngal dǝ asǝ nan kag gǝ kɨ ri dǝ nè sedrǝ gǝ. Tɔg dǝ asǝ nan sǝ kag kɨ ri dǝ nè senǝ gǝ a tɔ. M'tujǝ kann dǝ ɨ dɔ a, ngirǝ dǝ kɨ nang a tɔ. ⁹ E m'an kuwǝ á mɔr sǝi Ejipt m'tee sǝ si, taɓai mɔr non si dǝ dilǝ loo't asǝ ɓal kɔr-sɔ lǝ kadǝ sei ɓee lǝ nje kɨ Amɔr. ¹¹ M'tɔr ngann gǝ si madǝ tami tà sǝ ndum ngann basa gǝ lǝ si mundǝ dǝ sǝ ninn dǝ gai, ke è ɓè le wa, Israel gǝ, njedisǝnon tam ɓè. ¹² Nè sei adi nje kɨ tooi sǝ ninn dǝ gai ai-in mann ndu a, nje tam tà sǝ ndum gǝ, unni ndu si, ɔgi dǝ loo tam tà lem. ¹³ An-in ma m'raj sei nang raj-raj titǝ kɨ pusǝ sindǝ kɨ ɔi dǝ ko tɔɔ'n nang pɔsǝ-pɔsǝ ɓè. ¹⁴ Doo kɨ rann ɔle pel-pel gea asǝ kai-in le a, nje ra tɔg asǝ ra tɔg dǝ rann't le a tɔ. Baw ro asǝ lǝ kajǝ rann le a tɔ. ¹⁵ Doo kɨ nje kur ɓandan't majǝ kuwǝ asǝ lǝ nda njang le, doo kɨ njann ɔle pel-pel asǝ lǝ kan-in le a, nje sindǝ asǝ lǝ kajǝ rann le a tɔ. ¹⁶ Nje kuwǝ ra mɔng lǝ baw rɔ gǝ a ain ɓur'n suturu kɛ̀m ndɔn't nè: Njendisǝnon tam ɓè.